布吉島南部沙灘Nai Harn Beach
泰國布吉島擁有很多沙灘，其中最著名的Patong Beach、Kata Beach和Karon Beach等等一早已經過度發展，旅客之多令人感到煩厭，完全沒有度假氣氛。位於布吉島最南部的沙灘Nai Harn Beach現在還能夠保持昔日Karon Beach那樣熱鬧而不煩囂，沙灘旁只有一間大形酒店Luxury Onyx Villa Nai Harn Beach，為布吉島保留了一處適合悠閒度假的地方。
素食養生•布吉修行 – Day 5
今天是年三十晚，還是要食素啊。今天06:45便起床，排毒時覺得那些毒素已經冇咁臭，比較來泰國之前改善很多了。
07:15開始做1hr瑜伽，住客們都比較懶，今天只有6個人參加。
08:15是Morning Meeting，今日由朱千雪主持，佢幾時都是笑容滿面談笑風生，非常專業。
量完血壓之後，又飲些花茶和果醋。
09:00食早餐，今天有水果和Almond Milk Muesli，加杯椰子茶，味道很好。
10:00～10:30 Inflammation Pod
焗完之後有些空餘時間，便出外按腳。
Foot Massage(THB 300 ~ 1hr) – 師傅的手勢唔錯，其中有10min按頸肩，整體上覺得比昨天在酒店按得更舒服，決定接着幾日天天來。
12:00～13:00 是健康講座，教人廋身。
13:00～13:30 Lunch Time：食得太多綠色食物，雖然味道好，但亦開始流青口水了，很想食點肉。
13:30乘酒店的Shuttle Car去附近的Nai Harn Beach游水。
Nai Harn Beach的盡頭是一間豪華酒店Luxury Onyx Villa Nai Harn Beach。
沙灘都幾大幾靚，人流不是太多，幾好游的。
小太熊話這個女生好好服務喎，幫個麻甩仔搽太陽油。
出海游水......好大浪啊。
游完水到附近的人工湖Nai Harn Lake行一會兒。
14:45回程返酒店，返入房放完水立即又要去洗腸。
今次終於成功洗腸，雖然今早已經排毒，但洗腸時仍然排出不少毒物，洗完腸個人感覺有點煥然一新，輕鬆自然。
16:00~17:00 Massage 1hr : 今次小太熊和我交換按摩師，今次的手勢很好力度適中，技術屬於高水準，不過小太熊那位仍然是只有死力，小太熊也覺得。
今天晚餐是蘋果青瓜紅蘿白Cracker配牛油果醬，再飲一小碗熱湯。
晚餐後18:00的活動是Raw Food Demonstration，即是可以食多一餐，今晚一定夠飽了。
大廚今天會教4款Raw Food，我們這幾天都有機會吃的。
冬陰木瓜沙律
Raw Thai Green Curry – 第一天晚餐就係食呢味，材料有檸檬草、金不換、薑片、青燈籠椒、椰青水、岩鹽和黑椒，卻沒有咖哩成份，味道真的很像普通青咖哩，比預期美味。
Raw Oat Cranberry Bar – 材料有生燕麥、黑提子乾、紅梅乾、黑芝麻、白芝麻、椰子油、肉桂、檸檬汁和南瓜子，攪拌均勻後，放進板模風乾定型後便可以做甜品，好香甜美味又健康的甜品。
今晚瞓前唔覺得肚餓，已經開始習慣素食，冇咁想食肉了，但都飲埋壺熱湯，排多啲水。
素食養生•布吉修行 – Day 6
今天是年初一啊，繼續排毒療程，今日已經習慣了不吃肉剩吃Raw Food，感覺上冇早兩日咁肌餓了。
晨早06:40起床，原本以為昨天洗了腸今早沒有毒物，誰知還是排出了不少毒物，但是完全沒有臭味而且是綠色高纖維成份，感覺良好啊。
今日又係行早兩日行過的Windmill Viewpoint和Ya Nui Beach。
08:15照例量血壓和早會。
今朝的飲品好像合桃芝麻胡，不過味道怪怪的很難飲。
再飲杯果醋和花茶便返房食早餐。
早餐每天也分別不大，好彩都幾好食。
10:00～10:30焗完 Inflammation Pod之後再飲五青汁補充。
跟著又去Phagamast Massag 按腳(THB 300)，節目每天都一樣，小太熊話好悶了。但我們今次是來排毒，唔係來玩架。
