旅居英國 • 動態移民(65) – 英國皇室古堡Balmoral Castle

英國皇室度假古堡～蘇格蘭Balmoral Castle

Balmoral Castle位於英國蘇格蘭亞伯丁郡小鎮Ballater，自1852年起成為英國皇室的行宮和夏季避暑山莊之一，2010年被列為蘇格蘭A級保護建築。英女王伊莉莎白二世自2022年7月一直居住於這，直至城堡9月8日離世。

旅居英國 • 動態移民 – Day 96

<<Ballater>>

Hotel Cambus O’May食早餐的大廳，屋主表示廚房維修中，所以只能提供輕食。

屋主也很有誠意，晨早到Ballater買最新鮮的各類水果和麵包，這有乳酪和Cereals，一定夠食。

Check out之後駕車21km到Balmoral Castle，場外泊車£5-1天，另外入場費每£15，今日我們第一個入場。

Balmoral Castle – 英女皇很喜歡在這草地野餐的，耐不耐便在這裡影張全家福相。

古堡外觀非常宏偉，而且保養得宜，不是一般古堡能比較。

城堡外養了幾隻鷹，佢哋比人鎖住雙腳好慘架，想飛都飛唔到。

這隻鷹的工架似足白眉鷹王。

莊園內有餐廳，掛滿了英女皇的家庭照片。

芝士煙三文魚三文治(£4.85)；Balmoral Earl Grey Tea(£2.5)；冰咖啡(£3) – 買些茶點在花園坐吓，做一次英國皇室。

裡面很多英女皇的紀念品，好好賣架，見到有款杯已經冇貨。

Queen Mary’s Garden – 莊園內的大型花園。

<<Braemar>>

駕車16km到另一座古堡Braemar Castle，可惜維修之中，不能參觀。

駕車2km到附近小鎮Braemar休息行街，有免費泊車。

蘇格蘭小鎮Braemar

河川Clunie Water流過小鎮

Kindrochit Castle – 小鎮Braemar內的城堡廢墟，14世紀用作防禦軍事用途，於1920年代被發掘。

原本想坐低食少少野，估唔到間間餐廳都冇位，今日旺到爆。

早點駕車離開，直接往130km外的小鎮St Fillans，今晚的酒店Achray House。

沿A93公路行，路過士多啤梨園，今次反應很快，及時減速轉入去先決定停唔停車。

<<Perth>>

The Strawberry Farm Shop – 見這𥚃環境很舒服，便泊好車休息一下。

坐在花園曬吓太陽，士多啤梨田不開放的，只可以入商店買士多啤梨。

士多啤梨雪糕(£2) – 味道只係一般，勝在賣相很靚環境舒適。

士多啤梨(£2.8) – 很新鮮多汁，甜度中等，只比超級市場貴少少，抵食。

繼續前行路過一幢古堡，停車影張相。

Scone Palace – 蘇格蘭珀斯市附近的古堡，已有400多年歷史。

<<St Fillans>>

到達目的地St Fillans，今日駕車170km。

Achray House Hotel – 位於Loch Earn湖畔，背山面湖的小型酒店，好似好好環境，其實最正確係位於A85公路旁邊，大馬路分隔了酒店和湖，令房間景觀大打折扣。小太熊也被網上照片攪到中伏，揀了這酒店。

Loch Earn – 行出酒店過條大馬路便到湖畔，不少人在玩水上活動。

雙人房(不包早餐)HK$758

住客休息室。

酒店的酒吧。

酒店的貴價餐廳，小太熊話這餐廳賣的套餐特別貴的，我們今晚會去酒店內另一間平民餐廳食晚飯。

酒店的露天茶座，很多街客路過都喜歡停車飲杯嘢。

我們在這酒店的平民餐廳食，Check in時叫職員留張靚枱，佢真係留了張最靚景的角位枱給我們，很好人。

Diet Coke 200ml(£2.2)；生啤(£4.8)

Isle of Mull Scallops (£14.5) – 帶子肉鮮甜美味，配上松露、巴瑪芝士和魚子醬意大利飯，比預期好食得多。

Braised Ox Cheeks (£18.5) – 紅燒牛頰肉的肉質鮮嫩彈牙，油份甘香可口牛肉味濃，配紅酒汁和牛油薯容，美味有誠意的一度菜。

Shetland Mussels(£13) – 青口很鮮甜，在Shetland的日子都很難有機會食到。

晚餐的質素很高，唔駛食杯麵外賣真好。

酒店這日落景色優美，真係呃到人，如果馬路放在屋後面房價可以收貴幾倍。

旅居英國 • 動態移民 – Day 97

終於來到自駕遊最後一天，今日中午12:00前要回到Dundee還車，然後坐火車直返倫敦。

早餐每人一份 咖哩鯖魚辛辣碗麵(£1.85)，和昨天晚餐很大落差。

<<Dundee>>

09:30-11:00駕車85km回到Dundee TESCO Petrol 入油£36.03，今日無鉛每公升£1.709。再行多2km回到Arnold Clark還車。

Arnold Clark – 終於平安回到起點了，今日駕車87km。

總結頭尾共22日蘇格蘭自駕遊，總行車里數3046km，車租連全保費£1229，油費總共£252。每1km油費£0.083。每1km總成本£0.49，比在馬來西亞包車連司機貴一倍左右。

