星馬布吉 • 動態移民(12) – 檳城(Penang) 自由行

檳城浮羅山背榴槤園 寶盛園(Bao Sheng Durian Farm)

聽說馬拉人有句說話「大馬一年有三季，就是旱季、雨季和榴槤季。」馬來西亞和泰國也是盛產榴槤的大國，但採收方式卻大為不同，泰國榴槤一般也是未熟便從樹上摘下來再催熟，馬來西亞卻是讓榴槤在樹上熟透後自然掉落，味道與口感比泰國榴槤勝上不只一籌，越是新鮮的榴槤味道和口感越佳，因此最神級的榴槤必定是剛從樹上掉落，即開即食。馬拉榴槤有多達200多個品種，當中身價最高的肯定是近5年才熱炒的「黑刺榴槤」，其次才是彭享出產的「貓山王」，其實大馬每款名種榴槤也有自己的獨特味道，最美味的品種有葫蘆、紅蝦、青皮、林鳳嬌、竹腳、蜈蚣、金鳳、甲必利等等，每款也能獨當一面，絕對能把黑刺和貓山王比下去。

星馬布吉 • 動態移民 – Day 11

<<檳城>>

小太熊今早好攰胃口依然很差，病徵似感冒又似老漢廢嚴，佢話相信是坐巴士時被車上的人傳染的，載住口罩也中招，大馬其實都仲傳得好勁。小太熊狀態還可以，便一齊出外兜吓風。

08:55 to 09:25乘201號巴士往 亞依淡(Air Itam)，車費RM2。小太熊話想再食頂級平價榴槤。

暹羅姐妹咖哩面(Air Itam Sister Curry Mee) – 亞依淡著名食店之一，因為只開早上，所以每次到檳城也食唔到，早幾天到亞依淡時也關了門。今日第一次食。

東成咖啡檔(Tong Seng Coffee Stall) – 在姐妹咖哩面旁邊，可以在這裡買飲品。

暹羅姐妹咖哩麵(RM5) – 咖哩幾香加上少少辣，油麵質感、朱紅和魷魚味道也合格，湯底反而沒有早2日在附近大排檔吃的那碗咖哩麵咁鮮味，味道一般試吓無妨，唔食都唔可惜。

東成白咖啡(RM3) – 香滑味濃苦味重，奶味香，入口迴甘味道比得上怡保白咖啡，好飲。

行返去大馬路，上次幫襯的榴槤檔冇開啊，原來唔係想食就有得食，唯有四圍行吓，不過其實冇乜好行，見今日榴槤很少貨。

椰子果凍專賣店(House of Coconut Jelly) – 在巴士站旁邊，買個椰青給小太熊清清熱。

椰青(RM5) – 東南亞飲的椰青也是這樣，又淡又唔凍。

椰青果凍(RM7.5) – 成份比較多大菜較硬身，椰青味重椰肉很滑，中等甜度，好食，George Town的Joez Coconut冇咁甜而且口感更佳，好食啲。

原來乘10:35的502號巴士往 浮羅山背山區Anjung Indah食榴槤，但巴士無故消失，下一班車11:50，唯有叫Grab車去，9.5km收費RM11，今次平得跨張。

Anjung Indah – 位浮羅山背公路Jalan Tun Sardon旁邊的榴槤中心，內有最少8檔榴槤檔，不過今日只開了兩檔，而且很少貨。

這檔最多客又最多榴槤，便幫襯佢啦。

行埋去望望，全部沒有寫品種和價錢，便問老闆紅蝦多少錢，佢諗了一會，樣子古古惑惑地答「Thirty Eight per kg」，黐Q線咩，和George Town阿德榴槤一樣價錢，浮羅山背市賣RM13咋，見我哋不是本地人就呃人，谷鬼氣都費事浪費時間立即掉頭便走，佢仲叫返我哋問我們想吃甚麽品種，今日的榴槤好Good喎，嘥氣。

這裡可以望到 浮羅山背市，坐車落去食。

這𥚃比較少Grab車，等了十多分鍾才成功叫車，去浮羅山背市5.5km收費RM7。

落車之後行去 南光茶室，今日休息啊，試不到這人氣茶室，唯有下次啦。

長成榴槤水果(Chang Cheng Durian & Fruits) – 位於浮羅山背市Jln P Upih 和Jalan Tun Sardon交界的榴槤檔，阿姐認得我們昨天曾經來過，當時勁好生意冇位坐，我們望了一陣便離開，今日返去幫襯佢很開心，完全冇嫌我哋食得又少又平。這裡的食客個個都好勁架，平均每人都食2個。

今日試試 林鳳嬌，阿姐話因為這品種榴槤很苦的，好似林鳳嬌咁苦，所以改了這名字。

林鳳嬌(Lim Fong Jiao)1.6kg(RM27) – RM17/kg，足5房肉的A果，外硬皮薄果肉大粒果核亦大，新鮮乾包，黏喉度80%，中等甜度層次較簡單，少部份黑青果肉苦味強烈，帶有怨鬱感覺，中上貨式75分。

