動感韓風 • 首爾(完) – 單車漫遊 首爾漢江

單車漫遊 首爾漢江

韓國的首都 首爾 發展有完善的單車徑，和馬路完全隔開，而且十分寛濶，連接市內多處地區之餘，更伸延到首爾市外。其中漢江沿岸一段單車徑風景優美，沿途又有餐廳和茶水站補給，是首爾一日遊的好去處，可惜在首爾租的單車質素都很差。

動感韓風‧首爾 – Day 3 (完)

<<首爾>>

今日係Last Day，晚上要乘夜機返屋企了。小太熊今天Plan了單車漫遊首爾，從 汝矣島出發，向西行至 加陽大橋(Gayang Bridge)(가양대교)便回頭，然後向東行至 盤浦大橋(Banpo Bridge)(반포대교)之後回到起點，沿途會停車休息，全程預算踩8hr左右。

因為今日唔趕時間，所以瞓到安樂醒才check out，把行李放在酒店，然Meme mormor 地行去南大門搵早餐食。

早上的 南大門商店已經全部開了舖，唔同昨晚水靜河飛。

小太熊話今朝帶禾去「卡梅谷手工包子店」吃好好味的手工包子，位置响作晚的刀削麵店對面，

卡梅谷手工包子店(가메골엣날손왕만두)

手工包子全部大大個熱辣辣，每5個賣₩3500，牡得散賣架，分別有辣泡菜豬肉餡和白菜豬肉餡，禾買了5個兩溝。

白菜豬肉包子非常好食，不單只味道好，包的質感都一流。

辣泡菜豬肉包子更加好食，味道好之餘還帶㸃辣，更加冶味。

2個人吃完5個包都飽晒了，今天的早餐又平又好食。

乘地鐵到 汝矣渡口站(No.527；車費₩1250車程30min)，再幫襯同一間單車店，因為近漢江的另一間店仍然冇開舗。

今天很多小學雞來租單車呀。

今次揀了2架有得轉波的車，老闆知我租一日，便替車軚打打氣。

09:30準時出車，今日陽光普照，很適合踩車啊！

很快便踩到漢江邊，首先轉左向加陽大橋(Gayang Bridge)(가양대교)進發，沿著漢江兩岸的單車徑都好濶架。

沿途風景都好靚，踩一會便停一停，都幾悠。

沿路都唔少車，而且韓國人踩單車大部分都極快，裝備也很Pro。

去到靚的花田便停車休息影吓相，但韓國人唔會咁做的，佢哋只會全速向前踩。

很快去到 仙遊島(선유도공원)，在這裡泊好單車，行過去島上逛一逛，島上唔準踩車的。

行過這條 仙遊橋，便是 仙遊島。

橋上風景好靚，看見 漢江後面的 道峰山。

這個人工小島極少遊人，很清靜，設施保養得唔錯。

仙遊島上唯一的餐廳，環境非常好，入去坐坐吃些小食。

餐廳冇人架，個view仲好得添。

可口可樂500ml(₩2000) – 價錢同7仔一樣，抵飲。

拖肥甜筒(₩2000) – 普通雪糕一支。

食完Tea繼續上路。死火，踩踩吓單車轉唔到波，而且越踩越硬，像踩健身單車咁，租錯了架衰車，幸好小太熊部車冇大問題。

城山大橋(Seongsandaegyo)(성산대교)

沿著漢江邊放了些健身器材，給亞婆亞伯玩。

過了 加陽大橋(Gayang Bridge)(가양대교)後，看見這條電梯，便上去看看有沒有路過對面岸。

完全看不到有單車徑可以過對岸。

最後12:05來到Gungsan Park(궁산공원)前少少這條火車大橋，仍然是沒有單車徑可以過對岸。

原本諗住可以橫過漢江，再在對岸踩回頭。但是一直都找不到單車徑過對岸，行馬路又太危險，所以原路回頭算了。

12:40回到仙遊島，回程時在仙遊島外面泊好車，到河伴這間餐廳買些嘢飲休息一下。

回到 汝涘島，終於找到有單車徑可以過對岸了。

13:45看見 盤浦大橋(Banpo Bridge)(반포대교)，在這裡會過橋回到對岸。

過橋時又被幾架勁嘢過頭，今天都不斷被人過頭啊。

過了 盤浦大橋是 盤浦漢江公園(Banpo Hangang Park)(반포한강공원)，見到2隻很可愛的公仔，小太熊好鐘意啊。

回汝涘島的中途路過 銅雀大橋(Dongjak Daero)(동작대로)，發現橋上有間餐廳，叫Hangang Observatory Clouds Sunset Cafe，見佢外觀好靚，便決定上去休息食午餐。

Hangang Observatory Clouds Sunset Cafe(구름•노을카페)

環境非常好，只是冇開冷氣，十分之焗。

手工啤酒(₩9000)；可樂(₩4000) – 坐位望見是 銅雀大橋。

炸雞薯條伴雜菜沙律(₩20000) – 味道就普通啦，不過這裡真係好靚，這餐很值得。

午餐坐了大約1hr，15:30離開，全速返回起點，不過中途都停車睇吓風景影吓相。

17:00回到 汝矣島了，這是遊船河的碼頭，可以坐船遊漢江。

17:30回到單車店還車，再返酒店攞返行李。

行去南大門 會賢站(No.425)乘地鐵往 仁川機場(₩4250)。

乘22:10夜機回香港，00:45到埗。

補充資料 :

1.    ₩10000 兌 HK$71。

2.    Jeju Air香港來回首爾機票(包寄15kg行李)每位HK$2260。

3.    從南大門 會賢站(No.425)乘地鐵往 仁川機場，用T-Money扣 ₩4150，車程75min。

4.    在首爾市內乘地鐵，用T-Money一般每程扣₩1250。

5.    汝矣島有單車租，頭1hr租金₩3000，然後每15min加₩500，日落前要還車，可以用1張証租2部車。

6.    汝涘島上租單車店附近有Locker，可以寄存小型行李，但大件行李的Locker就見唔到。

7.    出租的單車質素甚差，轉波制壞了，踩得甚吃力。

-----動感韓風‧首爾(完)-----