西伯利亞 萬里長征(17) – 俄羅斯 喀山Sviyazhsk Island

俄羅斯喀山 庫爾沙里夫清真寺(Мечеть Кул Шариф)

喀山(Kazan)(Казань)是俄羅斯聯邦 韃靼斯坦共和國的首都，亦是俄羅斯三大歴史文化城市之一，地位僅次於莫斯科和聖彼得堡。喀山除了擁有一個充滿文化氣息的市中心之外，市郊地區亦有2個名列世界文化遺產的小鎮 Bolgar (Болгар)和Sviyazhsk Island (остров Свияжск)，均是可以從市中心乘船前往的露天博物館，值得花一兩天時間走訪一下。

西伯利亞 萬里長征 – Day 19

<<喀山(Kazan)>>

昨晚火車上的三等車廂冷氣都夠，完全唔覺熱，自己用被單做了布廉封住張床，私隱度大增，所以都算瞓得舒服。

晨早05:34到達目的地 喀山(Kazan)，今天小太熊預計會乘09:00的船往小鎮Bolgar (Болгар)玩一日。現在還有很多時間，所以去火車站大堂print埋餘下旅程的火車票。

喀山(Kazan)火車站 – 自助print車票機在這大樓地下，只有一部機。

Print車票機有英文，比海參崴那部只有俄文的出票機更好。今次順利Print了很多張車票，只是Print到最尾2程時，在最後出車票的Step部機特然失靈，跟著出了句嘢「Temporarily out of order」。

在我Confirm了取消電子車票，要print出實體車票後，部機支支聲print極都冇票出，最後彈出這段字。

大L鑊，張電子車票已經Confirm取消了，現在車票print唔出，咁㸃算。好彩有Google Translate和車站職員都很Helpful，唔係乜都答NO，最後找了成個鐘終於找到負責人，開了部整了幾分鐘，再幫我Print埋張車票，今次算好彩了，

接著自己再print埋最後一程「喀山 去 莫斯科」的車票，又唔掂，最後一個出票Step出了句俄文。Google Translate譯做「pay to the cashier」。

都唔知咩意思，車票一早已經比錢了，仲Pay乜春呢，於是再問職員，佢只是不斷重複叫我到隔離大樓的Cashier窗口.......由於已經攪了好耐，再攪便會影響今天的行程，決定唔攪住了，明天再來攪埋佢。

從火車站行1km到酒店「DoubleTree by Hilton Kazan City Center」放低行李，沿路感覺 喀山這城市很整潔和古式古鄕。

跟著在酒店Call Uber到碼頭，3.5km路程車費RUB 87

今天小太熊打算坐船去 Bolgar (Болгар)，那是一個位列世界文化遺產的小鎮，小鎮內四處都是歴史文物，很值得遊覽，

去到碼頭後買船票，但職員話要3日後才有票，都唔明這3日係全船爆滿還是根本不是天天有船，總之肯定今天冇船了。

好彩見到碼頭還有去其他地方的即日來回船票，小太熊便決定去邊都好，總之坐船離開便可以。最快離開的船08:20開往Sviyazhsk Island (остров Свияжск)，10:30到，16:30回程，時間唔錯，就決定去呢處啦，雖然唔知係咩地方。

來往Sviyazhsk Island (остров Свияжск)的船，來回船票每位RUB 244。

呢班船其實唔算太多人，所以懷疑今天根本冇船去Bolgar (Болгар)。

沿途風景唔錯的，小太熊仲話有些似奧地利Hallstatt添，但我話差好遠囉。

路過一間建於山上的修道院Zvezdochka (Звездочка)。

食了2hr西北風，終於來到Sviyazhsk Island (остров Свияжск)，原來這裡已經有四百多年歴史，2017年被列為世界文化遺產，島內每座建築物均是歷史文物，估唔到今次誤打誤撞都去到好地方，運氣不算太差，只是今日個天勁灰，似乎隨時會一落大雨。

世界文化遺產Sviyazhsk Island (остров Свияжск)

10:30準時登島，這小島現時還有人居住，還有一間學校，島內每憧建築物也是古蹟。

Свияжская школа學校

東正教堂Tserkov Konstantina i Yeleny

Cafe Buyan (Кафе Буян) – 今天未食嘢，先在這𥚃食早餐。

小太熊入到餐廳便坐底等食，我去排隊落Order。這餐廳只有手寫的俄文餐牌，所以Google translate 唔到，後面又勁多人排隊落Order，非常大壓力，於是求其指了餐牌上最貴那樣，指指些麵包和可樂，再比張羅宋湯的相佢睇，只能叫到咁多了。

