泰有新意 曼谷(2) – Bangkok Tree House

Bangkok Tree House全酒店唯一的一間View with a Room，住在這裡可以和大自然睡在一起。

Bangkok Tree House係近年開業的環保酒店，位處曼谷市的鄉郊地帶，須要坐的士再駁一程船才到達。酒店附近只有農田、眉南河支流和一個市場。我就幾鍾意呢間酒店，但小太熊就嘛嘛吔。

泰有新意 曼谷 – Day 2

繼續上一篇Day 2行程。

16:30到Bangkok Tree House了，行入Reception……冇staff嘅？而且有種荒廢了的感覺，一地樹葉，似好日都冇人經過……唔通摺埋咗？？？？但最近至Full Paid架喎。

Bangkok Tree House Reception

等了一陣，原來個staff去了攞Welcome Drink比我吔飲。

Welcome Drink – 係香草荼，酸酸吔好好味的。

飲完嘢，職員帶我們攞房去了。今次訂了全酒店唯一間View with a Room， 呢間房冇水冇電冇厠所冇瓦遮頭，有的只係陽光、空氣、鳥語、農田氣味、行雷閃電、雨水、彩霞、星光、雀烏和……蚊，仲有從河上傳來的摩打聲，真係唔係人人頂得順。

Bangkok Tree House – View with a Room(每一晚房連早餐Baht 7000)

房間分兩層，但下層乜都冇嘅，上層就有一間飯廳、一間睡房和一個露台。

呢個係飯廳，夠接近大自然呢。

呢間係睡房，瞓覺時可望住滿天星架。可惜當晚好少星星，而且剛入黑的一小時勁多蚊，好彩其餘時間就唔多。

睇完間房後個個都會問，玩嘢咩？落雨點算呀？點沖涼呀？買大開小呢？行李放响邊呀？當然冇問題啦，因為訂呢間房，酒店會同時送一間設備齊全嘅Tree-top Nest比你。

Tree-top Nest (連早餐)每晚Baht 6000 – 樓高三層的獨立屋，如果訂View with a Room就免費咐送。

Tree-top Nest用石仔數量來做房號，這間是8號房。

Tree-top Nest G/F – 有户外浴室

Tree-top Nest G/F – 廁所、大廳

每房送兩個椰青，又凍又甜的。

G/F上1/F的樓梯

從樓梯上到1/F，轉右就係睡房。

全屋只有睡房有冷氣，外面係大露台。

2/F大露台上3/F的樓梯

3/F係曬太陽的好地方，但曼谷太熱了，跟本冇人會上來玩。

沖個涼嘆陣泠氣，返去View with a Room等日落和食晚飯了。

今日雖然多雲，但個日落彩霞好靚。

入黑後啲蚊突然走晒出來，比佢地咬咗幾十啖，好彩唔係毒蚊。今晚會响自已飯廳食三道菜In-Room Set Dinner，每位收Baht 539。

頭盆 芒果蝦沙律 – 酸酸甜甜幾好味的

頭盆 木瓜海鮮沙律 – 幾特別，但都好辣。

主菜 酸甜蝦飯 – OK

主菜 黃架喱魚飯 – 好重老薑汁，好辣。

甜品 芒果糯米飯+朱古力香蕉 – 全餐飯最好食。加送的波蘿片味道好古怪。

在月光下晚飯幾好情調架。但不時從河上傳來摩打聲。

食飽飯我跳了上床瞓覺，但小太熊話太熱頂唔順，要去冷氣房嘆喎，仲話今晚叫我自己响度瞓，佢返冷氣房先。。。。。。小太熊真係走咗去唔理我呀！！！我唯有一支公嘆晒間房啦，瞓吓瞓吓. . . 小太熊又走返過來，叫我過埋去喎。就咁樣，冇响呢間房瞓了，走返過去Tree-top Nest嘆泠氣。

泰有新意 曼谷 – Day 3

今朝08:00出河伴餐廳食早餐。

早餐餐茶 冰凍甜椰青

早餐餐茶 香草茶 – 好飲的

鮮果盆、麵包和果汁

雀巢蛋 – 味道好古怪

煎蛋 – 用牛油煎，好Heavy。

食完早餐，行過去Floating Market逛一陣。名就叫Floating Market，其實只係陸上市場。

賣啲嘢都好平民好平價，今朝飲的花茶只係Baht 20一包。

木制品有Baht 10交易。

復活咸蛋？？？？

呢種果汁第一次見，我想試吓，但小太熊又唔準囉。

原來呢種果實叫“木鱉果(Gac Fruit)”，維基百科話 – 木鱉果性溫、味苦微甘，有毒，功能消腫、攻毒，主治癰瘡、腫毒、痔瘡等症。

市場賣啲嘢都幾地道，因為其實冇遊客的，全部本地人幫襯。

呢檔嘢幫人拉根，好攪鬼。

行完Floating Market，返房休息一陣，11:00 Check-out。坐船過對面岸便，截第一架的士已肯用咪錶，又唔塞車，只用30min便到全曼谷最高的酒店The Baiyoke Sky Hotel了。

補充資料 :

1.        Bangkok Tree House建於農田附近，有蚊，唔係人人啱住。河上經常傳來摩打聲，好剎風景。酒店附近其實冇乜嘢行，所以住一晚乜都夠。

2.        從Bangkok Tree House行去Floating Market要17min。

3.        從Bangkok Tree House對岸碼頭乘的士去全曼谷最高的酒店The Baiyoke Sky Hotel，咪錶車費Baht 127加公路費Baht 45。

---待續---