寫意遊踪 意大利(完) – 沒有羅馬的 意大利

米蘭火車站Stazione Centrale

今次選擇到 意大利，全因為一張平價的單程國泰頭等回程機票。和小太熊兩個人一起儲了四年里數，再每人用USD 240買下不足的里數，終於換到兩張國泰頭等 意大利飛香港的機票了。所以最後一日亦是行程最重要的一日。

小太熊今次第一次去 意大利，去了一個沒有羅馬、威尼斯、比薩鈄塔、佛羅倫斯的意大利，人地問佢去意大利邊處，佢答極都答唔出。不論如何，這次旅程總算無風無險，天氣唔錯，行程亦比Plan好的更豐富。

寫意遊踪 意大利 – Day 11

早上在酒店食完早餐，便乘巴士往機場 Check-in。世界變了，頭等的check-in counter居然排了一個人，但隔離商務條隊就冇人，職員招呼了我去商務 counter攞登機証，話唔駛等喎，第一 round 便要 down grade 做商務客，真唔高興。

拿到登機証了，是 1A座位，可以做一日懵太呀。。。。。

國泰在米籣機場沒有專用候機室，只能借用 英航的候機室，但裡面人山人海，食物種類又不太多，英航的候機室並非頭等專用候機室。

英航在米籣機場的 候機室

可能只有香港才有國泰自己的頭等專用候機室了，幾年前試過一次，以後去所有候機室都再比不上了。

早點上機嘆耐D，現在的國泰頭等座位比 4年前更濶更舒適，一個頭等座位坐三個人都唔覺好迫。

伸直對腳後和對面仍有大段距離

剛上機即送來一套全新“上海灘”睡衣和日用品

再送來一杯法國香檳，貴嘢真係比平時飲開的 Sparkling Wine 正好多。

又 order 了玫瑰酒和 果汁雜飲

開飯了................

午餐頭盆 – 煙三文魚伴魚子醬配紅酒(好味，但比起四年前的頂級味道差好多。)

忌廉湯很普通

水牛芝士沙律，味道只係一般。

主菜 – 煎魚伴大蝦，麻麻地咋。

主菜 – 煎牛扒，煎到十成熟，又冇牛味，好似把經濟位的餐盒用碟上一樣，發神經，劣。。。。。。

甜品 – 雪糕伴Pancake，又係唔掂，國泰攪乜鬼呀。。。

甜品 – 紅豆沙，餐飯最正這碗糖水

中國綠茶加朱古力

估唔到餐飯的質素會如此差，四年前那頭等餐非常美味啊，，國泰點收人HK$40000一程呀。。。用錢買就笨囉。

終於影到冇機翼的雲海了

話咁快又天黑，時間過得真快。

瞓了四個鐘便醒了，來一碗燒鴨湯麵，OK啦。

食完麵睇吓戲，聽吓歌，時間過得好快。

寫意遊踪 意大利 – Day 12(完)

昨晚半睡半醒，很快又天光了。

頭等早餐，有齊一般早餐有的食物。

帶子蝦球粥，帶子和蝦鮮甜，粥底又夠綿，正。

很快便過了 11小時，嘆完頭等了，唔知以後仲有冇機會呢……

到達香港後，可到 二號大樓(Terminal 2) G/F的「賞心堂」沖個涼，食D嘢。但「賞心堂」又係人山人海，食物種類少得可憐，和國泰在機場禁區內的頭等專用候機室完全冇得比較。

沖完涼立即乘的士趕返工，冇遲到呀。。。

做足一日後，返到屋企還趕得切睇日落。

又玩完 12日，唔駛返工就好了。。。。

 

～寫意遊踪 意大利 (完) ～