可口可樂(RUB 75)；湯(RUB 114)；麵包2個(RUB 80) – 味道OK。

羊肉炒飯(RUB 180) – 餐牌上最貴那樣原來係佢，多日冇食飯了，覺得好好食。

島上的傳統飲品

炭火焗麵包(RUB 100) – 買了一個，很有質感的麵包，在火車上吃一流。

島上還有些要收費的博物館，但冇乜好睇的，在外面行吓仲靚仲舒服。

島上最大的教堂Sobor Bozhyey Materi (Собор Божьей Матери)

木製小教堂Church of the Holy Trinity (Церковь Святой Троицы)

教堂Khram vo imya prepodobnogo Sergiya Radonezhskogo (Храм прп. Сергия Радонежского)

修道院Богородице-Успенский Свияжский мужской монастырь

行了大約3hr便行完這小島，幸好期間只有些雨粉，沒有影響活動，只是天色越來越黑，不久之後一定有大雨了。決定先到海邊的餐廳坐一會再作打算。

餐廳Рыбацкое подворье – 島上環境最好的餐廳，位處海邊，即是左邊那小木屋。

露天位有開掦海景，客人沒有剛才咁多，因為位置較唔方便。

這裡只有俄文餐牌，Google Translate 得麻麻，又要亂㸃了。

生啤500ml(RUB 150)；紅茶一壼(RUB 120)

雜菜魚湯(RUB 150) – 落Order時唔知道係湯，否則唔會叫。湯的味道普通，魚肉唔甜唔新鮮，不過唔算難飮。

白灼蝦(RUB 350) – 估唔到在喀山會食到這些東西，味道當然和香港冇得比啦，不過唔難食的，只是比較淡口，都可以全碟食晒。

由於時間尚早又冇嘢再行，決定唔要張回程船票，試試找車早些回酒店。一邊食嘢一邊Call Uber，但是Call了成個鐘都冇車，期間橫風橫雨，坐在餐廳不能離開。

大約15:00停雨了，於是立即到附近嘗試找的士，碰巧有一部的士在停車場等客。

的士放了句俄文在車頭唔知咩意思，可能要過海或長途。

問吓司機價先，我話去喀山市大約62km，司機立即露出奸奸哋的笑容和眼神，然後在計算機打出「1600」。唓！以為佢笑得咁奸會開天殺價，原來佢只是見遇到長途客開心到笑，收咁平，成交啦。

的士15:15出發，16:20回到酒店，用RUB 1600買了2.5hr，抵到爛。

今天住的酒店DoubleTree by Hilton Kazan City Center

雙人露台房(不包早餐)每晩RUB 7200

房外是個冇乜靚View的超級大露台

酒店送的Welcome Cookie，好味過Mrs. Fields。

天氣變幻無常，大雨過後又見藍天，趁著天氣好有黃昏金光，立即出發行過去 喀山城堡，參觀 克里姆林宮、清真寺和教堂。

從酒店步行15min便到 喀山城堡Kazan Kremlin，那是喀山最靚最值得參觀的地方。

喀山城堡Kazan Kremlin (Казанский кремль)

城堡的城牆歷史悠久，已經有400多年歷史，但最搶眼的清真寺2005年才竣工的。

今天從北方入口進入城堡，再順路參觀城堡內的建築。

喀山政府辦公大樓

蘇伊姆別姬塔Syuyumbike (Сююмбике)

庫爾沙里夫清真寺(Мечеть Кул Шариф)

遊客可以在指定時段免費進入清真寺，不過現在已經過時，明天再睇。

和清真寺距離不遠處，竟然有一座東正教堂，估唔到世界上兩大教派可以共融在同一城堡之內，難得難得。

聖母領報大教堂(Благовещенский Собор)

教堂前是露天茶座觀景台，可以望到市內其他名勝。



東正教教堂Храм св. вмц. Параскевы Пятницы

Palace of Agriculture

日落下的 聖母領報大教堂

今晚會直落睇埋夜景。

補充資料 :

1.)      USD 1 兌 RUB 59.09 (當地銀行現金兌換價)，即太約 HK$1 = RUB 7.55。

2.)      喀山(Kazan) 市內可用Uber叫車，比的士平和方便。

3.)      喀山(Kazan) 的士開價1km約 RUB 25。

4.)      喀山每日有船來回Sviyazhsk Island (остров Свияжск)，來回船票每位RUB 244，可預留一日到此一遊。

5.)      喀山城堡免費入場，入口在城堡南部和北部。

---待續---