小太陽: 火熱節拍馬來雙城(完) – 檳城果園留連軒(Nature Fruit Farm Resort)

2019年11月7日

火熱節拍馬來雙城(完) – 檳城果園留連軒(Nature Fruit Farm Resort)

樹上掉下來的榴槤@檳城果園度假屋留連軒

馬來西亞檳城的浮羅山背盛產榴槤，區內有許多依山而建的榴蓮園，近幾年更開始流行榴蓮果園度假屋，旅客都可以住進果園內，早上起來品嚐剛從樹上掉下來最新鮮的檳城榴蓮。浮羅山背的榴蓮品種多樣化，有今年大熱的黑刺，還有百年老樹品種葫蘆、紅蝦、青皮等等。榴蓮果園度假屋的始祖寶盛園今年太多客人招呼唔到我們了，所以改去幫襯另一果園留連軒(Nature Fruit Farm Resort)，可以比較一下誰的榴蓮才是檳城最Top。

火熱節拍馬來雙城 – Day 3

<<檳城>>

今早07:30到酒店6/F餐廳食早餐，這𥚃的食物品種較少但較清靜。

自助鮮果汁無限量供應，每人可以Order一份蛋，其餘就是自助餐。

約了昨晚的Grab司機今天08:30來E&O Hotel接我們，包車4hr每小時RM 30。

第一站先到附近George Town食全檳城最好味的福建麵，一間位於Jalan Perak 126號的無名茶室，招牌多年來也被光華日報擋著，終於在上月Google Map顯示了茶室的名字叫「Ah Koo's Hokkien Mee@Classic Café」。

Ah Koo's Hokkien Mee @ Classic Café – 位於George Town的Jalan Perak 126號，內有檳城最好味的福建麵。

大福建麵加魚蛋(RM 7) – 今次是第4次幫襯了，同樣咁好味完全冇跣Watt，湯底仍是帶有鮮甜的蝦頭鮮味，又濃又鮮，正到暈，魚蛋都爽口彈牙。吃過很多檔福建麵仍然覺得這裡最好食。

油麵混合了米粉，令口感更多變。

原本今日想去寶盛園(Bao Sheng Durian Farm)食榴槤，不過老細昨天通知小太熊今日太多客，唔夠榴槤招呼我們了，所改去另一果園留連軒，從George Town去大約1hr車程。

留連軒(Nature Fruit Farm Resort) – 果園的入口處是食榴槤的地方，職員耐不耐便會進果園內把掉下來的榴槤送到這裡。

除了榴槤，也有種植其它水果。

果園內的咖啡屋，裝飾得像George Town的咖啡店。

留連軒有幾座獨立的小別墅，供旅客在果園內留宿。

除了榴槤，園內種了很多菠蘿和橙。

只是在果園外圍行一轉，已經見到唔少榴槤掉下來了，好新鮮啊，流晒口水。

行完果園之後便去揀榴槤吃了，今年最貴的品種是黑刺，1kg~RM 70，幾年前吃還只是1kg~RM 20，真過份。其實吃榴槤不一定要吃名種榴槤，很多老樹榴槤的味道口感比名種榴槤更勝一籌，而且價錢平。

今天首先叫老細揀2個今天最靚的貨給我們。

D14(左)(RM 28/kg) ; 紅蝦(右)(RM 28/kg) – 老細話這2個味道最好，而且細細個啱晒2人食。

D14(RM 28) – 乾包皺紋非常吸引，肉質細膩綿密粘喉新鮮，味道濃甜局部更帶中度甘苦或輕微酒香，層次感豐富的一個榴槤，比得上寶盛園的出品。

紅蝦(RM 28) – 足1kg重的榴槤，就只得一件肉，真係他媽的從未遇過，最衰試過最少都有2件肉。好彩這件紅蝦是整個旅程最好食的，果肉帶有陣陣花香味，微甘苦中帶清甜，口感新鮮綿密，差點可以比得上寶盛園的紅蝦。

可能今朝吃了些東西個胃舒服些，所以吃了2個榴槤也唔覺辛苦，於是叫老細開多個好嘢。

青皮15(RM 42)(RM 28/kg~1.5kg重) – 檳城的名種榴槤，入口超苦帶中等甜度，味道香醇獨厚，皮乾爽彈牙，可惜肉質稀疏有欠綿密，失去了完美性。

吃了半個青皮15，決定包走半個，試試其他品種，小太熊話想試試今年大熱黑刺，老細冇推介過黑刺，佢只係話黑刺都唔錯。

黑刺(RM 98)(RM 70/kg~1.4kg) – 得個貴字，口感及味道都平平無奇的一個普通馬拉榴槤，只勝在夠多肉，隔離枱也要了一個，話好淡唔好食，叫老細自己試吓佢又唔肯試，明搵笨實。

又包走半個黑刺，還有些少Quota，老細這時介紹了一個無名的土生百年老樹榴槤，好好食咁話，決定試埋佢。

無名土生百年老樹榴槤(RM 42)(RM 28/kg~1.5kg) – 味道香醇濃郁帶點絲絲甜味，甜苦交雜兼特別，從前未試過這種獨特的榴槤味道，皮乾身肉質粘度極高，和剛才的紅蝦同等級數。

