九州 鐵道行(4) – 九州五星級移動餐廳“Orange Restaurant(おれんじ食堂)”

九州五星級移動餐廳 – Orange Restaurant(おれんじ食堂)

Orange Restaurant(おれんじ食堂)是一列觀光火車餐廳，行走於熊本縣與鹿兒島縣之間沿海風景最佳的肥薩橙鐵道線，每日開出3班車分別供應早、午及下午茶三餐，全車只有2卡車廂，限定最多43人，服務Number One。能登上這列車享用一頓豐富的早餐，令這次環遊九州鐵道行之旅更加完美。

九州 鐵道行 – Day 4

今早會去吃一份極盡豪華的五星級火車早餐，就係2013年4月才通車的Orange Restaurant(おれんじ食堂)。想吃這一餐必須要電話預約，但又唔識講日文點算好呢？好彩有Visa白金卡的免費預訂服務，幫我用電話Book好今天的早餐和最佳座位，第一次感覺到一卡傍身，世界通行。

今朝07:00起身執行李check out，行15min到鹿兒島中央駅Lock好大行李(￥500)，乘08:03 – 08:27的JR指定席往 出水。

新幹線JR特急往 出水，只需24min。

<<出水>>

話咁快去到出水駅，行過一條天橋便到 肥蕯線出水站，Orange Restaurant(おれんじ食堂) 的侯車室便在這裡。

肥蕯線出水站Orange Restaurant(おれんじ食堂) 的侯車室

職員收了錢之後便派車票，08:45開始上車。今日早餐這班車只有7位客人，非常清靜，早餐時間係由08:52開車至10:30到川內為止。這餐早餐雖然每人要￥10000，但咁少客，我哋有賺啦。

上車便見到Orange Restaurant(おれんじ食堂) 的招牌，好開心架。

第1卡的座位設計麻麻哋，所以較少人選擇。

水吧亦係設响第1卡內。

我和小太熊Book了第2卡的對望窗口位，可沿途欣賞海景。

拿着像Passport的車票上車後，職員先送上每人一支水。

今日的早餐Menu，都好多嘢食。

開車後，立即送上飲品和第1道菜 雞蛋厚Pancake，大大件每人2件，食完都飽lur。

<<阿久根>>

啱啱食完架車便到這 阿久根駅，列車會在這站停20min比我哋7個客落車參觀，車站仲送我們每人一份小禮物。

阿久根駅 – 專為招待Orange號列車而重新設計翻新的車站。

車站大堂設計古典雅緻，櫃位職員向我們每個派了包小食。

阿久根駅送的小食係當哋名物黑酢燒魚仔，啲貓仔好鐘意食架。上車後送上一小杯 忌廉湯。

跟住有 沙律和麵包

主食 厚切煙肉温泉蛋 – 太肉了，只吃了三分一。

<<薩摩高城>>

吃完不久列車在 薩摩高城駅停下，可以行15min。

沿站旁小路行一陣便到海邊，海水幾碧綠，有點像沖繩。

上車後上埋 咖啡和奶凍士多啤梨，員工再向每位人客送上心意咭。

食完唔駛10min便到10:30，到達終站 川內，要講Bye拜了，下次見。呢餐雖然每人成￥10000，食物不見特出，但服務好好列車亦好靚，我覺得值回票價。

川內乘10:45-10:57 JR指定席返回鹿兒島中央駅

一落火車立即跑出站外上的士，10min內直往櫻島碼頭(￥1120)。落車又跑上碼頭上層上船，剛好趕及11:15開往櫻島的船，勁呀！！

<<櫻島>>

鹿兒島港往本櫻島的客輪，船程15min，單程￥160。

櫻島火山，聽說不時會聽到PANG一聲爆响。

櫻島碼頭對面有單車租，我和小太熊租2hr (每架車￥600) 遊櫻島。

12:40出車向南行，開始一段在行人路踩。

冇幾遠有檔無人攤檔賣櫻島產的桔仔，￥100一袋有8個，自己入錢落錢箱便可以攞走。

櫻島產的桔仔又甜又多汁，非常好食，小太熊後悔冇買多5包。

來到海邊有專用單車徑，安全又景靚。

可以邊泡足浴邊欣賞櫻島火山。

浸完脚繼續在沿海單車徑前進。

「鳥島展望所」–時間有限，在這裡回頭了。

返到單車舖才12:55，趕得切乘13:00船回鹿兒島港。

  

<<鹿兒島市>>

從鹿兒島港乘市內電車往鹿兒島中央駅，單程￥170。

今次乘14:02 – 14:59觀光列車「指宿之玉手箱號」再往指宿。

車箱內外裝飾都好靚，職員仲會幫乘客拍照留念添。

<<指宿>>

到指宿後，我又要揹住18kg背包行25min去今晚的温泉旅館“花の温泉ホテル 吟松”。

指宿温泉旅館 – 花の温泉ホテル 吟松

職員先招待我們在G/F大堂飲杯綠茶食件甜點。

雙人房(含雙人早晚餐) 每晚￥36500

露台有一户外浴缸面向大海，唔錯架。

從吟松行唔駛5min，就到指宿玩熱沙浴的名景點 砂むし会館「砂楽」。

「砂楽」有5個砂場，可一次過供60人齊齊蒸，玩一次￥1050。

人流都好旺，不斷都有客。

熱砂維持55℃左右，埋在砂下感覺全身負重，Feel到脚掌的血管Bok Bok跳，只蒸15min已叫救命了，過癮. . . . .

蒸完熱砂，在大堂享用一盒頂級的霧島牛奶。

玩完熱砂浴，趕得切返 吟松9/F的“天の湯殿「天空野天風呂」”享用 日落泡湯。

由17:30黃昏浸到18:30天黑，唔甩皮至奇啦。

泡完湯19:00食飯，今晚在旅館的私人餐房食，好High Class喎。

10道菜晚餐，望見餐牌就興奮。

前菜6味 –估啱到蝦肉和螺肉都鮮甜，有驚喜。

三色刺身 – 只係中上貨式。

堂炸魚蛋 –一般好味啦。

鹿兒島黑牛鍋 – 牛肉味濃又唔係太肥，肉質細嫩，我覺得好正。

堂浸温泉蛋 –淨係賣相已滿分了，蛋味都好濃。

其餘食物都OK啦。

甜品 水果布典 –新鮮又香口。

飯後浸埋 大浴場的户外風露，始終係天台果個池正好多。

節目豐富的一天，希望小太熊喜歡啦. . .hehe

補充資料 :

1.)     鹿兒島中央駅乘新幹線JR特急指定席往 出水駅車程24min，單程¥3720，可用JR Pass。

2.)     Orange Restaurant(おれんじ食堂)必須要電話預約，90min的觀光早餐每位￥10000。

3.)     川內 乘新幹線JR特急指定席往 鹿兒島中央駅車程12min，單程¥2690，可用JR Pass。

4.)     鹿兒島中央駅乘 觀光列車「指宿之玉手箱號」往 指宿駅車程57min，單程¥2130，可用JR Pass。

---待續---