職員很快Check完車，她表示車門位置應該被隔離開車門時輕微碰花了少少，因為花痕不明顯，佢第一眼Check車也看不到，車行冇扣錢，所以不須我再Claim保險。

前後大約10min便還完車，比預期順利得多，下次都會幫襯佢。

還有幾個鐘才上火車，可以趁天氣好再行一次Dundee市內的High Street，上次來時天色好灰啊。

St Paul’s Episcopal Cathedral – 是一座聖公會教堂，於1853 年在Dundee舊城區成立。

McManus Galleries – 建於1867年的 丹地藝術畫廊及博物館，收藏了不同類的本土藝術作品和自然歷史展品，免費入場，值得細心觀看。

Dundee Parish Church (St Mary’s) – 位於蘇格蘭丹地市中心的蘇格蘭教會教堂，毗鄰Overgate Shopping Centre，教堂歷史最早可追溯至12世紀。

萬富行 – 內有不少香港品牌的超級市場，維他奶福麵陶大鼓油乜都有。

Casa Restaurant – 很快行完街，在這露天餐廳食完午餐才上火車。

生啤(£5)；可樂(£2.1)

炸魚薯條(£12.9) – Scottish Haddock大大件鮮嫩鬆化，高質的炸魚，薯條也好食，最鍾意佢送了不同醬料和茄汁。

16:09-22:16乘直通火車從Dundee去London Kings Cross，持有Two Together Railcard 2人收費£60.7，這程車買得好平。

<<倫敦>>

到London Kings Cross後轉乘

地鐵往Earls Court，每人£2.6。出站後行10min到今晚的酒店。

Boka Hotel – 23:15到埗，位於Earls Court的一間殘舊酒店。

Reception相信已經幾十年冇翻新，充滿懷舊感覺。

上樓的木樓梯Ge Ge聲的，我以前住得多呢啲地方了，小太熊就唔係好慣。

雙人房(不包括早餐)每晚HK$713 – 進入房門是廚房，都唔細喎。今次因為臨時臨急搵唔到平房，迫住來這裡。

房間內很多麈，床亦不是太舒服，基本上瞓一晚冇乜所謂啦。

浴室的清潔度也是一般，今日都好攰了，求其瞓幾個鐘，捱一晚明天一早就轉酒店。

補充資料 :

1.     這次在蘇格蘭自駕21日，選擇了租車公司Arnold Clark，再經租車網站Rentalcars租最平的自動波車種Kia Ceed，在Dundee出車，21日車租 £1147 再加買全保£82。在愛丁堡出車貴大約£200。Arnold Clark是扎根蘇格蘭專賣二手車的公司，租車相對其他大車行的收費較便宜。

2.     21日後還車時被發現車門位置有非常之輕微的碰撞痕跡，估計是泊車時被旁邊的車門撞過已引致。負責的職員很好人，不用我去Claim保險，無條件收回部車。選擇Arnold Clark是正確的決定。

3.     蘇格蘭大城市以外的所有地區公路也是又窄又多彎，而且很多大貨車行走，此外英國人揸車大部份也很快，開正常車速比較大壓力，不像我在日本經常超車。

4.     在英國入油全部要自助，入完油之後自行到收費處比錢。通常大型超級市場如TESCO 和Morrison等等外邊也設有油站，油價相對比較低。

5.     在超級市場通常可以免費泊車2hr，而且一定大把位又夠濶，唔怕被隔離車門撞花部車。

6.     £1兌HK$10.66 (HSBC網上兌換)

7.     英國電話卡Giffgaff可以網上預訂，出發前寄到屋企，再Download 官方Apps，到埗後可以立即開卡用。有1個月£10 (包15GB上網加超平打長途電話和Local call)的Plan十分抵用。

8.     在英國餐廳食飯不可以主動揮手叫職員過來，會被視為不禮貌，只能乖乖坐定定等職員主動上前才落Order，或者用眼睛望住佢哋，等佢哋注意到再自己行過嚟。之後在全英國食過很多餐廳，留意到又真係冇人主動揮手叫職員落Order的，真係佢唔講都唔知。

9.     在英國生活基本上可以完全唔帶現金，99%的消費也可以用信用卡或Applepay附款，包括所有交通工具、餐廳和超級市場。

10.        英國天氣變化極大，經常落雨，而且不時會括狂風，所以不方便用雨傘，最好全身夜物都要防水。

11.        英國火車優惠證Two Together Railcard 年費£30，可於一年內以優惠價買火車票，但必須二人同行，可於網上購買並存於手機內，購買時需要提供相片，乘車查票時可能會被要求出示。

12.        英國所有的無限次火車證都好貴，性價比低，最平火車票應該是用手機Apps : Trainline 或者TrC /TfW ，再以Two Together Railcard優惠購買。兩個Apps的票價可能不一樣，Trainline 有時會收少少Commission，所以每次買票時都要比較兩個Apps。買火車票一般係越早買越平，但又未必一定越早買越巴閉，有時優惠票會很遲才出現，完全冇路捉。

13.        乘火車由Dundee到倫敦，持有Two Together Railcard雙人票價£60.7。

14.        在倫敦乘地鐵或巴士一定要買張Oyster Card，因為逐程車買票貴好多。地鐵繁忙時間由星期一至五07:30-09:00和17:00-19:00，車費會貴大約£0.7。倫敦地鐵經常罷駛，小心。

15.        行車記錄：第21日行車170km。第22日行車85km，今日無鉛每公升£1.709，今次入油£36.03。

16.        總結頭尾共22日蘇格蘭自駕遊，總行車里數3046km，車租連全保費£1229，油費總共£252。每1km油費£0.083。每1km總成本£0.49。

 

---待續---