伊甸園 塞舌爾(完) – Mahe Island極度深潛

塞舌爾Mahe Island極深潛點 – 40m深的沉船

Mahe Island係塞舌爾第一大島，旅客必經的地方。今次旅程在Mahe住了3晚，除了第一日試住Banyan Tree外，餘下2晚都住在Berjaya Beau Vallon Bay Resort，在附近潛了3次水。總結這次行程，算係試盡了塞舌爾的高、中、低價酒店，去過了最出名及最靚的沙灘，騎過巨龜，踩過單車，行過山，潛過水，和小海龜Snorkelling過，算係見識過塞舌爾的大部份了，只欠威廉王子的North Island，下次啦，等我中了六合彩頭獎，一定去住返1晚體驗吓。

伊甸園 塞舌爾 – Day 9

<<Mahe Island>>

昨晚大雨下不停，今早起身好少少了，至少停了雨。

07:30去餐廳食早餐，冇乜人，個個都未瞓醒。

自助早餐極普通，仲好，唔駛咁博命。

出發前，小太熊用e-mail Book了Big Blue Divers今日潛水，Big Blue Divers亦confirm了今早08:30在Berjaya大堂接我地去Dive Shop。點知，由08:20開始等. . . 等. . . . 等. . . . 到08:50，唔掂喎，Big Blue Divers在e-mail話會09:00出船的，乜放飛機咁很衰格架。

冇辦法，只好立即去Berjaya Resort內的Dive Shop “Underwater Dive Seychelles” 報名今日潛水，點知佢全日都冇位了，點算好？？我因為周身傷，心口又痛，潛水意慾不大，本想在酒店休息埋Last 1日就算，但擇善固執、永不放棄的小太熊就唔同了，佢話一定要盡力試，自己飛的去Big Blue Divers啦。Big Blue Divers離Berjaya Resort只2km，酒店門口的士又發狼，叫價SCR100~~~~比你啦，吸血鬼。

Big Blue Divers – 09:10去到Dive Shop門口了，一間細細的Dive Shop，網上口碑唔錯，但我覺得佢絕頂差勁。

入去Counter問個Staff，見到佢本大簿有Record我地個名，亦有寫08:30 – Berjaya Resort接我地，但. . . . . . 司機放飛機囉。

好彩其他客未到仲未出船，我地比了3個Dives的價錢 (2人共€336)，揀好Equipment等出發。

原來係個司機只係遲大到，Me Me Mor Mor地接緊其他客，09:40終於接齊其餘3個客了，頂，遲成個鐘都得？？？有個芬蘭後生仔頂佢唔順，一早自己Walk了過來，加埋我地得6個潛客，卻攪到10:30才出到船，效率超劣。

10:30終於上到小駁船了

今日Book了3潛，潛點都係酒店對出海面。

估唔到第一潛就係極度深潛，潛一艘40m深的沉船。一行6人，由一個黑妹Dive Master帶隊。今日水底超濁，視野之差比得上香港。

很快潛到船面約37m深的甲板位置

艘船都好大，非常多魚在船內外居住，感覺極神秘。

潛到約40m見到條大鯧魚

正想繼續環繞艘船潛一個圈，卻聽到……丁丁丁丁……原來黑妹話要上水了，唔係吓話，艘船咁正，未夠10min就上水？？玩嘢咩！！！個個心裡都在魚蝦蟹，但都安全第一，聽聽話話跟住做Safety Stop上水。

上水後，芬蘭後生仔疑問個黑妹因乜义事咁Q快上水，黑妹就辦稱有人的Depressure Time唔夠，所以要立即上水，芬蘭後生仔除即問晒我地6個的電腦錶，我地個個都冇唔夠Depressure Time，曉. . . . . 黑妹唔知玩乜春，博唔撈咁。這次是我118潛中時間最短的一次，由潛下至上水面只有25min。

上水後，天氣急轉壞，狂風瀑雨，好凍，冷到震果隻。有2位團友決定唔潛了，白饋1個Dive比潛水店算了。我地同芬蘭後生仔和一住單支日本妹決定繼續，Go Go Go……

我再穿好BCD落水，點知佢地個個沉晒落水底後，我卻沉極都沉唔落水底，Why？？？？潛了十幾年百幾次都未試過。

屌，原來我件BCD內的4kg鉛塊被唔知係黑妹定係佢啲伙記攞了出來冇放返入去，我發現後立即游返去隻船邊叫兩條粉腸放返4kg Weight入我套BCD內，當時海面已起白頭浪，浪約1m高，我浮吓沉吓極辛苦，條粉腸求戀其放了2kg入BCD左邊個袋，右面未有Weight就話OK OK，我就比海浪打到on99都唔知佢放了咩入BCD度，聽到OK便再嘗試下沉。

