狂熱時空 西班牙(完) – 罪惡之城 巴塞隆拿(Barcelona)

西班牙 巴塞隆拿(Barcelona)興建了133年還未完工的 – 聖家族教堂(La Sagrada Familia)

聖家族教堂(La Sagrada Familia)是西班牙巴塞隆拿(Barcelona)一座天主教教堂，由名建築師Antoni Gaudí設計，是一座贖罪教堂，資金的來源主要靠個人捐款，捐款的多少直接影響到工程進度的快慢，所以從1882年開始修建至今己133年還未完工，建築師都轉了幾Round，是世界上唯一一座還未完工就被列為世界文化遺產的建築物。

狂熱時空 西班牙‧細味名城 葡萄牙 – Day 15

<<貝爾加(Berga)>>

今朝瞓到10:30，起身到超級市場買些水果和麵包今晚食，然後便到Plaça Sant Pere參加今日的La Patum(Kids Day)。今天的演出者全是小朋友，但都一樣有玩火架。由於今日應該冇禽晚咁瘋狂，所以禾要落場玩，不再做旁觀者。

11:45廣場Plaça Sant Pere已擠滿人了，平均年齡比昨晚細20年。

主打係活潑的小女孩

還有可愛的小朋友們

全部小朋友們都要騎膊馬，唔肯實比禾遮住啦，依家輪到佢地遮住禾。

這一場騎木馬單元昨天離開太遠睇唔到，今日補返數。

這小恐龍昨晚見過了，禾認得佢。

巡遊的大公仔比昨晚細好多啊，但羣衆的情緒仍然高漲。

煙火恐龍出場了，抱着BB的家長即時雞飛狗走。

咪睇班小朋友個個得果幾歲，舞起火龍來都很激進。

哇！仲玩燒人添，點敢睇小佢地。

成班友望住條煙火恐龍玩燒人，嚇到呆晒。

終於燒完了，小朋友們個個氣喘如牛，很攰啊！

煙火恐龍的火炮爆得太大聲，嚇到一位表演的小妹妹哭啊。

14:00完場，快步往山上走，今天去山上的餐廳Restaurant La Cabana Berga食餐好嘢。

Berga往Restaurant La Cabana Berga行的小徑

Restaurant La Cabana Berga – 位置一流，可以望晒Berga的全景。

對住這個View點會唔開胃，可惜禾冇訂位，已經冇窗口位了。




375ml Cava(€7.95)；可樂(€2.5)

今天供應3道菜午餐(€13.9)，包頭盆、主菜和甜品，另可加錢Upgrade菜單，非常抵食。

小太熊選了頭盆 雜豆菜沙律，幾有益架。



禾加€4.5 Upgrade了頭盆做 龍蝦湯，好味道呀，正過沙律多多。

禾再加€10.85 Upgrade了主菜做 燒牛柳，牛味很濃肉質亦嫩，好好食，呢個價錢自己去CitySuper一定買唔到。

小太熊慳家唔加錢Upgrade主菜，選了 羊肉，都好味架，但當然冇牛咁好味啦。

甜品有雪糕，賣相和味道一樣咁得。

食完飯四圍行吓街，跟著返房休息，18:00再出動。

La Patum已經開始了，明顯比中午更多人。

小孩子燒煙花炮，明顯冇禽日大人玩得咁狼死啦。

煙火恐龍再出場大殺四方，漫天花火真係燒穿了禾件靚衫啊，慘情。

夜晚班小朋友比中午更狼，禾都差點中招奶嘢。

哇！又開始 煙火焚城，花炮人佈滿禾四週，巧驚呀。

煙花點起了，禾完全唔知咩事，只係不停避開煙花人。

最後大爆炸，禾真係比嘢彈到呀，好彩冇受傷。

玩到20:00左右返房食的麪包開罐葡萄牙罐頭，咁就一餐了。今晚早些瞓，明早要乘05:45巴士返 巴塞隆拿。

狂熱時空 西班牙‧細味名城 葡萄牙 – Day 16

今朝04:45起床，05:15從酒店行去巴士站，途中遇到個死醉酒佬神神化化，都幾危險，幸好冇事。

<<巴塞隆拿(Barcelona)>>

巴士準時05:45開出，07:30已經回到巴士站“Barcelona Ronda UNIVERSITAT”。

出發前在網上找到Plaça de Catalunya附近有Locker出租，今天計劃先把大行李Lock好再行街，誰知行到去至知Locker要08:30才有人開鋪做生意，冇奶由等45min等到佢開門架，於是禾又再揹住大行李行陣行先。

