再別 • 檳城(2) – 榴槤忘返 寶盛園(Bao Sheng Durian Farm)

檳城 寶盛園的榴槤樹上掛滿已熟的榴槤，隨時從天而降，小心小心…

寶盛園(Bao Sheng Durian Farm)位於檳城的榴槤山，在熱帶果園Tropical Fruit Farm附近，從George Town出發約30km，成粒鍾車。寶盛園內有百多棵榴槤樹，7成超過25歲，每年五、六月是盛產榴槤的高峰期，是味道最好的季節，每日有幾百個榴槤從樹上掉下來。現在七月尾是季尾了，剛好趕得及吃40年老樹上熟的「紅蝦(Red Prawn)」和「葫蘆(Hor Lor)」，過幾日都冇得食了。

再別‧檳城 – Day 2

繼續上一篇的Day 2行程。在張弼士故居附近的車站包了架的士在檳城半日遊，第一站去榴槤果園 – 寶盛園，約11:00到達。

檳城榴槤果園 – 寶盛園

旺季時這裡人山人海，今日只有我和小太熊。

首先自已行進園內參觀，由於係季尾，發現大部份樹上都冇榴槤了，只剩下幾棵仍掛滿榴槤。榴槤樹下都織了繩網，接着從天而降的 榴星錘。

這是園內唯一仍有大量榴槤掛着的老樹

園內亦有大量紅毛丹樹

今日早上08:00左右掉下來的榴槤，濃香樸鼻。

要即場嗅一嗅這新鮮榴槤，分別一吓新鮮榴槤和“偶”熟榴槤的分別。

全是今早跌落的榴槤，只有約40個，花多眼亂，都係分唔到，只好請老細親自出手，棟兩個全場最正的榴槤出來。

老細真係逐個榴槤搖一搖聽一聽再嗅一嗅，一邊揀一邊講解，最後揀了兩個全場最靚的貨式，40年樹上熟的 紅蝦(Red Prawn)和 葫蘆(Hor Lor)。

紅蝦(右)(1.4kg ~ RM 56)；葫蘆(左)(1.6kg ~ RM 48)

紅蝦的味道比葫蘆更純，所以老細叫我先食葫蘆，佢即場開了這個極品葫蘆榴槤，果然槤香樸鼻，非比尋常。

葫蘆榴槤(RM 48) – 大核，D書話「葫蘆榴槤」有酒香和朱古力味，我真係食唔到有。但冇所謂，因為那種外皮乾爽內肉黏喉的新鮮口感是從未感受過的，而且那種帶輕微甘苦又不太甜的濃烈果味確係極品，大口咬下再慢慢細味，齒甲留香，千里而來也是值得的。

紅蝦榴槤(RM 56) – 飲食男女 和 美女廚神KIT都話「紅蝦榴槤」帶有點蝦膏味，原來2個都係講大話，佢吔根本未食過紅蝦。這個 紅蝦比剛才的 葫蘆更黏喉和濃味，濃味中帶有強烈的鮮花香味，勢估不到食榴槤可以食到如此境界，實在不枉此行呀。。。。。

用個幾鍾食完這兩個極品已很飽了，期間邊吃邊聽老細講很多榴槤的品種和故事，獲益良多。

食完榴槤，上的士到附近的 熱帶果園(Tropical Fruit Farm)遊一遊。

熱帶果園(Tropical Fruit Farm)小賣部

進入 熱帶果園參觀每位要RM 28入場費，包一餐水果自助餐和一杯果汁，感覺唔係好值。

熱帶果園內有大量不知名的水果，水果自助餐亦冇供應。

熱帶果園(Tropical Fruit Farm) – 櫻桃

熱帶果園(Tropical Fruit Farm) – 榴槤樹

熱帶果園(Tropical Fruit Farm) – 番鬼荔枝

熱帶果園(Tropical Fruit Farm) – 酸酸甜甜的 黃皮

熱帶果園(Tropical Fruit Farm) – 椰青

熱帶果園(Tropical Fruit Farm) – 橙樹

熱帶果園(Tropical Fruit Farm) – 紅毛丹

熱帶果園(Tropical Fruit Farm) – 石榴

熱帶果園(Tropical Fruit Farm) – 果后 山竹

熱帶果園(Tropical Fruit Farm) – 大樹菠籮

二十分鍾便行完果園，然後係 水果自助餐。

D水果唔係好掂，不吃也不可惜。

結論係 熱帶果園(Tropical Fruit Farm)去唔去都罷。

上的士再沿途停車看一看檳城的景點，其實都好流，去唔去都罷，只係見仲有時間剩。

檳城海灘區Batu Ferringhi ～ 流到嘔

檳城 ～ 水上清真寺

回到George Town剛好5hr，我比RM 175 (講好了RM 35~1hr)個馬拉司機，佢居然過回RM 25給我，上車時我叫佢收RM 30~1hr佢又唔肯，真係有性格。

補充資料 :

1.    喜歡榴槤的朋友，實在值得為了試一試新鮮的榴槤而到檳城。

2.    熱帶果園(Tropical Fruit Farm)好唔掂，又貴又冇料，返酒店好過。

---待續---