好逸强沉下了，但好浮吓，而且重心永遠側向左邊，我發現已太遲了，唯有頂硬上潛埋佢。今次下潛的視野更差，唔夠3m，比香港水底還衰少少，是我潛了119次水最差的一次。

全程冇嘢睇，只見到幾條魚仔。

潛定Round 2返到潛水店已14:00了。日本妹決定唔再潛了，只剩下我兩和芬蘭後生仔作第三潛，出海前在潛水店食個飯盒先。

午餐飯盒 烤雞飯(SCR35) – 又凍又餓之下覺得好好味。

15:30再出海，但雨勢越來越大，海面的浪越來越兇，最高有成1.5m高，勁過海盜船，眼見其他Dive Shop都Cancel了第三潛唔再出船，但黑妹話冇問題，照出。

落到水面，真係好很大浪架，乜咁都潛得水架咩。

黑妹當我地三個冇到，只大聲說We go down。

芬蘭後生仔樂觀地說，話當係體驗吓惡劣的環境啦…..Enjoy it！！

潛落水底，仲衰過今朝，直情乜都冇，黑妹只管向前游游游，游足40min。

乜都冇睇便上水了，浪仍然異常大。

小太熊大叫 :「好辛苦呀」

上水後黑妹吹了聲口哨，但隻船完全冇反應，分明聲唔到啦。但黑妹冇再進一步動作，只隨大浪on99浮浮沉沉，等了10min我反晒胃隻船都係完全冇反應。你班塞舌爾PK攪乜春呀，想我地冇命嗎？我於是大力揮手，我一揮手，船員便駛船過來了，真想X媽义個賤黑妹！！

這次潛水是我120潛之中天氣最差、最大浪、最大雨、水最濁、最冇嘢睇、最凍和最危險的一次，而且黑妹Dive Master三次下潛都完全冇揾嘢比人睇，零Service，差劣到極點。

Big Blue Divers呢間Shop，司機放飛機，Dive Master不理人客安全，我比佢10個劣，完全不值得幫襯。

返到酒店沖個熱水涼都19:00了，雨終於停止，天亦黑了。

Berjaya Resort泳池夜景

晚飯沿Resort外沙灘轉右行出去食，行約1km便出到大馬路，這餐廳位於另一餐廳Boat House旁。

今晚和另外兩個今日的潛水團友食，試多兩味。

是日燒魚Grilled Fish of the Day(SCR230) – 魚夠鮮甜，薯條好食，呢味正。

咖哩雞飯(SCR200) – 雞肉勁鞋加冇味，咖哩唔得，劣。

Crab with Ginger(SCR460) – 貴嘢，味似葡汁炒蟹，味道幾好，蟹肉亦甜，只係蟹太細肉太少。

咖哩羊薯條(SCR260) – 羊冇羊味，咖哩一樣唔得，只有薯條好食，差。

今日潛完水後，胸骨痛了好多，傷勢好傷惡化了。

伊甸園 塞舌爾 – Day 10

今日難得可以瞓到安樂醒，因為冇安排節目嘛。

今天一早就藍天白雲，酒店門口好靚呀。

小太熊原本買這些細房的，但到埗時Full晒，Resort upgrade了我地住園境大房。

又係自助早餐，OK啦。

冇咩做，沿Resort外的沙灘Baie Beau Vallon行吓。

買了個黃色的椰青(SCR35)，很清甜的。

呢個瓜叫Bread Fruit(麵包果)，話係塞舌爾特色食品，果實澱粉含量豐富，通常以烘、蒸、炸等方法料理，煮後味道與麵包和馬鈴薯相似。但我冇機會試了。

路邊BBQ，等退休後下次來住上三五七日先再試啦。

返Resort游水曬太陽，但胸口見痛啊！

約11:30先Check out，再沿沙灘行多一轉。

Resort放了沙灘椅，開始人多了。

行程最後半日，藍天白雲出來歡送我啊！

12:00行到今次最後目標 – La Plage Restaurant，在這裡Lunch。

素菜意式千層麵Homemade Vegetarian Lasagne (SCR250) – 好好味的一道意大利菜。

烤海鮮盆Mixed Grilled Fish(SCR420) – 海鮮新鮮好味，Sparkling Wine送的，第一天入境時在機場攞的資料附有Coupon。

約了司機13:30車我去機場，收SCR400，司機準時到，20min便到機場。

15:40準時上機. . . . . . 走了

飛往Abu Dhabi的一程飛機冇乜客，可以一人霸4個位瞓。

約20:00飛到阿布札比了，又去機場候機室Al Dhabi Lounge吃個免費晚飯。

今晚的中東菜、甜品和水果全部都好好食，是候機室少有的高水準。

21:40又起飛了，直飛香港。

 伊甸園 塞舌爾 – Day 11(完)

早上09:30準時返到香港，下午又要返工了，慘情. . . . . . .

補充資料 :

1.        潛水店“Big Blue Divers”每日出3潛，佢話通常早上09:00出船2潛，下午14:00出船1潛。每一潛收€50，另租Full Set Equipment每日計€18。可用e-mail預約，出船前比錢。但“Big Blue Divers” 的員工態度散慢服務差劣，唔好幫襯佢。

2.        由Berjaya Beau Vallon Bay Resort乘的士去機場約11km，車費SCR400，車程約20min。司機叫George，電話2567276，可致電預約，有價講。

-----伊甸園 塞舌爾(Seychelles)(完)-----