素食養生 • 布吉修行(完) – Patong Beach芭東海灘

泰國布吉島最早發展的海灘 芭東海灘(Patong Beach)

芭東海灘(Patong Beach)位於泰國布吉島的中西部，是布吉島最早發展的旅遊區。沙灘長3km，沿路全是旅行社、食店、夜店、小販檔和旅館等等，全為遊客而設，以往價格廉宜兼且非常之有渡假氣氛。2004年南亞海嘯，芭東海灘被嚴重破壞，重建後的海灘面積比之前更大，但海邊小販商店被移進內陸，取而代之的是大型的海鮮餐廳，而且價格也不斷上漲。由於遊人太多，尢其超過一半來自強國，使得芭東海灘已經過份煩囂，不值一到。

素食養生•布吉修行 – Day 8

繼續上一篇Day 8 行程。

11:30叫酒店幫手Call的士，到Rawai Beach 3km距離公價THB 300，上車自己比司機。

這部大的士可以坐10人，如果真係咁多人坐又唔貴喎。

去到Rawai Beach之後約返這位司機14:00接我們去Patong Beach，司機開價THB 700，是公價。

Rawai Beach – 位於布吉島差不多最南部，今天天氣好，海水份外碧綠。

在Rawai Beach碼頭位置有的士站，價錢都是公價，和我2012年第一次到這裡時分别不大。

海灘旁有十數檔海鮮檔，右手邊有數間餐廳，自己買完海鮮可以㨂一間餐廳，廚費大致上都差不多。

海鮮檔賣的海產種類大致差不多，價錢就有10～20%差距，要問多幾檔。

這裡的游水青龍蝦的價錢是Patong Beach的30%，布袋澳的60%。

近碼頭這一檔海鮮全標了價錢，價格亦合理，所以幫襯佢，不須要講價。

老細寫明「請勿講價」

青龍蝦(THB 1000 ~ 約500g) – 價錢和2012年一樣，冇加過價。在Patong Beach買要THB 3000以上。

金錢斑(THB 300 ~ 約300g) – 老細話是海魚，今天做特價。

另外再買了兩隻 紅花蟹，THB 500 ~ 2隻，加埋只有約450g，非常細隻，但整個Rawai Beach也沒有大蟹。

Mook Manee Seafood – 小太熊話胡惠沖推介這間，睇返自己個Blog才記得原來我們2012年也是幫襯這間，那時個名叫Mook Dee Seafood。

廚費寫了在Menu，每一味THB 75，十分抵食。

大Chang啤(THB 100) ; 椰青(THB 60)

泰式黑椒炒花蟹(約450g連廚費THB 575) – 蟹肉雖少但很鮮甜，火喉十足汁底非常美味廚功100分，極好食。

燒青龍蝦(約500g連廚費THB 1075) – 肉質彈牙龍蝦味濃，只是鮮甜度偏低比較淡口，但整體上也是好味抵食的。

清蒸金錢斑(約300g連廚費THB 375) – 肉質鮮嫩肉味鮮甜，豉油都好好味，廚功又是滿分。

餓了咁多日肉，覺得這餐海鮮真係好好味，而且食完都唔覺太飽。

食完飯行了一陣街，早些少去碼頭等司機，原來司機也早到了，可以早些走。從Rawai Beach去Patong Beach，路程21km，車程50min，的士公價THB 700。

14:40去到Patong Beach，今次小太熊㨂了間人氣小炒店Number 6 Restaurant。

Number 6 Restaurant – 店子細小坐得甚迫，幾時都人山人海。

大Chang啤(THB 100) ; 細水(THB 15)

炒空心菜(THB 80) – 很嫩的空心菜，炒得很好食。

冬陰雞湯(THB120) – 勁酸勁辣味道太濃，完全飲不到其他味，我唔係太欣賞。

烤鷄翼(THB150) – 雞肉冇味而且烤得太乾，完全唔嫩冇肉汁乾淨浄又淡，靠碟泰式酸甜醬吊味，唔掂。

脆皮蝦(THB 150) – 見到隔離枱食所以跟，賣相很好，但實情係炸粉超級厚蝦肉太細，流到爆。

泰式海鮮炒河粉(THB 80) – 河粉太韌完全不幼滑，味道亦一般，嘛嘛哋。

炒河粉內有蟹肉，不過冇味的。

食埋呢餐好飽了，跟著行15min去Novotel Patong，小太熊Book了16:00去酒店做1.5hr SPA。

Patong Beach現在起了高樓大廈，街上的電線混亂，中午天氣炎熱，行到標晒汗。

Novotel Patong – 外觀比較殘舊，遠離海灘500m，比我一定唔住這裡。

SPA Centre位於大堂旁邊，小太熊話這裡的SPA口碑很好，好高分的。

今次Book了16:00 ～ 17:40的雙人Package，包括每人60min Oil Massage和40min Body Scrub，合共THB 2900。

