緬甸的天與地(9) – 天人合一@茵萊湖(Inle Lake)

現在定居於茵萊湖的長頸族小女孩

緬甸的茵萊湖是海拔875m高的天然湖，係茵萊族人的生命之源。茵萊族人活於湖上，沒有破壞原有的環境，只有利用湖上獨有的資源加點創意改善生活，他們創出茵萊湖浮田耕種、獨脚划艇捕魚術、獨特的水上建築……一切一切，盡顯茵萊族人天人合一的境界。

緬甸的天與地 – Day 7

<<茵萊湖>>

昨晚瞓得好好，今朝06:30就起身了，在房裡看着湖上一片迷霧，好似天上人間呀。。。

07:15食早餐，早餐比晚餐豐富好味。

昨天約了船伕今日08:30出發，來個茵萊湖一日遊，今早決定去埋Shwe Inn Thein Paya，比多Kyat 5000個船伕賺。

茵萊湖一日遊出發，天色好到不得了。

離開酒店後行經一段水道，兩旁都係茵萊湖獨有的浮田，又見不斷有村民划艇經過，有些用獨脚划船，充滿本土生活特色。

又看見有村民從湖底收集水草和浮泥，唔通用來堆做浮田？？？

村民無論煮飯、洗衫和沖涼都係用湖水，今次見到村民沖涼。

出到湖中心，漁夫們開始開工了，漁夫們的捕魚工具有大竹籠，有些用魚網。

茵萊湖南面一條水上村莊

在水鄉繞了幾個圈之後，船伕帶我們到In Paw Kone睇織布工場，一間做Longyi和圍巾的舖頭，這些Longyi和圍巾係用茵萊湖獨有的蓮藕絲制成，看見女工們不斷切藕取絲再織布，職員又冇Hard Sell，幾值得參觀嘅。

下一站係Nampan Market，這個市集並非專做遊客生意，大量本地人都幫襯，今日人山人海呀。

這邊賣遊客紀念品

另一邊係賣日用品和街市

緬甸油炸鬼

這些是檳榔

我買了個原莊玉石制成的小玉佛，開價Kyat 18,000，成交價Kyat 13,000。

街市見到的咸魚

好古怪的湖魚乾，劏開了兩邊見到魚春但又唔係太乾，唔怕發臭咩？

街市檔口把西瓜切粒後入袋，真係有老外買左幾袋食呀。

跟住下一站去了呢間廟Phaung Daw U Paya，入去要收 Kyat 500，所以在外面行個圈算了。

隻艇再到Floating Market附近一間做油紙傘的舖頭，可參觀整個人手做油紙傘的過程，由做紙開始，都幾有趣。

油紙傘舖頭住了4位長頸族人，兩個婆婆打工，加兩位可愛的小妹妹，聚居在泰國北部的長頸族人，原來部份到了茵萊湖打工生活，他們多聚居在Floating Market附近的商舖。

Floating Market附近有個不知名佛塔幾古舊，叫船伕放我們上去行了個圈。

每座佛塔內都有個佛像

好快又12:30，船伕帶到附近間餐廳食，剛好上層露台有位，環境好好。

茵萊湖魚(Kyat 3000) – 今次試湖魚，約8兩，唔好食。加碟白飯收了Kyat 500。

雜菜炒飯(Kyat 2000) – 普通。

上午行程豐富多嘢睇又唔太趕，對茵萊湖印象好好。

---待續---