旅居英國 • 動態移民(66) – 倫敦歌聲 • 魅影之都

英國倫敦長壽音樂劇～歌聲魅影(The Phantom of the Opera)

歌聲魅影(The Phantom of the Opera)是一部知名的音樂劇，1986年10月9日在倫敦的 女王陛下劇院(Her Majesty’s Theatre)首演，隨後在1988年登陸百老匯，成為在百老匯上演最長壽的一部音樂劇，也是英國其中一部最長壽的音樂劇，史上最成功的音樂劇之一。於2004年，這部音樂劇被搬上銀幕。

旅居英國 • 動態移民 – Day 98

<<倫敦>>

今朝一早離開Hotel Boka，希望以後都唔駛再住啦。

West Brompton Station – 從酒店行5min來到這古老的地鐵站，乘地鐵到Aldgate，車費£2.6。

看到地鐵站這告示真係嚇一跳，又來工業行動了，難怪英國的工業如此蓬勃。好彩對我的行程冇影響。

到達Aldgate之後，行去今晚的酒店Travelodge London City放下行李，然後在附近食早餐。

Peter’s Café – 在Aldgate站對面馬路的快餐店，剛剛見門口外有張枱，便在這𥚃食。

室內好多人，而且很大油煙味，坐在室外比較舒服。

茄汁焗豆多士配咖啡(£6.5) – 小太熊唔想再食煙肉蛋，佢叫了這份，我就覺得太多豆，點食呀；Breakfast Bap配咖啡(£8) – 我叫呢份創意早餐，煙肉雙蛋雙腸薯餅夾厚麵包。

食完早餐又無無聊聊行吓街，其實幾個月之前已經在倫敦住了一星期，今次很多地方都是重覆去的。

Bank Staion – 倫敦的商業中心，英格蘭銀行和皇家交易所等機構都聚隻在這區。

倫敦街頭藝術品

Somerset House – 這座大樓建於246年前，門前一個大型噴水池吸引不少小朋友玩水。

Lyceum Theatre – 1765年落成於倫敦西敏市的劇院，有2100個座位，現時上演著名音樂劇獅子王。

河岸街(Strand) – 街上掛滿英國國旗，慶祝英女皇銀禧。

特拉法加廣場(Trafalgar Square) – 行到這裡人山人海，原來一陣士頭婆會路過這𥚃，小太熊要留低睇喎。

等了成個鐘，終於見到士頭婆的部下行過。

冇幾耐士頭婆的黃金戰車出現了，可惜佢始終沒有露面，更估唔到再過3個月便離開我們。

士頭婆離開後羣衆仍然不肯散去，那麼我走先了。

附近的地鐵站都封了，要行遠一個站到Embankment Station乘車。

乘地鐵到London Bridge，車費£2.5。

Flat Iron London Bridge – 上次食過覺得好食又抵食，今日再來幫襯，試吓這另一分店。

現在下午茶時間，不用等位。

Flat Iron Steak (£13.6) – 約200g的招牌牛扒，五成熟的肉質嫩口有肉汁，有牛肉味，外皮微濃好廚功，依然覺得好抵食，可以第三次再來 ; 意大利紅酒175ml (£6.25) ; 煙熏辣椒蛋黃醬(£1.13)

食完飯有朱古力軟雪糕送，不過原來唔係間間Flat Iron分店都有得送架。

食完午餐之後四處散步，又行到Tower Bridge，今日天灰沒有幾個月前咁靚了。

乘地鐵從Tower Hill回到酒店Aldgate，車頭£2.6。

Travelodge London City – 距離店Aldgate只有300m，位置方便，整體上也很新淨。

雙人房(不包括早餐)每晚HK695 – 會連續住2晚，今次唔好彩派了間低層房，完全冇景觀，房間整體上都整潔舒適。

今日午餐吃得豐富，晚餐輕盈一些。

辛辣杯麵(£1.1) – 今餐食淨麵，加杯房間送的奶茶。

旅居英國 • 動態移民 – Day 99

酒店冇包早餐，所以起身之後行到附近Liverpool Street Station，那𥚃有麥記。

Liverpool Street Station – 麥當勞就在車站內，剛剛停雨，可以坐出面外面。

豬柳蛋漢堡餐(£4.19) – 每人一份餐，好耐冇食過薯餅和豬柳蛋漢堡，覺得好好食。

食完早餐又無無聊聊四圍行，今日有雨，天色已晚麻麻。

皇家交易所(The Royal Exchange) – 交易所場外全是高級商店和餐廳，唔啱我呢啲窮L行囉。

Christchurch Greyfriars Church Garden – 教堂建於1225年，在1666年的大火中被毀。及後曾經重建再毀壞，最後成為現在的教堂遺跡和花園。

Historic Seven Dials – 舊地重遊，唐人街附近一個很特別的社區，七條街道在中央迴旋處匯合，中心是一根紀念柱，社區保留了17 世紀的原始佈局，區內有小型歌劇院和特色食店。