不經不覺在榴槤園已經停留了一個多小時，11:30乘車離開，回程時司機兜錯路行多了20分鐘，12:35才回到George Town放車，4hr包車RM 120。

在周姓橋下車，順便行一行這個景點。

其實以前已經來過了，今次很快地看看壁畫買些小東西便離開。

下一站去愉園茶室，用Grab叫車很方便，車費RM 5。

愉園茶室(Joo Hoi Café) – 檳城的老牌茶室，這裏的亞參叻沙十分美味，門口的甜品檔潮州煎蕊紅豆霜亦經常排長龍。

今天是星期日，內𥚃竟然有位唔駛等，奇怪啊！不過真係少了很多支那蟲，好事呀～

亞参叻沙(RM 7) – 湯底的沙典魚味很香濃，另加入大量香料和菠蘿肉，帶㸃微酸，瀨粉很滑，好好味道。兩年前只是RM 5.5。

仁哥炒粿條(RM 7.5) – 愉園茶室內另一人氣食品，落重鴨蛋加點豬油，完全夠鑊氣兼邪惡美味香口，兩隻大蝦很鮮美，但比不上興發茶室炒粿條。以往要等30min，今天居然只係5min，正呀。

愉園茶室外是檳城極有人氣的甜品檔「檳榔律馳名潮州煎蕊紅豆霜」，一向都要排長龍自己買的，今天竟然有伙記主動兜售仲送到上枱，便要了一碗。

潮州煎蕊(RM 3.3) – 冰涼消暑，珍多冰的綠色粉仔加埋少量紅豆和粟米粒，奶味夠香，而且麥精味非常濃郁，幾過癮的。

茶室附近新開了一檔古早味蛋糕，十分鬆軟蛋味香濃，好好味道。

大肥咖喱麵 – 每次來檳城都把這店排到最後，搞到次次都食唔到，今日終於有機會食了，但見鋪頭裏面冇乜人氣。

大肥咖喱麵(RM 5) – 普普通通的一碗咖喱麵，和那款即食的檳城咖喱麵差不多，都算好味道的，只係唔會再嚟下一次。

George Town多了很多新的壁畫，不過今日唔特別去搵了。

用Grab叫車回到E&O Hotel，車費RM 6。回到酒店之後沖個涼，小太熊睡一個午覺，我就落去6/F的泳池游水，大約16:30左右，再叫Grab去義成海鮮樓食晚飯，車費RM 40另加RM 9公路費。

義成海鮮樓(Gee Seng RESTAURANT SEAFOOD) – 位於北海市，人氣鼎盛的海鮮酒家。

Tiger Beer(RM 16.5)

麥皮蝦(RM 25) – 麥皮炒得乾身鬆脆，像吃麥皮薯片一樣，白蝦的肉質比較腍，蝦味亦不太濃，但伴上脆麥皮一起吃時口感一流，味道亦突出和有趣。

沙嗲烤雞(RM 6) – 有炭火香，肉雖然冇乜雞味，但醃得很味，再加上沙嗲醬一同燒，冶味可口。

黑椒炒蟹(RM 66)(RM 140/kg~470g) – 黑椒汁很冶味，蟹肉亦鮮甜，可惜太細隻食得唔過癮。

賴尿蝦(RM 80)(RM 240/kg~340g) – 蝦肉的鮮甜度一般，賣到咁貴有點兒失望。

茶錢每人RM 2，全餐飯2個人共收RM 191.5，都算幾抵食，不過來回車費都很貴，加埋條數其實都唔算平。餐廳附近都很多Grab，叫車回到Eastern and Oriental Hotel車費RM 43，另收了RM 11公路費，唔知點解貴去程時RM 2。回到酒店食埋今日打包的榴槤，雪凍了更加好味。

火熱節拍馬來雙城 – Day 4(完)

今朝07:00起身落G/F餐廳SARKIES食早餐，這𥚃的早餐比6/F豐富，人亦較多。

餐廳SARKIES

鮮果汁即榨任飮，選了紅菜頭蘋果加薑。煎蛋都好味道。

早餐只食了少少嘢，之後便叫Grab去附近的多春茶座再食，車費RM 5。多春茶座08:00開始營業。

多春茶座 – 07:50去到已經差不多滿座，幸好還剩幾張枱，不用等。

伙記準時08:00逐枱落Order，跟著便快手快腳出餐。唔知點解今日冇多士，只有蒸包，食唔到好嘢了。

多春茶座們招牌百年炭爐烤多士，不過今日冇得食啊。

咖吔包(RM 3) ; 冰咖啡(RM 2) – 普通到不得了，只有風味沒有美味的茶室。

食完之後再叫Grab到下一站Sri Weld Food Court，車費RM 5。

Sri Weld Food Court – 內有檳城最地道的椰漿飯和娘惹糕。

買椰漿飯要排長龍等10min，因為阿姐包唔切飯啊。娘惹糕就唔駛排隊。

椰漿飯(RM 1.8) – 有魚仔做餸，咸咸香香，講真幾好味道的。

娘惹糕(每件RM 0.9) – 煙韌有咬口，糯米味道清新椰香味美，品質滿分的甜點，好好食。新加坡機場每件賣S$2啊。

接著步行300m到鶯羅茶室，上次因為特然落狗屎去唔到，今次去返。

熱咖啡(RM 1.7) ; 凍咖啡(RM 2)；咖央多士(RM 1.8) – 食物品質還是一般，下次唔來了。

叫Grab回到E&O Hotel(RM 6)，休息到10:30便Check out 再出車，約了昨天的Grab司機再包車3hr(RM 90)，先去留連軒，食完榴槤再去機場。今天原本想再約寶盛園(Bao Sheng Durian Farm)的，但老細話今日都係唔夠貨，招呼唔到非住客了，真係太好生意，難怪質素亦比以往差了。

10:30-11:20到達留連軒(Nature Fruit Farm Resort)，今次決定開4個，用真空Pack一半返香港。

今天不是太多貨，但老細話都係靚嘢，今次決定先來個大紅蝦。