遨遊太平洋(4) – 雅浦島(Yap)海底歴奇

太平洋小島 雅浦島(Yap) ~ 巨型魔鬼魚 鬼蝠魟(Manta Ray)的故鄉

雅浦島(Yap) 位於太平洋西部 關島和帛琉之間，1898年 德國從西班牙手上搶奪，第一次世界大戰後被日本佔領；第二次世界大戰後戰後為美國進駐，現為美國屬土，島上主要是美軍基地。雅浦島 的地勢起伏不平並且滿佈茂密的樹林，海岸則被珊瑚礁包圍，海洋物種豐富，是巨型魔鬼魚 鬼蝠魟(Manta Ray)的故鄉，差不多每次潛進深海時也可以見到Manta Ray。此外，島上有一種文化傳统，原居民不論男女也是不穿上衣的，到現在還偶然可以在島上看見女性原居民唔著衫在街上走動。雅浦島也是世界上最大貨幣所在地，島上仍保留大量古代的雅浦島石幣，有些重量達5噸，聽說現時雅浦島的居民在土地和房屋的買賣交易時仍會使用石幣。

遨遊太平洋 – Day 7

<<雅蒲島>>

今日要乘零晨02:15機從 帛琉飛 雅蒲島(Yap)，酒店West Plaza by the Sea替我們安排了的士24:00在酒店出發。因為早退房，所以房租金減收USD 20。

航機04:10抵達 雅蒲島，機場十分之細。酒店的車已經等緊我哋，可以立即Check in。

Lonely Planet 話一出 雅蒲島機場就會有啲冇著衫的靚女給你戴上花環，使我期望很大。那知一出到機場只有酒店派來接我們的一個唔著褲(只有當布)的阿叔，啲靚女可能仲未瞓醒，Oh..........Lonely Planet老點我.........

雅浦島上只有3 間酒店，我們住最平的Pathways Hotel。基於雅浦島的航班到步時間全是零晨時份，所以酒店可以安排04:00 Check in至第二日零晨02:00 Check out，當一晚房價計。

Pathways Hotel雙人房(連早餐)每晚USD 140 – 房間主要用木和竹佈置，古樸自然。

沖個涼之後小睡2粒鍾便要起身，準備潛水。

Pathways Hotel環境很自然，被樹木包圍着，只可惜面向馬路，房間沒有景觀。

早餐只有Pancake和水果，但飲埋杯茶都OK夠飽的。

食完早餐後，行路到隔離的酒店Manta Ray Bay Hotel出發潛水，又係一日兩潛。

Manta Ray Bay Hotel

Dive Site ～ Miil Channel

Miil Channel是雅蒲島最好的潛點，因為這𥚃最多Manta Ray，今天會在這𥚃潛足2次。和我們同機到埗並一同入住Pathways Hotel的一對德國夫婦好慘呀，佢哋幫襯Pathways Hotel介紹的潛水店，2日都冇去Miil Channel，一條Manta Ray都見唔到，搞到非常之失望。

Check好裝備，準備落水。

Miil Channel的水比較混濁，幸好今日天朗氣清，水底能見度都唔錯。

下水冇耐，便見到一條巨型Manta Ray游過，哇！大過你個人，好興奮呀。

巨型魔鬼魚 鬼蝠魟(Manta Ray)

白鳍鯊(White Tip Shark)

鯵魚群(Big Eye Trevally)

Dive Master帶我們到一處地方，叫我們定定地在海底唔好郁，靜靜地等待Manta Ray游過。

唔駛10min，有啦有啦，巨型Manta Ray游過了。

再等一會，見到一連3條Manta Ray Chain，好正呀，雖然話最長的Manta Ray Chain可以有十多條，但見到3條已經開心得難以形容了。

Manta Ray Chain ~ 總共3條Manta Ray整整齊齊地排隊一齊游，真係自然奇觀。

完成第一潛，大滿足地上水休息。

第二潛 仍然是Miil Channel

水底石錢

小丑魚Allard's Anemonefish

人字蝶魚(Threadfin Butterflyfish)

