再別 • 檳城(完) – 食盡檳城Geroge Town

檳城的世界文化遺產 – 喬治城(George Town)

2000年到過檳城的喬治城(George Town)，那時的 George Town只係普通舊城一個，破破舊舊，到那裡也只為想找餐地道大排檔嘢試一試；今次來卻已變成了世界文化遺產，非到不可，現在舊城內仍不停地復修，相信兩年後再來完必比今天更好。今天拿着幾份過期雜誌資料到 George Town，誓要試盡這裡的小食。

再別‧檳城 – Day 2

繼續上一篇的Day 2行程。的士載我返回George Town的Jin Selamat，榴槤果園老細介紹必食的「興發茶室」炒貴刁。

位於George Town Jin Selamat的 興發茶室

沙梨酸梅冰(右)(RM 2.2)；金桔酸梅冰(左)(RM 2.2) – 味道勁正

煎蠔餅(RM 8) – 細細碟，但D蠔又肥又滑，正到暈。

鮮蝦炒粿條(RM 9.5) – 即係炒貴刁，細細碟，鑊氣十足，蝦肉鮮甜中帶少許爽口，味道極佳，上上之選，每人最少要一碟至夠。

食完」興發茶室」沿Jin Selamat右轉入Jin Burmah向前行400m，再過天橋左轉到Jin Penang，行半分鍾再轉入Lebuh Keng Kwee，食 亞參叻沙。

這間舖沒有名，位於“27 Lebuh Keng Kwee”一座文化遺產的地下，只賣一味 亞參叻沙，嘢飲都冇。

只有幾張枱，但人山人海，流轉極快。

亞參叻沙(RM 2.3) – 冇乜餸，但湯底鮮甜足夠，有沙甸魚和蝦頭膏的鮮甜，又係必試好嘢。。。。

同一條街過兩間舖，便是出名的 愉園茶室。

愉園茶室十足十40年前香港的冰室

椰青(RM 4) – 普普通通；亞參叻沙(RM 2.5) – 味道和前一碗似足 95%。

檳城最高的大廈Komtar

食完嘢約17:00行返今日的酒店Check-in，今日往好嘢，全檳城最有歴史價值的名酒店Eastern & Oriental Hotel。她原是 19世紀殖民時代的大旅館，經營者後期再到新加坡創辦 萊佛士酒店(Raffles Hotel)。Lonely Planet說 :「如果你沒有在這旅館的大草坪上吃頓餐的話，檳城之行就算不上圓滿。」既然現在有銀用，就豪住他媽的一晚來個更圓滿的檳城3天旅程。

Eastern & Oriental Hotel (E&O)

Check-in後即時趕去泳池游水加嘆夕陽黃昏，泳池環境很好，但不及新加坡Fullerton Hotel的泳池。

Eastern & Oriental Hotel泳池

雙人海景露台房(連早餐)每晚HK$2500

在酒店嘆了3個鐘，坐的士(RM 15)到新關仔角大排檔食嘢，約3km路程。

新關仔角大排檔 – 人山人海，勁難揾位。

小食種類乜都有，但小太熊乜都睇唔上眼。。。

試了這檔 斑蘭餅，普通到暈。

我再試 蝦醬豬腸粉(RM 2.4)，我覺得幾好味，但小太熊開始不滿，大鑊。。。。

蝦醬豬腸粉(RM 2.4) – 幾滑幾好味

小太熊嫌大排檔D野唔好味，唯有過隔離海邊間「東方海鮮樓」再食。

檳城新關仔角 – 東方海鮮樓

游水海鮮貴香港好多，約8兩重的瀨尿蝦要RM 18~100g，澳洲龍蝦要RM 46~100g，青斑都要RM 11~100g，實在叫唔落。最後發現了一千零一條 蘇眉，賣RM 46~100g，價錢只係香港的 一半，雖然貴，但多年冇食了，決定豪一次啦。。。。一磅之下，大鑊，成1.1kg，肉都赤。

一千零一條 蘇眉(RM 46~100g)

