日本關西 三重奏(2) – 鳥羽 新八屋

日本三重縣鳥羽溫泉旅館 – 新八屋 貸切露天風呂「光」

溫泉旅館 新八屋位於日本三重縣石鏡漁港附近的山上，可遠眺伊勢灣，非常寧靜且隱私度高，每間客房均享有無敵大海景，館內供應的溫泉水取自三重縣的名泉「白山溫泉」，旅客晚上可在房間內享用主廚精心製作的料理，包括伊勢龍蝦和鮑魚等新鮮高級食材。酒店提供免運接送到鳥羽駅，離開時也可以車去10km外的 神明神社。

日本關西 三重奏 – Day 2

<<紀伊長島>>

昨晚瞓得好舒服，今朝一早07:00便起身食早餐。

餐廳日間比夜晚更加開揚，令人胃口都好啲。

早餐供應地道的 大內山牛奶，香滑美味甘香到飲了4杯，成支比我飲晒。

可以即摘即燒的鮮冬菇啊，好玩又好食。

季の座最出名的 地魚燒，有10款地魚可以任燒任食，味道好好架。

豐富的早餐除咗有炭火烤地魚和鮮冬菇之外，還有伊勢名物 醬油鰹魚飯。

食完早餐又浸一浸，什麼腰酸背痛都可以不藥而癒了。

大浴場内湯イメージ

男士露天風呂 八角浴槽「徐福伝説」

男士露天風呂「九十九おり」

今日天色非常之藍，很適合戶外活動啊。

Check out之後乘酒店接駁巴士回到 紀伊長島駅，乘10:25 - 12:20 JR到  鳥羽駅，自由席每位￥2670。

<<鳥羽>>

鳥羽駅 - 區內的交通主要中轉站，會經常來來回回這站轉車。

今日只有3hr閒逛 鳥羽市，只能在火車站附近走走。

ミキモト真珠島 – 從前是人工養殖珍珠養場，現在改建成珍珠博物館和珍珠展銷中心，有海女表演場。要￥1500入場又冇乜時間，所以唔去了。

真珠島旁便是 珍珠商店街，有十多間珍珠店，不過加埋我們都只係得8～10個遊客，個個玩Window Shopping，真慘淡。

鳥羽水族館 – 全日本飼養海洋生物數目與種類最多的水族館，分為12個生態主題區域，分別飼養了1200種海洋生物，當中包括非常可愛的的「人魚」海牛、水獺、黑白海豚和水母等等，仲有很多動物表演，睇3hr都睇唔晒。

入場券每位￥2500

入場後剛剛開始 水獺餵食活動，不過去到已經好多人，霸唔到靚位啊。

水獺好得意呀，跟著訓練員做好多動作。

玩完就有 珍珠蚌食，見佢成塊肉拿了出來慢慢歎，食完一隻又一隻。

睇完水獺已經冇了一半時間，仲有好多嘢未睇又想睇啊～

黑白海豚 – 第一次見，很特別；海牛 – 好鬼死得意，不過以前見過幾次了。

還有很多又細又靚的天使和蝦仔。

等表演的企鵝仔。

喜歡向逆流挑戰所 鱒魚。

魚王三刀；亞馬遜河食人䱽；油𩺬和青蛙

由於太多嘢睇，水族館超時了30min，要走了，回去火車站附近吃飯。

駅前商店街 – 鳥羽駅旁的海鮮食街，有大約10間家庭式海鮮店售賣即烤海鮮，很有地道風味。

由於出產生蠔的季節已經過時，很多店舖僅有的少量生蠔已經賣晒，揀了好耐才揀到這一間還有生蠔賣，便幫襯這間店。

海鮮店 太平洋 – 只有10個座位，得佢仲有生蠔賣。

海鮮和貝殼類全部都係生猛貨式，自己揀啱晒之後店員便放上電燒烤爐上面燒烤。

活伊勢龍蝦(￥2600～約300g)；燒貝5種盛(￥1080)；4隻生蠔(每隻￥504)

生啤500ml (￥550)