水底的軟體生物

黃背雀鯛(Staghorn Damselfish)

砲彈魚(Titan Triggerfish) – 會咬人的，見到小心。

粉紅小丑魚(Pink Anemonefish)

海鰻(Moray)

黑尾真鯊(Grey Reef Shark)

潛完水回到酒店才14:00，沖個涼瞓返2hr才再出動。

瞓到黃昏至出街行吓，其實雅蒲島冇乜嘢好行，只有一間超級市場和少量商店，半個鐘頭已經行完。

在超級市場遇到一位雅蒲島女士，佢哋真係興唔著上衣的。

雅蒲島Bra Bra，原本想買一個送俾小太熊，點知佢話我short short哋喎。

Manta Ray Bay Hotel的泳池和船餐廳，今晚在船頂食飯。

晚餐點了Pizza、牛肉飯、啤酒和可樂，合共USD 30。

因為昨晚唔夠瞓，今晚要早啲瞓，明天一早再潛水。

遨遊太平洋 – Day 8

今朝的早餐沒有Pancake了，轉了多士，仲好啦。

今天有好消息，潛水店不知為何說今天可以三潛，而且已經替我們訂了午餐飯盒，每位USD 10。

乘小艇從Manta Ray Bay Hotel出發，又係去Miil Channel。

Dive Site ～ Miil Channel

今日好多人，一齊落水。

今次潛到一個懸崖頂之後一齊趴在地上。

超過30條鯊魚就在我們面前不遠處不斷游來游去，睇足10min，好刺激，而且感覺非常之震撼。

離開懸崖時 遇見一條Manta Ray。

巨型水母(Jelly Fish) – 睇個樣應該有毒的，影相時都要十分之小心，俾佢啲觸鬚揩到就麻煩了。

冇幾耐又再遇見一條Manta Ray，佢唔驚人㗎，在我們的頭頂游過。

呢條Manta Ray真係搞鬼，離開我們之後冇幾耐，睇住佢兜咗個圈返番轉頭，好似想同我哋玩咁樣。

雖然每次下潛都見到Manta Ray，但今次距離最近，如果唔係要影相，我一定可以摸到佢。

河魨Valentin's Sharpnose Puffer

紅槽(Mangrove Red Snapper)

隆頭鸚哥魚(Humphead Parrotfish)

海鰻(Moray)

藍星斑(Peacock Grouper)

黑面關刀蝶魚(Masked Butterflyfish)

火蝦虎(Firegoby fish)

刺尾鯛Velvet Surgeonfish

鯵魚群(Big Eye Trevally)

鯊魚仔(Reef Shark)

完成雅浦島的 5次下潛了，每次都見到Manta Ray，對雅浦島非常滿意。

晚上到全島最貴的酒店Traders Ridge Resort食飯。

Traders Ridge Resort – 充滿英式建築風格的酒店，二次世界大戰期間曾經是日軍司令部。

酒店門口有2個巫師，中間那塊不是普通石頭，是雅浦島的貨幣 石錢(Stone Money)，古代雅浦島的人用它可以買起一間屋了。

這塊石錢是小太陽的，但佢太細隻搬唔郁啊，小太陽仲同巫師做埋朋友。

先來一杯啤酒和Fruits Punch。

南瓜湯 – 水準唔錯的餐湯，南瓜味很濃。

鸚哥魚刺身 – 很特別的一道刺身，口感十分之新鮮，肉質偏腍，味道幾鮮甜，好味的一道刺身。

烤洋肉飯 – 肉味香濃帶點羊酥味，正。

白汁中蝦長通粉 – 中蝦很脆口，正常西式通粉一碟。

Homemade雪糕 – 密度極高口感豐富，有朱古力味，其餘2款味道從未吃過，有點像伯爵茶和果仁，但係唔肯定。

今晚2個人埋單只係USD 60，抵食。在雅蒲台島兩日都過得好開心，明天會在島上環島一日遊。

 

 

 

---待續---