清蒸蘇眉(RM 508) – 蒸過了火，肉質不及以前吃到的蘇眉，魚味比以前淡，蘇眉獨有的魚味亦吃不到，豉油味太濃，妖。。。。。一句到尾，以後也不再吃蘇眉了，貴得來質素冇保證，食西貢漁艇買的 海石蚌好食過佢幾倍。

炒飯(RM 5) – 味OK喎。

鮮蠔仔伊麵(RM 5) – 抵食又好味。

失敗的一餐，蘇眉又貴又唔好味，破壞了完美的檳城之旅。

再別‧檳城 – Day 3(完)

晨早起身拿着份舊“飲食男女”， 寫着話Jalan Perak有間「全香茶室」的福建麵正到暈，便在酒店上了架的士叫佢車我去，開價RM 20，約4km遠。點知架的士行完條Jalan Perak都找不到 全香茶室，可能 飲食男女老點(記者耐唔中攪錯地址)，又可能摺埋咗，司機問人都話唔識 全香茶室，最後司機車了我到附近一間食福建麵的地方，佢話佢個Fan都帶佢去這間食喎。

馬拉的士司機介紹的 福建麵店，位於Jalan Perak 126號。

福建蝦麵(RM 3.5) – 果然正到暈，湯底帶有鮮甜的蝦頭鮮味，又濃又鮮，聽講話個湯底係用蝦頭和豬骨熬足三個鍾的真材實料，實在超值，不枉此行。

食完 福建蝦麵非常滿足，小太熊都開心返。可惜截唔到的士走，在馬路旁行了20min才截到的士去附近的「多春茶室」，只剩下1km的距離都要開我價RM 15，正人狼。。。最後成交都要RM 10。

多春茶室 – 原來逢星期日休息，可惜呀，昨天都經過但冇食到呀。

試不到這個60歲大鐵炭爐烤出來的極品 加央多士了。

行返E&O餐廳「1885」食自助早餐，今日天氣悶熱，所以坐室內食，餐廳都幾懷舊feel。

有鮮果汁即叫即制

生果夠新鮮，好過昨天 熱帶果園多多。

食完早餐要退房了，到附近Jin Kuala Kangsar行早市。

唔知係比小太熊激親還是天口太熱，行快幾步心口便覺得頂住行唔郁，要立即放返慢脚步，我話比小太熊知叫佢唔好不斷激我，不過佢冇理我繼續激，仲話我如果錫佢就應該就晒佢添。

行完早市，到Jin Macalister孫中山紀念館旁的「榴槤德」開餐。榴槤德 的榴槤在檳城都幾出名，11:00開舖後後不斷有客堂食和外賣，榴槤種類比榴槤果園見到的更多，而且很多都是即日鮮，比得上榴槤果園吃到的。

檳城Jin Macalister – 榴槤德

老細介紹了今日最正的 貓山王，RM 30一個約有2kg，平到笑，即開即食。

榴槤 貓山王(RM 30~2kg) – 比上次在 新加坡吃到的更新鮮好味，外皮夠乾身，榴槤肉黏喉中帶點甘苦味，少甜，雖然新鮮度不及昨天在果園吃的，但味道絕對比得上，唔試就笨。

食完個貓山王雖然已好飽，但仍努力試多一個。老細再介紹我食多一個叫「豬油膏」的榴槤。

榴槤 豬油膏(RM 25~2kg) – 果肉純白，一吃之下更見驚喜，那種口感、甘苦的層次、奶油的香味帶點微甜，是我吃過最好食的榴槤，榴槤德果然好介紹。

食完 榴槤開始落大雨，租了架三輪車一個鐘遊George Town。

George Town復修後的古建築

遊完三輪車，夠鍾坐的士返機場，乘16:25飛機返香港。又再離開檳城，不知何年再有機會回來了。。。。。。

補充資料 :

1.    三輪車每小時RM 30。

2.    榴槤德11:00開舖，食榴槤有樽裝水送。

-----再別‧檳城(完)-----