西伯利亞 萬里長征(6) – 荒漠中的甘泉 貝加爾湖(Lake Baikal)

西伯利亞的明珠 貝加爾湖 ~ 奧爾洪島(Olkhon Island)

世界自然遺產 貝加爾湖(Lake Baikal)位於西伯利亞東部，水深1620m，是地球上最深和最古老的湖泊，佔全世界淡水量的20%及俄羅斯淡水資源的80%，比北美洲五大湖的總和還要多。

湖內盛產幾種白身魚，最常見是 白鮭魚OMUL，常見製法有燒烤、煙燻、刺身或魚湯，新鮮的OMUL味道鮮美，通常來到貝加爾湖的遊人都會一試。

西伯利亞 萬里長征 – Day 7

<<伊爾庫次克(Irkutsk)>>

昨晚頂住條氣瞓得很差，這處鬼地方還是快點離開吧。

08:30有早餐送上房，有麥皮蛋糕麵包，好食就講唔出了，食得飽啦。

自備昨天買的 三文魚子醬(RUB 900 - 150g) – 幾甘香但偏咸，不是頂級紅魚子醬但比元氣壽司好食。

食完早餐落樓下等車，部車都很準時，09:20便到酒店樓下，走了，以後也不再回來。

從 伊爾庫次克往返 奧爾洪島的小巴，車費RUB 800，但酒店收了我RUB 1200。

一上車便遇到2位香港美少女，估唔到會在這𥚃遇到香港人，佢哋間酒店重衰，收了佢哋每人RUB 2500來回費用。後來見到其他酒店上車的旅客只係比RUB 800比司機，才知道遇上壞人了。

約11:30左右來到這中途站放30min Break，肚餓可以食啲嘢，不過我有度氣頂住食唔落。

13:30左右去到碼頭排隊上船，這𥚃的風景已經好靚了。

今日唔算多車，第一隻船便上晒所有車，很快順利開船。

車上完船之後，乘客們便一擁而上。

開船了，湖上的風乾爽又帶㸃清涼，很舒服，不像海風又咸又濕。

<<奧爾洪島(Olkhon Island)>>

到達 奧爾洪島碼頭後，還要坐多個多小時車才到島中心的小鎮 胡日爾(Khuzhir)，這段路震到骨頭都散，頭穀會撞車頂。

15:40到終於把我們送到酒店了，今次小太熊Book唔到島上最有名的酒店Nikita’s Homestead，只能住較小型的洒店Guesthouse Voskresenie。

Guesthouse Voskresenie – 位於胡日爾市中心，行10min到海邊懸崖 ，行5min到大馬路的小巴站，位置幾方便。

左邊的木屋上層是房間，下層酒店的人自己住。右邊上層是餐廳，下層是廚房和Reception。

房門口個View好靚架，見到小木屋的倒影。

雙人房(連早餐)每晚RUB 4200 – 窗口向街冇View，有自己的浴室及廁所，夠熱水，冇冷氣風扇，晚上很涼。

這裡的老闆娘英文非常得，所以幫襯她報了明天和後天2日的Local Tour，點知佢忘記了幫我留位，攪到明天差點冇得出團。

從酒店行5min到Nikita’s Homestead附近有間士多，大水每支RUB 38，全鎮最平，我日日都在這𥚃入貨。

胡日爾鎮的街道非常大塵，每當有風或有車駛過時地上的塵土便飛起四散，都幾惡頂。

鎮上四處都見到黃牛和蒙古包，可能這裡近蒙古啦。

Nikita’s Homestead – 奧爾洪島最有名及最旺的酒店，外觀很有本土特色，2個月前Book已經冇晒房。聽講奧爾洪島的旅遊業是佢一手攪起的，佢的Local Tour亦是行程最多和最平，而且還請了一位能講流脷英文的俄國美少女做Tour Manager，就算唔响度住都應該來這裡報團。

Nikita’s Homestead外面便是全島最靚的海岸，可惜太多中國L㷛東瓜，真係好L吵耳架。

Shaman Rock是島上最著名的景點，旁邊的沙灘就差少少，不過都唔少老外在矖太陽。

懸崖上很多藏傳佛教的梵文彩布，很似 香格里拉。

從最高處沿著一條幾斜的小路向Sheman Rock方向可以落到海邊，這裡是遊艇上落的地方，石灘很少人。

呢度好靚啊，來了俄羅斯咁多日，終於來到一處真係覺得靚的地方。

Baikal View Café – 位處胡日爾最高位置，景觀無敵，食物都比預期好。小太熊話這餐廳排名第一的。

室外位雖然曬，不過個景太靚了，值得。

Belgian Chocolate(RUB 175) – 小太熊鐘意飲熱嘢，好飲過Starbucks； Frappuccino(RUB 185) – 凍朱古力咖啡，唔係太甜又唔係太濃，幾好飲；炸薯條(RUB 69) – 有麥當勞咁好食。

食完個Tea先回酒店晚餐，跟著出來去睇日落，Perfect。

酒店餐廳的露台位幾好View，就坐這張枱。

俄羅斯紅莓汁Red Whortleberry Juice(RUB 100) – 甜得太勁，唔好飲，在俄羅斯飮過最難飲的紅莓汁。

Summer Salad (RUB 150) – 普通雜菜沙律。

忌廉磨菇湯(RUB 185) – 伴湯的麵包粒好脆好好食，湯的磨菇味很濃郁，俄羅斯的磨菇都係正嘢。

脆皮芝士炸雞胸肉 (RUB 200) – 細細件，雞肉太乾太鞋口，味道一般。

Baked OMUL with Garlic (RUB 300) – 200g重的貝加爾湖白鮭魚，魚肉鮮嫩味道甜，在俄羅斯而言是一等美食，味道比預期好。

食完飯差不多20:00，要趕快行去崖上看日落了。

胡日爾村內有狼皮賣，唔知係咪真架呢。

睇住太陽沉落山了，今日天色好清，但冇乜彩雲，日落未算頂級。

日落後的30min漸見彩霞，不過都唔算好紅。

回到房外看星星，今晚雖然天清，但很少星星，只見到北斗星。

完成整個俄羅斯旅程後，原來這晚是最多星了，白帶了腳架。

補充資料 :

1.)      USD 1 兌 RUB 58.6 (當地銀行現金兌換價)，即太約 HK$1 = RUB 7.48。

2.)      從伊爾庫次克到Olkhon Island的點對㸃小巴每位RUB 800，從伊爾庫次克的酒店直接送到Olkhon Island的酒店，早上09:00～10:00出車，16:00左右到Olkhon Island的酒店，上車後才比錢，有些酒店免費代住客Call車，有些就另收RUB 150手續費，有些像我住這間Berezka (Берёзка)咁衰，狼吞RUB 400差價，而且唔肯比收據。

3.)      在Tourist Office大約500m外的巴士站Avtovokzal(Автовокзал)有小巴往 奧爾洪島 胡日爾(Khuzhir)市中心，車費RUB 527，大行李另收RUB 100，早上每小時一班車。

4.)      Guesthouse Voskresenie張床有嘢咬。老闆娘英文流利但很失魂，如果經佢報Local Tour必須要再三Confirm，否則佢會唔記得。

---待續---