緬甸的天與地(8) – Inle Princess Resort@茵萊湖(Inle Lake)

緬甸茵萊湖 – 茵萊族人的獨門單脚划船捕魚術

遠在緬甸的茵萊湖，有一間潔靜出塵的酒店Inle Princess Resort，她位處茵萊湖東岸的隱閉之處，開業於1998年，是湖上最早期的酒店之一。酒店沿湖岸而建，建築設計優雅自然，單是遊覽這酒店已經是茵萊湖的一大特色。

緬甸的天與地 – Day 6

<<Kalaw>>

昨晚只有4℃，因為瞓地下，寒氣整晚從木地板慢慢滲入個肺，我冷到咳了。。。。

晨早起身先放水，出面天寒地凍加上個廁所唔係好掂，梗係放落個樽算啦。開大都係响後山斜坡咋。

07:00食早餐，又係好豐富，有煎蛋、香蕉、麵包、蛋糕、橙、牛油果同咖啡，2個人邊食得晒呀。

食完早餐我去後山開大，小太熊護法，太陽已出來了。

08:00準時起行，行另一條較短的路回Kalaw。

今次有一段路沿火車軌行，幾特別。

最後一段路係行車路，快到終點了。

10:05返到Kalaw鎮，比埋小費兩位馬伕便散隊自由活動。

今早有個市集，但昨天那個市集較多嘢睇，同埋見到的都大同小異。

沿這條石級行上Kalaw鎮山頂上的寺廟Thein Taung Paya

Thein Taung Paya – 都好普通的寺廟。

從山頂望返Kalaw鎮冇乜持別，唔上來都唔可惜。

上完山，落返個鎮揾的士去茵萊湖，昨天問載我們來那個司機，佢話要Kyat 40,000，我啋佢都有味啦。在鎮上問了間Cheap旅店內的Agent，佢話要Kyat 50,000，我價都費事還就掉頭走了。最後去到的士站，有個開Kyat 40,000，有2個開Kyat 35,000，只有一個比我lur到佢收Kyat 30,000，其實都好貴啦，啲車又殘又冇冷氣，車程只係 2粒鐘，收成三舊水港紙，緬甸咋大佬。

<<茵萊湖>>

架殘車2粒鐘駛到茵萊湖北面的小鎮Nyaungshwe，小太熊Book了湖東岸的Inle Princess Resort，雖然Google Map顯示有行車路可直接到達酒店，但司機堅持話冇路入，佢話條路好爛喎，行唔到車，只可坐船入，我冇佢辦法下只好落車。

我們在一間Agent落車，我行入去問Agent租一日船遊Inle Lake和單程去Inle Princess Resort幾錢，佢話租一日船就Kyat 20,000，去Inle Princess Resort單程就 Kyat 8000，又係講極都唔肯減，當我水魚咩，啲Blog友兩年前來才Kyat 12,000租一日船。

冇辦法下唯有揹住大行李四圍問，烈日當空真係熱到儍，點知仲越問越貴，好似真係加晒價囉，最後行到公眾碼頭旁的這間Agent，感覺佢較老實(其實開價都係一樣)，但佢有誠意做我生意，肯減少少，收我Kyat 25,000包明天一日船遊湖加依家入去Inle Princess Resort，算係平Kyat 3000啦。

比完錢爭取時間快快上船，因為昨晚在地獄度過，沖涼開大開細都有困難，今日小太熊Book了全茵萊湖最貴的酒店Inle Princess Resort，都未止，Book埋Resort入面最貴嘅一間房 Princess’s Chalet (全酒店只有一間)，所以要爭取時間入去嘆世界。

開船了，行一陣就見到間屋塌左。

傳统的茵萊湖小艇，好Feel呀。

這些是在湖面的浮田，係當地人利用湖上獨有的浮泥和湖底找來的水草堆成，再用一枝枝竹竿直插只有幾米深的湖底來固定它們後，便可開墾種植。茵萊湖主要出產番茄。

Inle Princess Resort – 小船行了20分鐘，望到Resort的餐廳了。進入Resort範圍後要停摩打防止噪音，再由酒店派專人用傳统獨脚划船法划隻艇到酒店碼頭，所以住有這Resort可享受24hr的寧靜。

這一排是Lake Front View Chalet(雙人房連早餐每晚USD 220)，共有26間房。

我住左邊那全酒店唯一那間Princess’s Chalet。

這是木製門鐘，在酒店自設工場做的。

14:00 Check-in了，立即沖涼，嘆霧台，休息吓，好似乜都冇做，但覺得時間過得飛咁快。

Princess’s Chalet(連早餐)每晚USD 250

間房望向日落湖景，又夠寧靜，物有所值啦。

Welcome果盆

房內的梳洗間

超大湖景浴缸，可惜熱水水量唔夠(電熱水爐)，只夠放一缸熱水，小太熊沖完後我等足3個鐘啲水都只係唔凍(未夠熱)，我去Reception咋佢型之後酒店主動減收我 USD 90，算OK啦。

露天花灑夠原始Feel

 嘆吓嘆吓，食埋個果盆做Lunch，好快又日落了。 

日落後睇返間房重靚過日頭

夜晚在Resort的餐廳食

先送上麵包和小食，好新鮮喎。

綠豆湯(USD 3.6) – 小太熊叫了碗湯，味道同昨晚和尚寺那碗差不多喎。

酸辣豬肉(USD 7.2) – 小太熊叫的，普通唔難食。

緬甸全餐(USD 25.2)；白酒(USD 6) – 我就食這些，廚功和用料都係一般般。

送的水果、甜點和曲奇餅最好食。

Resort的酒吧

返到房張床掛了蚊帳，正喎。

起埋個火爐添，真係唔捨得瞓。

又行出露台和小太熊一齊睇吓星星，又過一Day了。

補充資料 :

1.    由Kalaw打的去茵萊湖，一般開價Kyat 40,000，我用Kyat 30,000成交，車程120分鐘。

2.    進入茵萊湖區要買票，每位USD 5。

3.    由Nyaungshwe去Inle Princess Resort的路很爛，冇車肯入(酒店都係咁講)，只可包船，單程公價每船Kyat 8000，講極價都冇得減，20分鐘船程，可坐五人。

4.    包船一日遊Inle Lake公價Kyat 20,000，可坐五人，有Kyat 2000議價空間，如果去埋Shwe Inn Thein Paya就加多Kyat 5000，但值得去，因為會Cut晒D買嘢嘅行程。通常08:00出發，天黑前回到起點。

---待續---