近近哋先去巴塞隆拿人氣街市La Boqueria Market食富貴早餐。

La Boqueria Market是典型歐洲大街市，咩生肉水果海鮮火腿咸魚乜都有。

此外，街市內還有很多熟食小店，其中的“El Quim de Boqueria”更被U乜加仙稱為宇宙最强行市熟食檔，所以一定要來試試。

“El Quim de Boqueria” – 朝早08:00已坐滿客了，生意好到唔係講笑。

望完個餐牌更加唔係講笑，完往係大酒店價錢大牌檔風味。

Cava一杯(€3.25) – 送海鮮味道一流。

西班牙生蠔(每隻€3.5) – 肉質爽脆蠔味幾濃，冇法國蠔咁咸，好食。可惜其中一隻有幾十粒小珍珠藏在蠔肉內，像有沙一般，唔掂。

Cava酒煮大蝦(Prawns in garlic with cava reduction)(€21) – 很貴，但用料、廚功、賣相和味道都一流，蝦肉又大又鮮甜，Cava汁加入蒜片和香草十分香口且夠鑊氣，正。

薯仔薈牛尾(QUIM Style Bull’s Tail)(€21) – 大大件，牛肉很嫩有油香但肉味不夠濃，廚功了得，整體上是滿意的，只是禾2009年在西班牙南部Ronda吃的牛尾太超班，令禾對這味餸的期望太高而減了分。

食完早餐開完大，繼續揹住大背沿路行返去Locker，順路參觀沿途的名勝。

巴塞隆拿主教座堂(Barcelona Cathedral)

在Locker放好行李後，開始四圍行行。

巴塞隆拿的建築物比西班牙其他地區更有藝術氣色。

建築師 高迪大師(Antoni Gaudí) 的作品Casa Batlló – 入場要€21，貴成咁唔入了，留返時間參觀 聖家族教堂(La Sagrada Familia)。

高迪大師(Antoni Gaudí) 另一人氣作品Casa Milà – 入場又要€21，又係唔入了。

跟住乘地鐵往 聖家族教堂。在教堂外見大排長龍，旅行團一車接一車，很少景點如此多人的。禾忟排隊排了25min去到售票處，職員話現在的門票要13:45才可以入場(當時只係11:00)，但禾要趕飛機啊，和這教堂無緣了，慳返€20入場費。

聖家族教堂(La Sagrada Familia) – 當日見到工程還在進行，現在日日咁多客排隊送錢來，相信禾下次來的時候一定已經起完了。

原本 預算參觀 聖家族教堂的時間現在多了出來，可以出海灘睇吓嘢先，便早些乘地鐵到Ciutadella Vila Olímpica站。

巴塞隆拿地鐵禾從來都知係扒手的世界，遊客最高危的地方，1997年禾第一次到巴塞隆拿，禾個Fan就係响地鐵比人扒了後褲袋的銀包，幸好感覺到反應夠快即時搶得返，扒手事敗後立即逃跑。

誰知今日禾鬼上身，成個呆佬一樣，真係奶嘢都冇人可憐。

話說禾見今日Last Day天氣又熱，今朝便把平時貼身的証件信用卡和現金個薄腰包袋了在大比位置的褲袋，再扣埋粒扭，唸住實冇人郁到啦。

跟小太熊行入地鐡車箱後站在中間，當時一般多人，但人和人可以有2尺距離的，禾和小太熊吹水途中，見到有個吉卜賽女人站在禾身旁約一尺距離，但佢條裙很特別，有軟骨從腰把裙子撐向四周，於是禾有証件包的大比褲袋便給她的裙貼住了，我低頭一望，看不見大比褲袋位置，當時禾心唸，吉卜賽人喎，係高危，又遮住禾褲袋喎，咁佢咪可以扒禾嘢？但禾只有心唸，卻被鬼上身完全冇Action，連後退一步望望個大比褲袋都冇，只係和小太熊繼續爭論回到香港後要如何餐餐食麥皮的問題，不斷Ar吓Ar吓忘晒型....

