九州 鐵道行(7) – 人間絶景 高千穗峽

高千穗峽 – 日本九州最渾然天成的人間絶景

日本九州 高千穗有三寶，就係高千穗牛、高千穗神樂和高千穗峽。高千穗峽 的河水碧綠如玉，河邊兩旁是佈滿天然六角柱石的山壁，再加上一道像飛龍的瀑布，組成一幅渾然天成的自然圖畫。遊人們還可以在河上划艇，感受這裡的自然靈氣。

九州 鐵道行 – Day 7

<<高千穂>>

今天06:30起身浸浴，跟著執拾行李，07:30食早餐。

又在昨晚的餐枱食，環境真係好好啊！

早餐都有8道菜，已經習慣咁豐富的早餐了。

賣相和味道都甚佳的早餐，食蛋有蛋味，牛奶又甘香又新鮮，連麵豉湯和粥都好味。

食完早餐要Check out了，今日會遊高千穗峽，從旅館行30min便到。

高千穗峽 瀑布前

高千穗峽隨處可見到深谷、綠水和拱橋。

渾然天成的 高千穗峽“真名井瀑布”，人間絶景。

租了一隻小艇(¥2000-30min)，和小太熊划艇遊高千穗峽。

有好多鴨仔追住攞嘢食呀！

從山谷下望返 真名井瀑布，一樣咁靚。

30min很快便過了，上返岸想話過隔離吃流水麵，但冇開門，慘慘。

高千穗峽吃流水麵的 おのころ茶屋

夠鐘走了，從這裡沿山徑行20min便可返上去 高千穗神社。

高千穗神社，昨晚來過了。

神社內有棵800歲高55m的 秩父杉，另外有2棵排排企的 夫婦杉。

最後沿大街往 高千穗市場，原來只係賣果菜飾物的小店。

市場旁邊係 高千穂牛專門店，有堂食又有生肉賣，可以炭燒又可以鐡板燒。

品質極高的 高千穗牛西冷每100g只賣¥1050，日本人......㸃解咁幸福架。

入去座底先，我選了炭火網燒高千穗牛。

高千穗清酒(¥900)

我們要了2份高千穗牛套餐，每份包100g牛肉、沙律、湯、飯和飲品，只係二千幾円一份，牛肉質素係超班貨，十分抵食。

小太熊飲 紅蘿蔔汁，我就飲烏籠茶，沙律一般啦。

第二貴的 高千穗牛炭火燒Highest Takachiho Beef( ¥2100) – 肉味很濃，這部位多了一㸃㸃肥膏，但肉質很嫩的。

最貴的午市套餐 高千穗牛炭火燒Highly-Selected Takachiho Beef(¥2800) – 完美的肉質和油脂分佈，像藝術品一樣，有些唔捨得食。我唔夠食，追加多100g只收￥2300。

炭火網燒 我覺得最能烤出和牛的美味，比鐵板燒更優勝。

高千穗牛的肉質鮮嫩，味道香濃，和昨天中午的貴價宮崎牛唔係差好多啫，但價錢平一倍有多。

吃完飯返旅館，今早叫旅館Book的 細的士已經準時到了。這的士比平日坐開嘅5人的平10%左右。

13:00乘的士從 高千穗直往 黑川溫泉，車程約90min共行72km，扣減長途優惠後跳標價¥15390，司機收了我齊頭¥15000。

<<黑川溫泉>>

今晚住的溫泉旅館 お宿 野の花

旅館位於山林溪谷之中，環境清幽隱世。

落的士後又要揹晒2個人啲行李行去旅館，小太熊話咁樣可以鍛鍊我喎～

到啦到啦，お宿 野の花 的感覺好隱世呀！

小太熊Book了呢間獨立屋 朱花

雙人房 朱花(含雙人早晚餐)每晩¥51840 – 大廳外的落地大窗連接後花園架，好靚好舒服。

從花園望返去我吔間小屋 朱花，係咪好靚呢。

屋內有自己的 露天風呂，不斷有 黑川溫泉水流進來，可以聽着潺潺水聲泡溫泉。

職員送來的Welcome 綠茶和紅豆湯丸

吃完甜點後，忍唔住立即跳落房間的溫泉，Oh.....做人真美好！！

補充資料 :

1.)     高千穗峽越妟越多遊人，最好09:00至10:00人少少時划艇和遊覽，否則旅行團一到便人山人海。

2.)     從 高千穗 乘的士往 黑川溫泉車程約90min，車費¥15390。

3.)     高千穗峽租艇仔30min收¥2000，每超過10min只加￥300。只有十幾隻艇，最好就早些去租。如只係到瀑布下一遊，划30min已很足夠。

4.)     日本乘巴士的價錢大約係的士的25%，所以有4個人的話，搭的士真係快靚正。

---待續---