台灣 森山行(1) – 森呼吸@阿里山

台灣 阿里山森林區

真係唔講唔知，在台灣大名鼎鼎嘅阿里山原來唔係一座山，亦從來冇人知阿里山的山頂在那裡，佢只係一個位於祝山一帶的森林區，所以我在出發前不斷找也找不到那裡是阿里山的山頂，從地圖只看見阿里山火車站、阿里山森林遊樂區、祝山山頂、玉山山頂等等. . . . . . . .

台灣‧森山行 – 序

剛從詩巴丹回來，今次只隔18日又要出發去台灣。由於太遲Book房和機票，只能買到貴機票，而且瑞里的民宿全部爆滿，問了廿幾間都冇房，只有住在奮起湖。

這次行程只有5天，仲係夜機去早機返，玩足三整日。今次旅程有8成時間落大雨，去了十多年旅行也未試過天氣這樣差，最重要的3小時登玉山頂也是最大雨的時候，黑到暈。。。。。。

Day 1 –     放工後乘港龍航空21:55班機，預計23:20到高雄。

Day 2 –     零晨步出高雄機場，Book了的士由高雄機場直片上阿里山，預計04:15前到阿里山火車站，乘04:30的火車上祝山睇日出，日出後遊阿里山森林遊樂區。

中午乘公車去奮起湖，行老街，夜觀螢火蟲。住奮起湖大飯店精緻日式VIP房。

Day 3 –     安樂醒之後行沿荒廢了的阿里山森林鐵路步行探險，中午行返奮起湖食飯，飯後再行奮起湖的森林棧道。15:00包了車從奮起湖去塔塔加，住塔塔加「東埔山莊」的床位。

Day 4 –     03:45起身，04:30從東埔山莊出發，攻上3952m玉山主峯，17:00前回到玉山登山口。Book了車從玉山登山口到嘉義高鐵站，再轉高鐵往高雄，夜遊六合夜市。住 康橋大飯店七賢館。

Day 5 – 早餐後乘11:25班機返香港

台灣‧森山行 – Day 1

返足全日工，放工後慢慢坐地鐵去機場。今日好大鑊，香港有黄雨，多班航機Delay了，心諗明早的阿里山日出凍過水。

香港機場禁區候機室The Travelers Lounge食免費晚餐，今晚幾豐富。

見整個機場地下坐滿了滯留的旅客，原本預了有排等，點知22:00已上到機，正開心趕得切坐明早的火車，那知隻機要等幾Group轉機的旅客，坐在機上一等就呆了兩粒半鐘. . . . .X媽义Z . . . .

台灣‧森山行 – Day 2

搞到零晨00:45終於起飛了，期間機師不斷恐嚇我哋，一時話要等齊轉機客至起機，一時話高雄機場要收工鳥，仲同果邊嘈緊，一時話自己排第一等起飛，轉個頭又話排緊第10，真係. . . . .X媽义Z . . . . 佢亞爺

<<高雄>>

飛機於01:55到高雄機場，我只用20min便跑了出境，好彩Book了的車機仍在等我，架車準時02:15從高雄機場直開往阿里山。期間仍不斷落雨，司機話近排都係咁，慘了。。。。。

高雄機場開往阿里山的4人車，車費NT5000。

<<阿里山>>

租車公司原先預要4~4.5hr車程，但司機大佬非常神勇，只用了2hr45min，晨早 05:00就片到上阿里山，可惜上祝山觀日出的小火車已開走了。。。。

剛巧7-11旁有架van仔載人去「新中橫公路」旁睇日出，每位收NT200，我和小太熊便上車碰碰運。山上温度只有10℃左右，好彩剛好停了雨。

Van仔駛到 新中橫公路旁，妖，一舊舊大雲，看了一個沒有太陽和雲海的 阿里山日出。

沒有太陽和雲海的 阿里山日出

睇完日出返阿里山站咐近的「星光餐廳」食自助早餐，老闆很好人，比我們把大背囊寄存在餐廳一個朝早。

星光餐廳 – 自助早餐有白粥、豆槳、肉鬆、咸籮白等等，每位NT 70，味道OK嘅。

食完早餐在阿里山森林區四圍行吓，但又開始落雨了，而且雨勢不斷加大，討厭極了。。。。。

首先沿祝山觀日步道行上祝山頂，從阿里山站起步慢慢行都要個半鐘才到頂。

沼平站旁的祝山觀日步道起點

沿觀日步道行入森林區，好多杉樹，非常青綠，環境好好，可惜落雨。

上到舊的 祝山觀日平台了，原來已因坍山泥封左，現在要往新的眺望台睇。

舊的祝山觀日平台望出去，一片烏雲，見唔到玉山。

再行10min到新的眺望台，情況完全冇變，慘慘。

死死氣行返落山，遇見第一班從阿里山站開往沼平站的小火車。

沼平站旁的旅店

當時約09:30，上千人的旅行團剎到了(當日星期六，超多Local團，加埋五一大陸團，人數之多係我十多年去旅行前所未見，非常可怕)，把優美的綠色自然環景完全破壞，冇晒mood。

非常困難才影到幾張冇人嘅森林相

阿里山森林遊樂區 – 姊妹潭

阿里山森林遊樂區 – 四姊妹樹

阿里山森林遊樂區 – 永結同心樹

可惜永結同心樹變了地盤，樹前正建一個鐵台，供人在樹前影相. . . . .

金豬報喜樹

受鎮宮旁的小食亭，燒豬肉紙非常正。

阿里山特產 – 山葵

神木站旁的吊橋

由於越來越大雨，有遮都濕晒，冇乜心機再行，早些去「神木站」坐小火車返阿里山站。

阿里山森林鐵路 – 神木站

小火車每30min一班，勁多人。

往阿里山站只需5min車程

話咁快就到阿里山站，雨勢完全冇減弱的積像，慘. . . . . . .

唯有去食午餐先，幫襯這間「玉山園餐廳」。

山葵豆腐(NT120) – 山葵夠新鮮攻鼻，豆腐夠香但唔滑。

清蒸鱸魚(NT350) – 普通淡水養魚味，但唔係好新鮮，腥腥哋，一定冇下次幫襯。

食完呢餐飯立即坐公車60min落返奮起湖，計劃今晚睇螢火蟲，但酒店話17:00前不停雨就冇得睇，依家13:00雨卻越來越勁，頂 >___<

補充資料 :

1.    港龍香港來回高雄機票(連所有附加費及稅)每位HK$ 2756，買貴左。

2.    HK$ 1兌NT 3.7

3.    高雄機場直去阿里山火車站，的士包車(可坐4人)每程NT 5000，零晨車程只需2hr45min，可用e-nail預訂，網址www.hellocar.com.tw。

4.    阿里山森林遊樂區入場費每位NT 200。

5.    由阿里山火車站開往祝山山頂觀日出的小火車每日只開晨早一至二班，時間按日出時間而變，我去當日開04:20和04:30兩班。

6.    現時整段阿里山森林鐵路仍在維修中，只有阿里山站、神木站、沼平站和祝山站開放。阿里山站來往神木站和沼平站半粒鐘一班車，車程唔駛10分鐘。

7.    徐祝山山頂可觀日出外，可選擇跟Local車去“新中橫公路”旁睇日出，和祝山山頂差不多，每位來回收NT 200。

8.    由阿里山去奮起湖的公車班次勁疏，只在星期六、日的13:10有一班車從阿里山的7-11旁開出，車程足一粒鐘。

9.    在阿里山附近包車可call當地居民朱先生(972969663)，問過幾個報價，佢報價最平。

---待續---