開始之前先用冷毛巾抹面和飲杯冰凍的香草茶。

按摩師的手勢很好但太細力，有點到喉唔到肺的感覺，下次唔幫襯呢間。

做完SPA喝杯薑茶食件餅。

原本小太熊打算做完SPA之後去濕平的，但是我想出沙灘行一陣先，佢話比我話事喎。

Patong Beach – 3km長的沙灘向正西方，和菲律賓長灘島一樣，最適合看日落。今天海灘不算十分擠擁。

沙灘上有些餐廳很好Feel的，可以坐在沙灘上食飯飲啤，有些像峇里島的Jimbaran。

如果沙灘少人唔炒耳時，日落的確很靚的。

我第一次去Patong Beach時這裡還見天體日光浴，現在最多只有少些布。

看完日落返出大街行，很多車很多人有點煩。

芭東海灘真係專劏蟲蟲，用貴得簡直是侮辱的價錢賣些死魚蝦蟹給蟲蟲們。

游水細龍蝦差不多每兩HK$43。

沙灘上都放了農歷新年的裝飾



芭東海灘酒吧街

酒吧街有椰子雪糕賣，好似好好味。

椰子雪糕(THB 100) – 真係很好味，雪糕軟滑椰子味香濃，啖啖有椰子肉，再送一杯清甜冰凍椰子水，好正。

在酒吧街內的熟食市場行街，買了枝 紅石榴汁(THB 80)，價錢貴但很真材實料，好飲。

Jungceylon Shopping Mall – 終於行到這裡，是小太熊Target了要去濕平的地方，但是只有20min比佢行，令佢有少少不滿。這裡賣的榴櫣也是又硬又貴，垃圾一件。

在超級市場見到又有石榴果汁賣，而且只賣THB 45，便買支試試。原來真係一分錢一分貨，這支汁溝了一半熱情果，而且溝了些糖水。

芭東海灘最後一撃，去Tiger Inn對面的小店吃芒果糯米飯。

Tiger Inn的餐廳真係有好多老虎，只是食客比老虎少一些。

Tiger Inn對面的小店，小太熊話這裡的 芒果糯米飯好好味喎，其實佢都係上網見到人哋講。

椰青(THB 70) – 勁大勁多水，夠冰凍，不過唔甜的。

大芒果糯米飯(THB 200) – 芒果很香甜多汁椰漿糯米飯亦很香軟，好味道。

食完糯米飯慢慢行返去Novotel Patong，因為小太熊用Apps “KLOOK”約了司機20:45在這𥚃等。從Patong Beach去機場39km，車費HK$165。

司機早了10min到，20:40出車，21:35才到機場，都很塞車。

回程乘HK Express，飛機早了10min起機，23:45離開布吉島。

素食養生•布吉修行 – Day 9(完)

飛機04:00回到香港，叫85折的回家後，沖個涼瞓1.5hr又要起身返工了。

今朝早餐去 紅茶冰室吃A餐(HK$33)，始終都是A餐好食，又平又好味過泰國。

補充資料 :

1.) 百年換現金價HK$ 1兌THB 3.95。

2.) Air Asia + HK Express香港來回布吉島機票(不包行李)每位HK$2850。

3.) 用APPS “KLOOK”訂車從布吉島Patong Beach去機場，單程HK$165，車程55min。用Grab叫車收THB 1100。

4.) 在布吉島乘短程的士相當貴，短短1 ~ 2km也要THB 300，比日本和西歐更貴，反而長途的士收費較合理，每1km約HK$5.5 ~ 8。用Grab叫一程2km左右的車要收THB 450。

-----素食養生•布吉修行(完)-----