特然小太熊腳下Pang一聲有啲嘢掉在地下，小太熊望一望地下然後執起佢，「個包包好似你果個喎」禾腦袋一片空白，摸摸自己大比個袋，証件包包不見了，扭亦被人開了。

禾唸，唔通個賊扒了禾個包包後失手跌了在地上？好彩呀。再打開看看，証件信用卡還在啊，真係個賊失手，好彩好彩，立即貼身扣返住個腰包。

心不斷唸今次很好彩，但出閘前還是唔放心，再打開腰包祥細檢查多次.....Oh!現金一張不留，但其餘就原封不動，幸好係Last Day，只有€50和HK$2180現金比佢扒咗，當係睇表演都抵啦，不過真的好驚，到現在還驚緊。

出了地鐵，呆呆地行去海灘，腦袋還是一片空白。

到達海灘了，很多人玩沙灘排球和天體浴。

這裡的沙灘是人工沙灘，禾1997年來過。

女生們熱愛沙灘排球，打得十分投入。

天體就影唔到了，太多人望實舉唔到機。

今天Book了U乜加仙推介的餐廳，位於海灘的Xiringuito Escribà，好Full架，唔訂一定冇位。U乜加仙話這裡的西班牙海鮮飯是全國No.1的，禾以前來過西班牙2次，海鮮飯都吃過5次，就係未食過令人滾動的西班牙海鮮飯，怎能錯過這一餐呢。

Xiringuito Escribà坐享無敵大海景，令人格外開胃。

Cava(€4) – 伴在碧海藍天下的Cava，感覺味道是那麽清新。

黑毛豬火腿伴充氣麵包(Iberian Ham “Airbag”)(€24.5) – 麵包吹到漲卜卜，义子一壓下去便成為碎餅乾一樣，和火腿一同吃，確係別有一番風味，但火腿品質明顯不及2日前“Reserva Iberica”的貨式，這些只是中價貨。

番茄煮青口(Moules marinières)(1/2份)(€8) – 青囗肉幾鮮甜，這一味抵食。

走了去餐廳的開放式廚房，望着自己Order兜西班牙海鮮飯慢慢煮熟，米粒吸哂啲上湯，巧正啊。

大廚非常友善啊，抵佢哋發。

西班牙海鮮飯(Escribà special Paella)(一人份量)(€19.5) – 有青口、大蝦和蜆煮成的上湯海鮮飯，飯的味道很好，但略嫌濃味了一點，青口和大蜆鮮甜，但大蝦係流嘢，唔掂。整體上這味海鮮飯是合格的，比禾以前吃過的好食，難得係2個人Order一人份量都肯落單(很多都要最少2人份量才肯落單的)，值得一試，但就冇再吃的衝動了。

食完午餐，乘地鐵回Urquinaona站攞返大行李，再乘地鐵轉火車到機場。

上機前在候機室SALA VIP PAU CASALS飲杯嘢沖個涼。

18:45起機了，走啦，Bye西班牙。

狂熱時空 西班牙‧細味名城 葡萄牙 – Day 17(完)

中午15:30回到香港了，明天又要返工，返工好辛苦的，慘慘。

補充資料 :

1.        La Patum(煙火節)有一定危險性，參加者必備長衫、長褲、面巾、眼鏡和帽，很大機會被煙火燒穿衣物。

2.        乘ALSA巴士從 貝爾加(Berga)到巴塞隆拿，車費€16，車程1hr45min。

3.        巴塞隆拿機場離市中心約13km，最平的出市區交通工具是火車，但肯定最慢。首先買張可行走2個Zones的10程鐵路車票，好處係可以多人同用一張車票，而且可以在1hr內免費轉乘地鐵，如果買單程票便不可以免費轉乘。從機場Terminal 1往火車站相當麻煩，要先行很遠乘Shuttle Bus往Terminal 2，再行非常遠至去到火車站。火車班次每班30min，出市區Passeig de Gràcia站的車程又係30min，在這站可以轉駁地鐵。

4.        西歐遊老點我機場火車可以去到Catalunya站，完全錯，一定要在Passeig de Gràcia站落車轉地鐵才可以到Catalunya站。

5.        巴塞隆拿Plaça de Catalunya附近有Locker出租，每天08:30開始營業，中型Locker租金€6，可以Lock 75liter+ 40liter背包2個。從地鐵站Catalunya或Urquinaona行5min便到。

-----狂熱時空 西班牙‧細味名城 葡萄牙(完)-----