遨遊太平洋(5) – 尋幽探秘 雅浦島(Yap)

雅浦島(Yap)的未成年少女原居民

雅浦島(Yap)有個民族傳统，原居民只穿草裙而不穿上衣，雅浦島的土著認為，大髀是神聖的，不可給別人看見，所以穿的草裙會遮住大髀，但波波就冇乜所謂，任睇唔嬲。其實只係和我們的文化有啲唔同啫，所以重要部位都有些唔同。

遨遊太平洋 – Day 9

<<雅蒲島>>

由於明天晨早要飛回 關島，今日不能潛水，所以便包車在雅浦島作 7.5hr環島遊，由酒店的老闆～雅浦島人阿John帶隊，準時08:00出發，由南玩到北共9個景點，2個人出團，每人收USD 80包一餐Pathway Hotel的午餐。

早上先遊南島共4個景點。

紅樹林Gachalaw – 不算是很大型的紅樹林，但仍然有很多紅樹林蟹活在其中。

石錢銀行(Stone Money Bank) – 位於Kanifay Village內，存放着島上大部分的石錢，這麽貴重的東西完全唔怕被人偷，因為太重了。

Tabnify Village – 村內的學校，導遊話仍然運作的，不過當日唔見有學生。

接着去到一處戰爭遺跡的地區，這裏有軍用機場和兩架戰鬥機的殘骸。

Zeros戰機殘骸 ~ 二次大戰時日軍遺下的戰機殘骸，位於一處山邊不起眼處，還可以走進司機位置感受一吓戰爭氣氛。

日軍機場跑道 – 戰機旁邊便是當日的軍用機場跑道，已經荒廢了。

另一架Zeros戰機殘骸 – 這兩架戰機沒有放在博物館，這樣日曬雨淋，相信過多十年八載便屍骸都冇埋。

日軍高射炮殘骸 – 炮身有不少子彈洞，相信是美軍的戰機做成的。

玩完南島便回到Pathway Hotel吃午飯，團費已經包埋。

每人一個新鮮椰子，啲椰子水又濃又甜，而且好夠凍。

豉椒雞飯 – 個汁煮得好好味，不過全部係雞胸肉，比較鞋口。

豉椒魚飯 – 味道和上邊嗰碟一樣，魚肉也一樣咁鞋口，不過食啲飯個人都好舒服。

食完飯又再出發，下午會向北方進發，玩五個景點。

紅樹林沼澤區 – 這裏是一大片濕地，離遠都見到滿佈密密麻麻的紅色蟹仔。

這些紅樹林紅蟹仔是大細鉗的，另外有些藍色蟹仔就正常。

下一站是那葡萄的最高處，遠望便是Miil Channel，早兩日潛了幾次水的地方。

Tomil火山 – 滿佈紅色的火山土，土質非常之稀疏及鬆散，行平路都覺得跣腳。

雅浦島傳统村莊 Bechyal – 最後會探訪兩條村莊，看看這裏的文化。穿過了這條獨木橋便到達村莊 Bechyal。

Men’s House – 雅浦島的每條村莊都有一間Men’s House，供村內男人開會之用，女人嚴禁進入。

雅浦島有一個傳统，就是村莊的男人如果發現隔離村有靚女，就會捉住她，並把她關進自己村的Men’s House內，不準離開，給村內的所有弟兄叔伯…攪。唉! 聽落都幾變態。當然，現在已冇再發生這些事了。其實只係同我哋啲文化唔同啫，我哋應該專重其他唔同文化的。

Men’s House內有個木制女人，紀念從前的變態傳统。

Men’s House外放滿了石錢，石錢越多代表這條村越富有。

石錢之外的 雅浦島貨幣 – 貝殼錢(Shell Money)，也掛滿在Men’s House內。

Men’s House@Wacholab Village – 這條村莊明顯沒有咁富貴了，Men’s House明顯冇咁靚，不論是貝殼錢或石錢都唔多。

碰巧今天Wacholab Village舉行大食會，村民很熱情，邀請我們一同參加，已經啱啱開始餓了，好開心呀。

好多食物，啱晒貪心的小太陽。

小太熊覺得唔使錢攞人啲嘢食唔係幾好意思，佢唔准我攞太多，所以我只係攞了雞髀、香腸和吞拿魚刺身。

完成這個一天行程了，約下午16:00回到酒店冲涼。不過17:00又要再出動，今次會到另一條村莊 ~ Kaday Village欣賞 雅浦島的傳统民族舞，每位收費USD 50，包括來回酒店接送。

同團都有廿幾人，進入村莊之前要行過一條濕滑的小路。

Kaday Village的Men’s House

這條村莊都好富貴，四圍放滿Money。

村民都很忙碌，全部都穿上了 雅蒲島的民族服裝，開始預備今晚的表演節目。

女孩子真係唔著上衣只穿彩色草裙架。

小朋友的服飾也是一模一樣。

她們是雅浦島(Yap)的土著少女，有位老外行埋去問她們 “How old are you?”先知佢哋得15歲。

開Show之前肥姨姨和美少女派蔗給我們吃，都好甜的。

雅浦島傳统民族舞 ～ 少年男女穿上民族服裝拿着竹枝𠲖𠲖吔吔地打來打去，都幾新奇吖。

今晚試吓新餐廳，位於Manta Ray Bay Hotel斜對面的Oasis Restaurant。

Oasis Restaurant – 很有情調的餐廳，全店都係燭光晚餐，幾昏暗。今晚又叫了魚生，不過食完之後冇耐小太熊便勁唔舒服，唔知係呢度中招還是中午在村莊吃吞拿魚生時賴嘢。

完成了整個雅浦島行程了，見識良多。不過小太熊好慘，一直唔舒服到第二日晚上。今晚只可以瞓3hr，零晨01:30要起床，02:00從酒店出車去機場。

 

 

 

 

 

---待續---