星馬布吉 • 動態移民(08) – 檳城絕景酒店Angsana Teluk Bahang

馬來西亞檳城絕景酒店Angsana Teluk Bahang

直落巴巷(Teluk Bahang)是馬來西亞檳城島西南部的一個鄉鎮，最初是一條漁村，現在已經發展成為一個旅遊景點，附近更建了不少大型酒店。在寧靜的 直落巴巷海灘上，最新建了名牌度假村Angsana Teluk Bahang，設計新穎時尚，合共有235間海景客房和大型無邊際泳池，是檳城理想的度假勝地。

星馬布吉 • 動態移民 – Day 07

<<檳城>>

繼續上一篇Day 07行程。

食完 竹腳，回酒店叫Grab車去Angsana，22km路程早上車費曾低見RM26，現在卻要RM53，不過沒有其他選擇。

14:07-14:57足足50km車程，到埗時想後日包這部車5hr，但奇怪司機話唔做包車，以前問親的士都一定做的。

Angsana Teluk Bahang Penang

Check in大堂很有空間感

Check in大堂內的Chill Bar，令人放鬆、放鬆和放鬆。

職員先送上免費消暑冰凍 檸檬蜜糖，再辦理手續。

Restaurant No.11 是酒店一家特色餐廳，供應一系列自家烹製的燒烤美食。

全海景雙人露台房(包括早餐)每晚HK$935 – 這次幸運地派到頂層房，開揚得無可再開揚，私隱度極高，沒有令人失望，各方面也很滿意。

房間Mini Bar送了很多飲品。

露台外可以望見沙灘和泳池，估唔到很少人，可能太曬吧。

沙灘是公眾地方，所以有少少非住客在玩耍。

Fire & Ice – 沙灘旁的酒吧，酒店送了2杯Welcome Drinks，可以在這輕鬆的環境中享用。

石榴雜飲；Lemon Gin Tonic – 冰涼消暑的Welcome Drinks，可以免費在Menu任叫一杯，如果自費Mocktails每杯要RM29，Cocktails每杯要RM53，小太熊唔飲酒的，佢杯石榴平好多啊。

酒店健身室，2人包場一樣。

Infinity Pool好靚啊，在這𥚃玩到日落。

今晚酒店有婚禮在這場地舉行，影埋這張相便唔可以再進來了。

新朗新娘可以換衫化妝進場了。

在泳池從下午玩到日落，曬到黑晒啊。

日落後氣温沒有那麼高，舒服得多，可以四處詳細走走。

回到房間繼續飲嘢，享受寧靜的日落時光。

今晚日落紅得很跨張，睇到天色黑透才出去揾食。

晚上叫不到Grab車，只好沿着馬路行1.6km到 直落巴巷，沿途都幾靜。

大東海鮮樓(Tai Tong Seafood) – 明明上網查過今日開門的，但去到卻冇開，慘了，其他食店都幾差，小太熊間間都話唔好。

Classic Foods TomYam – 終於找到間冇咁差的地道小店，都有些人氣，全部也是馬拉人，入鄉隨俗入去試試啦。

見附近人客個個都唔駛睇餐牌，坐低便叫，伙記又淨係識講馬拉話，都幾難溝通，最後廚房找到個有少少英文的陣年餐牌，我便求其手指指叫了些飯餸。

二人晚餐(RM23.6) – 冬陰公湯好濃好辣，冇陰功飲到標晒眼淚；蠔油炒雜菜味道正常不過菜很瘦弱；雜菜炒雞粒冇乜肉味只有味精味，而且雞粒幾鞋口；白飯很鬆散，唔好食；馬來凍奶茶甜得好得人驚，甜到我咁唔鍾意浪費食物都放棄了，飲唔落。

飯餸雖然唔好食，不過我都全清了，只飲唔落奶茶。

回程試吓叫Grab車，等了20分鐘也沒有車，只好行1.6km返酒店，條街勁黑，好彩IPhone有電筒。

回到Angsana婚禮還未完結，人客們全部去晒沙灘睇 火魔法表演。

火魔師玩到勁High，唔怕燒親人啊。

房間的床和枕頭也勁舒服，比貴些也是值得的。

星馬布吉 • 動態移民 – Day 08

今日晨早起身，準時07:00到池畔餐廳Restaurant Jendela食自助早餐。這份早餐如果自費也只是RM68，很抵食的。

Restaurant Jendela – 位於泳池旁邊的酒店餐廳，全天然風沒有冷氣，日出後和日落前也十分炎熱，所以早點食冇咁熱。

早上人少，揀到個池邊位，環境一流。

除了酒精飲品，自助早餐乜都有得食，而且味道唔錯，水果很新鮮，馬拉甜點很出色。

早上繼續游水，11:00 Check out之後叫Grab車回 喬治城，今次好平啊，20km路程只係RM23，平得太過份，其實收返RM40比較合理點。

11:42-12:20 Grab車從Angsana回到喬治城的老牌酒E&O，今次會住一晚。

 

 

 

補充資料 :

1.     馬幣RM1=HK$1.82，HSBC Visa Card兌換價。

2.     檳城現在市面上已經沒有的士，連George Town也沒有，只有機場還有Coupon Taxi。雖然有幾個叫車Apps，但只有Grab可以真正叫到車，其他Apps次次都話冇車。

3.     用Grab叫車的價錢像買股票一樣，不斷升升跌跌，最高和最低價錢可以相差3倍，全馬來西亞也是這樣，非常之不便。

4.     檳城巴士班次不太疏，每小時也有1～3班車，而且可以用Google查到巴士時間表，不比Grab車差。

 

---待續---