翠享邨 – 又回到唐人街，好耐冇飲茶了，見剛剛室外有個靚位，坐低慢慢嘆。

細啤酒(£6.75) – 相對英國其他地方係非常之貴，不過見茶錢都幾磅，叫啤酒可以唔飲茶，所以每人叫一支。

蝦餃(£5.96) – 皮薄又煙韌，饀料蝦肉新鮮爽脆加了竹筍和肥豬肉，極高水準好好食，好過香港大部份茶樓。

燒賣(£5.51) – 豬肉味很新鮮，入口Juicy好好食。

帶子腸(£7.76) – 腸粉十分軟滑帶子鮮甜，估唔到連豉油也很出衆，咸甜濃度適中，高質腸粉。

乾炒牛河(£12.15) – 牛肉有牛肉味，河粉夠軟滑，芽菜和洋蔥的份量十足，夠鑊氣，好好食。

2個人埋單£44.88，和一般英國出街食飯差不多，但今餐好食好多。食完好西人都醒神啲，繼續行街。

林蔭路(The Mall) – 遠望白金漢宮，今日好像仍有活動啊。

St Jame’s Park – 入公園遇上一隻活潑的小松鼠，佢唔怕人架，請佢食果仁佢食得很開心。

女王陛下劇院(Her Majesty’s Theatre) – 今晚又睇歌劇 歌聲魅影，前日才上網買票，平飛已經賣晒，買貴少少的飛。

坐在山頂前行，每人£22.5，抵睇啦。

歌聲魅影 驚典的大吊燈，每日都會有一場戲特然跌下，跌了幾十年也沒有跌傷過人。

19:30準時開始，啲歌係好聽喎，下次如果再來倫敦可以再睇。

22:00完場，演員輪流謝幕。

散場時人山人海，附近很多人力車來接貴賓離開，估唔到英國還有人力車。

乘地鐵£2.6返酒店，明天到劍橋一日遊。

旅居英國 • 動態移民 – Day 100

早上07:30起身，08:15 check out，行李放在酒店，然後首先行700m去附近食早餐。

De Vine – 倫敦出名的平價早餐，小太熊話一定要來試吓。

店內好大油煙味，焗到啲衫臭晒。

Full Monty Breakfast (£8.2) – 大大份的早餐用料食得出是較低端的食物，有齊煙肉腸仔雙蛋番茄蘑菇薯條和焗豆，味道一般，勝在包埋咖啡，價錢確係比其他店平20%。

仲有大大份牛油多士，其實都夠2個人食。

Executive Breakfast (£8.2) – 只有煙三文魚炒蛋和多士，送咖啡，份量比上面果份少得多，味道依然一般，煙三文偏咸魚不肥美。

食完早餐行1.1km去Liverpool Street Station，乘火車到劍橋，持有Two Together Railcard，2人來回車£27.39。

<<劍橋>>

11:10來到 劍橋火車站，今日出猛太陽。

沿着大街行入大學古城區，路過The Fitzwilliam Museum，見免費入場便進內看看。

The Fitzwilliam Museum – 於1816年創立，位於劍橋市的中部，是劍橋大學的藝術和古物博物館。

館內的裝飾華麗，媲美大英博物館。

博物館收藏了超過50萬件展品和藝術品，展示了從古至今的世界歷史和藝術。

這件大型展品栩栩如生，遠睇以為係真人。

館內佈置也有現代感的一面。

這博物館比預期好睇，行了個幾鐘頭。

 

補充資料 :

 

1.     £1兌HK$10.66 (HSBC網上兌換)

2.     英國電話卡Giffgaff可以網上預訂，出發前寄到屋企，再Download 官方Apps，到埗後可以立即開卡用。有1個月£10 (包15GB上網加超平打長途電話和Local call)的Plan十分抵用。

3.     在英國餐廳食飯不可以主動揮手叫職員過來，會被視為不禮貌，只能乖乖坐定定等職員主動上前才落Order，或者用眼睛望住佢哋，等佢哋注意到再自己行過嚟。之後在全英國食過很多餐廳，留意到又真係冇人主動揮手叫職員落Order的，真係佢唔講都唔知。

4.     在英國生活基本上可以完全唔帶現金，99%的消費也可以用信用卡或Applepay附款，包括所有交通工具、餐廳和超級市場。

5.     英國天氣變化極大，經常落雨，而且不時會括狂風，所以不方便用雨傘，最好全身夜物都要防水。

6.     英國火車優惠證Two Together Railcard 年費£30，可於一年內以優惠價買火車票，但必須二人同行，可於網上購買並存於手機內，購買時需要提供相片，乘車查票時可能會被要求出示。

7.     英國所有的無限次火車證都好貴，性價比低，最平火車票應該是用手機Apps : Trainline 或者TrC /TfW ，再以Two Together Railcard優惠購買。兩個Apps的票價可能不一樣，Trainline 有時會收少少Commission，所以每次買票時都要比較兩個Apps。買火車票一般係越早買越平，但又未必一定越早買越巴閉，有時優惠票會很遲才出現，完全冇路捉。

8.     在倫敦乘地鐵或巴士一定要買張Oyster Card，因為逐程車買票貴好多。地鐵繁忙時間由星期一至五07:30-09:00和17:00-19:00，車費會貴大約£0.7。倫敦地鐵經常罷駛，小心。

9.     乘火車由倫敦到劍橋，持有Two Together Railcard雙人票價£27.39。

 

---待續---