西伯利亞 萬里長征(14) – 走過 新西伯利亞 • 鐡道旅程34小時

新西伯利亞(Novosibirsk) 火車站

新西伯利亞(Novosibirsk)(Новосибирск)建城於1893年，是整個西伯利亞區最大的城市，人口超過一百萬，僅次於莫斯科和聖彼得堡，這城市亦擁有世界著名的科技園和俄羅斯最大的芭蕾舞劇院。由於時間所限，今次旅程只能匆匆路過這大城市。

西伯利亞 萬里長征 – Day 15

繼續上一篇Day 15的行程。

<<克拉斯諾亞爾斯克(Krasnoyarsk)>>

食完飯在餐廳Call Uber往Paraskeva Pyatnitsa Chapel (Часовня Параскевы Пятницы)，5km車費RUB 154。

Paraskeva Pyatnitsa Chapel (Часовня Параскевы Пятницы) – 克拉斯諾亞爾斯克的主要標誌之一，是10盧布紙幣的圖案，教堂是市居和遊客朝聖的重要場所。

從教堂山上往下望是 克拉斯諾亞爾斯克的全貎。

從山上有條小路落山，不過尾段較斜和跣腳。

經過這炮台後便是落山的小路。

尾段路又斜又跣，要小心一點。

落山後見到條明渠，堅似元郎啊！！怎麼這城市咁似香港。

從山腳行10min便是Central Market (Центральный Рынок)，在這裡買些東西上火車食，因為今明2晚都要在西伯利亞鐵路上渡過了。

松子(RUB 100) – 小太熊好奇，在市場門口買了袋松子吃，似瓜子一樣食法，不過味道更甘香鬆脆，適合在火車上無聊時吃。

水果檔的老闆很好人，不停請我們試食水果，最後幫襯佢買了RUB 350水蜜桃和桃駁梨，好甜好多汁的。

還有魚乾豆品等東西，不過唔買了。

西伯利亞城市的路邊都很多小販和雪糕屋，又買杯雪糕(RUB 39)嘆吓先。

跟著沿Lenina Street列寧大街附近逛逛，沿途都是公園和教堂，睇到小太熊大叫「好Boring呀呢度，又係呢啲」。

公園內的遊戲都幾好玩，我係小朋友時都鐘意。

最後回到Apart-Otel' Iris攞返行李，再Call Uber (RUB 102 - 4km)去火車站。

火車站等車的大堂，環境唔差架。

今次會乘西伯利亞鐵路099號列車，由 克拉斯諾亞爾斯克到 葉卡捷林堡，車程34hr，二等車廂票價每位RUB 6785。

火車準時20:52進入月台。

今次的Conductor又是後生女一名。

今次間房的地氈很污糟，窗邊床邊位亦多塵，鄰居是2個完全唔出聲的Cool爆蘇聯大漢。

這程34hr的旅程，鄰居不斷上上落落地換人，都幾煩。

火車21:14開出了，冇咩好做，早些換衫瞓覺。這卡車的厠所成地尿，好鬼死核凸。

入黑後和小太熊出走廊坐了一陣，突然有發現呀，一對饑渴的蘇聯男女在走廊玩全線大搜查，如入無人之境。

蘇聯男女在走廊玩大搜查，上下其手搜遍全身。

小太熊話喎，張相根本見唔到個蘇聯佬隻手掌，叫我冇証冇據唔好亂估佢做緊乜喎。

這場真人騷為這沉悶的34hr旅程增添了一點趣味性。

西伯利亞 萬里長征 – Day 16

鄰居在深夜時分便落車了，換來了一位女士，佢因為買唔到相連的床位，要和同行的朋友分房。另一新鄰居是位蘇聯佬，佢係西毒歐陽瘋的後人，非常惡毒，一上車就不斷使用連二次世界大戰都禁止的沙林毒氣，迫房客要不停疏散，勁乞兒。

  