燒貝5種盛(￥1080) – 雖然全部都係新鮮貨，但係鮮甜到只屬中下，有一丁點兒失望。

燒生蠔(￥504) – 蠔味不算濃，味道一般，連廣島蠔也比不上，更加唔可以同澳洲紐西蘭的生蠔比較。

鹽燒伊勢龍蝦(￥2600) – 龍蝦的蝦膏又多又Creamy，甘香美味差點比得上大閘蟹膏，龍蝦肉爽口彈牙，可惜鮮甜到只屬一般，整體上是滿意的。

這餐飯的味道只屬中等，不過就很有地道日本的風味，值得一試。

鳥羽マルシェ(鳥羽農產市場) – 這裏有一間餐廳供應1hr地道食材的自助午餐，如果不喜歡燒烤海鮮，可以到這裏試試，店內亦有土產手信和水果農產品賣。

鳥羽一番街 – 樓高3層的建築物位於鳥羽駅旁，在一番街內可以買到各款鳥羽地道手信，包括珍珠等等。另外，亦有多間海產店售賣新鮮伊勢海老及海鮮。

位於鳥羽一番街 3樓是餐廳街，有近10間料理店，賣相十分之吸引，是不喜歡燒烤海鮮人士的另一好選擇。

約了酒店 新八屋15:30在 近鉄鳥羽駅接我們，車程最少30min。

三重縣鳥羽 新八屋 – 伊勢灣旁臨海而建的溫泉旅館，外觀雖然殘舊，但裡面好舒服架。

旅館的大堂已經無遮擋地看到太平洋和石鏡漁港的景色，經常看到有老鷹盤旋。

雙人房「開放空間 風月亭」(包括早晚餐)每晚￥50300 – 房間的大落地窗令空間感覺強烈，令人非常舒服的一間房。

先在房內飲些茶吃些甜點，歎返夠本。

貸切露天風呂 光 (￥2000～45min) – 旅館的老闆很聰明，把這居高臨下的露天風呂設定為貨切風呂，使我不得不花多￥2000。

坐在大堂休息又夠舒服了，而且完全冇人，像是自己房一樣。

公用露天風呂 – PH值9.6的泉水來自 白山溫泉，話對皮膚病甚有療效喎，浸到日落西山，爽呀。不過有蚊。

新八屋的賣點不獨是溫泉，還有豐富的會席料理，大廚每日都會從附近的魚市場買來最新鮮時令的海產，製作每晚的料理。今晚的晚餐會在房內享用，雖然沒有菜單，但一樣咁豐富。

五右衛門蒸し – 包括有 伊勢海老・扇貝・海螺和大蜆，好fresh啊！

職員讓我們看看海鮮之後，便立即放進蒸爐，15min後便可以食。

前菜不及昨晚精美。

白身魚刺身沙律 – 味道清新醒胃。

汁煮茄子 – 茄子肉又厚又甜，內藏香口的肉碎，好味。

龍蝦蒸蛋 – 內有一件細細的龍蝦肉，鮮甜彈牙，蛋味亦都很香。

刺身二人前 – 龍蝦・帶子・吞拿魚・鯛魚・海膽・鮑魚・鱆紅・間八等刺身共8款，全部新鮮甜美質素超班。

海鮮蒸熟了，鮮甜度只係一般，伊勢海老有點名大於實，中午那隻好好多。

松阪牛陶板燒 – 雪花紋理清析，入口鮮嫩，肉味夠濃，約60g剛好一人份量。

留了兩片鮑魚煎來吃，鮮美過生食好多。

松阪牛燒過的油脂融合在牛肉之中，雖然甘香但都好滯。

雜錦天婦羅 – 味道一般，炸粉比較厚，扣分。

飯、湯和甜品都係普通。

整體上昨晚的晚餐正好多啊。

大浴場 – 食完飯正式沖個涼先

露天風呂 – 跟住出外浸一浸，疲勞都盡消了。

補充資料 :

1.) ￥100兌HK$7.30(永恆找換公司)。

2.) 儲值咭Kamsai One Pass類似香港八達通，適用於關西地區所有JR和私鐵，及大部份巴士，無須次次買票，方便轉車。出卡每張￥5000，內含￥4500儲值，即係張卡要￥500，冇得像八達通扣到負數，又唔知可否退卡，之後可以在站內增值機入幾多錢部得。這次旅程所有交通也可以使用這卡，但只能乘普通車，特急列車的自由席和指定席都要補票。

3.) 新八屋 有免費接駁巴士來往 鳥羽駅，車程30min。

---待續---