再試另一新品種，問問阿姐有沒有白果肉的榴槤，她便揀來揀去才揾到一個，佢話不是名種，是附近的鄉土榴槤，名叫 菜糕。

菜糕750g(RM6) – RM8/kg，果肉純白大核，黏喉度有90%，新鮮味淡層次簡單，只有2粒肉，甜度較低，只值60分僅僅合格。

食完榴槤阿姐請我們吃紅毛丹，好好人。

全日節目完畢，小太熊要早點回酒店休息，12:35-13:15乘Grab車回George Town，22km收費RM32。

回到酒店我上天台游水，小太熊就休息。游了唔夠15min，來了3個騎呢馬拉仔，成身大汗穿上衣服牛仔褲跳落水，嚇到走都走唔切。

OZO餐廳 – 位處高樓層，見環境很好下午茶又好平，便入去坐低食少少野，全餐廳都冇人，有點古怪。

炸魚柳餐(RM12.7)；炸雞迷你漢堡餐(RM12.7) – 每份餐送一杯鮮橙汁，蝦片小食也是送的，好抵食啊。

飲一啖鮮橙汁，立即要吐回杯內，完全唔知係咩甜糖水，痴線架飲壞人。蝦片只係脆的物體，完全冇味，完全唔食得。炸魚柳好L硬，都唔知咩嚟，又係唔食得。迷你漢堡最好味了，只係沒有肉味的炸雞和炸得很油膩的麵包，只係一般難食，應該不會吃壞人。唔怪之得這𥚃完全冇客。

回房瞓個覺，很快又係晚餐時間。

白糖糕鹹煎餅攤檔 – 喬治城的50年老字號，位於Lebuh Campbell和Lebuh Cintra交界，只在每天17:30-20:00開檔，星期日休息，而且平日也經常賣完便早收檔。這裡的白糖糕口感煙韌，清甜中散出芬芳米酒香和蒸糕的味道，沒有我不喜歡的發酵酸味，幾年前食過非常之好食。可惜今天白糖糕很早賣清，冇得食。

接著幾日行過也沒有開檔，估唔到想吃件白糖糕也這麼難。

德成飯店 – 今天20:00去到，等了15min便有位。這次旅程已經第三次來，始終有湯有飯比較啱食。

大嘉士伯(RM21.2)

魚標魚蛋湯(RM21.2) – 是日特色湯水，魚肚爆得夠鬆沒有腥味，魚蛋夠彈牙，還有少量雜菜，最好是湯底沒有味精，啱飲。

白飯(RM1.6)

鹹魚蒸肉餅(RM21.2) – 今日唔要煎炸食物，清蒸反而更好肉味，不過鹹魚份量太少，唔夠喉。

麻婆豆腐(RM17) – 這店的豆腐全部都又香又滑，麻婆肉碎味濃適合送大啖飯。

蒜米豆苗(RM14.8) – 十分清淡，帶點生草的腥味，感覺像是牛食草，唔好食。

晚上早點休息，小太熊病情反覆覆，沒有轉差。

星馬布吉 • 動態移民 – Day 12

檳城的第9天，今日中午要入 寶盛園食榴槤放題博命了，不過小太熊狀態未復，不能太博。

多春茶室(Toh Soon Cafe) – 清早又去排隊食，已經不斷重複食店了，檳城最好的美食今次已經全被翻出食幾次，十分過癮。

碳烤加椰牛油多士(RM3) – 麵包香脆鬆軟充滿炭火香氣，好好食；凍咖啡煉奶(Kopi)(RM2.3)；熱咖啡加奶昔(Kopi Si)(RM1.9) – 這裡的咖啡不算頂級，但也香濃好飲。

益群居茶室(Yik Kheng Kee Cafe) – 汕頭街的茶室，昨天有位本地亞叔介紹話 翰記炒粉好食，所以試吓。

Teh “O”(RM1.4) – 叫錯了，原來是淨甜茶，甜到爆好L難飲囉；凍美綠(RM3) – 沖得比較稀，很孤寒。

今次發現自己來了這麼多次馬拉也不懂叫馬拉的茶，原來好易的：

Teh = 茶加糖加煉奶

Teh ‘O’ = 茶加糖

Teh ‘C’ = 茶加糖加鮮奶

Kosong = 不加糖和奶

馬拉奶茶咖啡沒有少甜和走甜，只有走奶和走糖奶

福建炒麵(RM6) – 胡椒豉油湯汁底，唔算肥膩不過唔好食，味道不好麵質一般，唔值得試。

愉園茶室(Joo Hooi Cafe) – 都係這間最好食，今次旅程第三次來了。

今日很少人，正啊。

亞參叻沙(RM6.5) – 依然是最味美的叻沙，湯底充滿鮮甜沙丁魚味，加埋那湯匙蝦醬更加鮮上加鮮，今個星期過足叻沙癮。

菜糕(RM6) – 第一次試，有韭菜和白蘿蔔絲兩款味道，外皮唔夠煙韌，味道一般可以一試，不過下次唔會再叫。

腸粉(RM6) – 軟滑好味有米香，蝦醬較甜，很多蝦米碎和芝麻很脆口美味，好食下次再叫。

回到OZO退房，叫Grab車去 寶盛園，32km距離收費RM82，太貴唔要。等了30min，價錢不斷下降，最後成交RM61，那知5min之後跌至最低RM56，不久又回升至RM62。在馬來西亞坐Grab就如買股票，價格升升跌跌。這程車如果經由寶盛園代訂要RM80。

補充資料 :

1.     馬幣RM1=HK$1.82，HSBC Visa Card兌換價。

2.     檳城現在市面上已經沒有的士，連George Town也沒有，只有機場還有Coupon Taxi。雖然有幾個叫車Apps，但只有Grab可以真正叫到車，其他Apps次次都話冇車。

3.     用Grab叫車的價錢像買股票一樣，不斷升升跌跌，最高和最低價錢可以相差3倍，全馬來西亞也是這樣，非常之不便。

4.     檳城巴士班次不太疏，每小時也有1～3班車，而且可以用Google查到巴士時間表，不比Grab車差。

 

---待續---