12:00～13:00 瑜伽班，中午時份比晨早堂多很多人啊。
13:00～13:30午餐 ：今天吃牛油果沙律，好綠啊，明天排毒時一定又見綠色了，真係環保。
13:30出車去Ya Nui Beach游水，Ya Nui Beach比Nai Harn Beach細得多，更加好游。
聽講有很多人在Ya Nui Beach浮潛，原來是真的，但相信冇乜嘢睇。
15:00回到酒店之後立即又是洗腸時間。
16:00～17:00 Massage : 今次是主管按摩師幫我按，佢的手勢很頂級啊，完全是Banyan Tree的水準，落位準繩力水一流，按完非常舒服。
18:00～19:00 Heal from Within講座，都幾悶。
今日已經完全適應Raw Food，腸道亦前所未有的潔淨，感覺很清新。
素食養生•布吉修行 – Day 7
今天是最後一晚，明早吃埋早餐11:30便放監了，小太熊決定到時立即去Rawai Beach食海洋慶祝。
早上起床後排毒時好像冇乜貨，看來大腸內的陳年舊貨真的全清了。
08:15又到朱千雪主持早會，量血壓和派飲品。
今天的早餐是果仁醬Cracker伴水果，是咁多日來最唔好味的。
10:00～10:30 Inflammation Pod
焗完又係飲五青汁，日日都飲啲貨有咩辦法會唔變綠。
今天終於有時間在酒店游水了，環境幽美又冇人，都好令人享受的。
12:00～13:00 Massage : 今天主管替小太熊按，另一位手勢都OK的按摩師替我按。
13:30又出車，今天不游水了，改到附近的酒店焗香芬Steam，我們酒店的住客可以免費用這間小酒店的設施。
這酒店又細又吊腳，估唔到會有老外一家大細住在這裏，估佢應該平得幾緊要。
Steam房外有小型按摩池和花灑沖身，這個Steam都幾舒服。
15:00回到酒店洗腸，估唔到今日又失敗，都唔知咩原因。
小太熊決定明天再來，但我話冇時間再來了，佢便話我早兩日揀錯了按腳，浪費了寶貴時間....知錯。
18:00的活動Crystal Singing Bowl Meditation ： 是冥想的一種，導師會把不同份量的水放進很多銅碗內，然後所有同學躺在地上，導師敲打銅碗發出如幻似真的聲音，帶領大家進入另一個世界，最後導師便帶領同學們魂魄歸位。
今晚早點睡覺，明天一早起床執行李，預備Check Out。
素食養生•布吉修行 – Day 8
今天要離開了，酒店安排了早上一次額外的洗腸，可以洗埋今次。
今朝07:15做瑜伽又係只有4個人。之後08:15的早會冇去了，返房執行李。
09:30食埋最後一份早餐
10:00洗腸，今天又成功了，昨天真係唔知為什麼失敗。
11:30叫酒店Call的士，到Rawai Beach 3km距離公價THB 300，上車自己比司機。
補充資料 :
1.) 百年換現金價HK$ 1兌THB 3.95。
2.) 在布吉島用Grab叫車一般會比的士公價貴20~50%，但很多車好易Call。
3.) 布吉島的士大致上是公價，短程收費極貴，價錢由THB 300起，用Grab叫車更由THB 450起。從Amity Wellness Retreats乘的士到Rawai Beach，3km路程收費THB 300。
4.) Amity Wellness Retreats 2個人5日5晚Amity Raw Cleanse Program共THB 53550，比現金再有3%折扣，即係THB 51940，包括每人5次洗腸、4次Inflammation Pod、4次60min按摩、每日2個椰青、8杯五青汁、4壺熱湯、15餐素食正餐和每天早午晚的活動。
---待續---
似乎全日好多時都好肚餓，會唔會餓到頭暈架？我見相中d外國人肥C大隻，好怕佢地頂唔順
回覆刪除其實感覺肚餓係因為唔習慣食全素餐，完全是心理作用，唔覺冇力頭暈的，過兩日習慣了便冇咁辛苦。
刪除啲肥婆肥佬好激架，佢哋多數只飲流質飲品，keep一個星期，我一定頂唔順，酒店話開始這些淨飲programme之前一定要先在家素食一段時間，否則都唔建議住客揀淨飲programme。