就是這個蘇聯佬不停放屁



數小時後，臭屁佬落車了，換來另一名由朝瞓到晚的肥佬。

隔離房的小朋友成日想搵人同佢玩，另一個鄰房的怪人就鐘意企在別人的房外阻住人地個View，但見佢永遠不會企在自己的房間外。

<<新西伯利亞(Novosibirsk)>>

早上09:05來到 新西伯利亞(Novosibirsk)了，在這𥚃會停留52min，可以在附近慢慢行。

新西伯利亞火車站的售票大堂

新西伯利亞(Novosibirsk) 火車站

車站外又見到售賣發酵葡萄汁的小販，這款飲品在西伯利亞地區很流行。

車站外已經有不少高樓大廈

今早未食嘢，試吓西伯利亞的地道小食蒸包先。

另外再買了些雪糕和香蕉上車食。

很快便行了40min，又要趕快上車繼續火車上的旅程了。

西伯利亞羊肉蒸包(RUB 40) – 幾好味道架，包的質感亦唔差。

朱古力雪糕(RUB 80) – 邊食雪糕邊和小朋友一起呆望風景。

跟著又食埋條蕉，再同Conductor借了隻杯飲些熱水。生活就是如似無聊。

這卡車日間冇乜冷氣，坐著唔郁都標汗，所以旅客們都喜歡穿著少些布。

亞姐要用掃把掃完地再濕拖，地上帶有糞便乾的塵灰混夾著尿酸味道在所謂有冷氣的密閉空間飄浮，好唔衞生，001號列車用吸塵機就乾淨很多。

火車旅程雖然Dry，但是偶爾也有些好風景的。

<<Barabansk(Барабинск)>>

好唔容易地才捱到13:48，來到另一大站Barabansk(Барабинск)停30min，可以落車鬆一口氣，唔駛焗桑拿了。

Barabansk(Барабинск)火車站

原來隔離車卡的Conductor 都是後生女，可能現役的大媽也是從70年代開始做到現在。

這車站有一大特色，就是很好 哈薩克人在月台上賣土產。

魚乾、水果、皮草或是小食乜都有，都好多人幫襯架。

Lokomotiv A-1067(Локомотив А-1067)火車博物館 – 展出舊日西伯利亞鐵路的蒸氣火車頭。

上車後又再繼續和草原與電線桿Say Hello。

今日全日都未食過正經嘢，全部都是吃小食，於是下午時段走去餐卡試試，看看和001號列車有乜分別。

餐卡的設計沒有分別，客人亦是一樣咁少。

在座位上坐了一會兒，剛巧停站2min，都攪唔清咩站了。

可樂500ml(RUB 120)；啤酒500ml(RUB 240)

來了嘢飲後職員又硬放下2個過期包裝麵包，我話唔要都收了我RUB 100，真衰格。另外order了雞翼和豬肉，大媽就不斷用英文話伴碟的薯條free，想迫我要2份(Menu明明寫著薯條RUB 150)，好彩我堅持只要1份，最後果然計了我錢，還要加20%。

雞翼(RUB 360)伴薯條(RUB 180) – 全部用油來白灼，肥林林淡某某好難食。

Barbecue Pork (RUB 480) – 大媽的強烈推介，話啲Pork very good喎，真相係又油口肉又鞋又冇味，而且未叮夠熱，食到一肚火。

餐牌的食物標價比001號列車平50%，而且有英文menu，但估唔到佢亂收費，可樂在menu標RUB 80就收RUB 100，啤酒標RUB 170就話係RUB 200，再話要加20%添，明屈錢，我和她每項慢慢對餐牌理論時，小太熊話算喎。

比完錢佢，仲話自己儲世界各地不同的coins，問我攞些腥港的 coins or money，我當然唔比啦，成班都係賊，攞完我啲港幤之後實同下一個香港人換回 盧布，呢啲屎橋我廿幾年前去 坦桑尼亞時已經遇過了，換轉以前實炳到佢哋七彩。決定以後唔再去餐卡食嘢了，一肚氣。

<<Омск-Пассажирский>>

17:44到達另一車站Омск-Пассажирский，停留19min。

又係展覽蒸氣火車頭，我唔嫌小太熊都嫌了。

又有新鄰居上車，俄羅斯的小朋友真係唔係好怕醜，四處找不陌生人同佢地玩。

<<Называевск>>

19:44到達另一小站Называевск停2min，連這些小站都有蒸氣火車頭........太多了，我都睇到嫌呀。

<<Ишим>>

21:40來到這程車最後一個落車站 Ишим 停15min，呢個站乜都冇，純粹落車鬆一鬆。

又平安過了一天，夜晚吃了些小食，抹個身又瞓了，明天晨早05:28便到達 葉卡捷琳堡(Ekaterinburg)。

補充資料 :

1.)      USD 1 兌 RUB 59.09 (當地銀行現金兌換價)，即太約 HK$1 = RUB 7.55。

2.)      克拉斯諾亞爾斯克(Krasnoyarsk) 市內可用Uber叫車，比的士平和方便。

3.)      乘西伯利亞鐵路099號列車，由 克拉斯諾亞爾斯克到 葉卡捷林堡，車程34hr，二等車廂票價每位RUB 6785。

4.)      俄羅斯的火車95%以上都準時或早到，只是偶然會遲到幾分鐘。

5.)      火車每次離站前都沒有預警，所以每次落車舒展前最好和Conductor 再三對清楚開車時間，小心駛得萬年船。

6.)      西伯利亞火車上的餐卡食物又貴又難吃，杯麵肯定好食過佢，只適宜飮杯嘢坐他媽的2粒鐘。

---待續---