九州 鐵道行(6) – 日本神級和牛 雪花宮崎牛

A5宮崎牛西冷 – 完美得像藝術品的日本神級和牛

要數日本最頂級的冠軍和牛，除了老牌的神戶牛，近年大熱的飛驒牛之外，便要數上年2008年摘冠的宮崎牛了。食完這件A5宮崎牛西冷 鐵板燒之後，覺得佢和神户牛實在各有千秋難分高下。硬要分名次的話，必需要睇埋廚師的廚功和制法，還有最重要係自己當時的狀態(例如有幾肚餓) 和心情。

綜合所有條件，我食過世上最好的牛是 Beef Steak Kawamura的 神戶牛，第二就係石垣屋的 石垣牛，大淀河畔みやちく的 宮崎牛排第三。

九州 鐵道行 – Day 6

<<丸尾>>

今朝 06:15便起床，因為Book了今早06:30-07:15這一節 赤松の湯。

赤松の湯的入口，入去再要落一段樓級才到浴池。

旅行人山莊最靚的風呂“赤松の湯”建於深山樹林中，偶然會見到野生鹿仔。

浸到07:10天光了，亦要還返個場了。

早餐07:30開始，在餐廳“天望”享用。

又係一頓豐盛的早餐。

返房執行李時，响露台個景靚到暈。

離開山莊前到附近的樹林逛逛，最後機會希望遇到野生鹿仔。

有呀有呀，真係見到鹿仔呀，野生架～仲食緊奶添呀！

好開心，真係遇到野生鹿，在霧島的行程真順利。

昨晚叫山莊call定的士，今朝08:45出車往 霧島神宮駅，跳錶車費¥3270，車程25min。

乘09:36-10:57的JR 往宮崎市。

<<宮崎市>>

到宮崎市後，又要把大行李寄存在火車站(¥500)。

宮崎駅，今天天氣甚佳啊！

今天小太熊訂了宮崎牛專門店“大淀河畔みやちく”午餐位，從火車站行去要25min。

宮崎牛專門店 大淀河畔みやちく

入門口便見到好多獎狀，似足神戶的 Beef Steak Kawamura。

坐在河伴的鐵板位，胃口都好啲啦。

宮崎縣產 熱清酒(¥1000)

我和小太熊要了2份Set Lunch – A5宮崎牛西冷(¥8300 – 150g)(前面)和A4宮崎牛肉眼(¥7800 – 120g)(後面)。件西冷扒隻牛....叫做 武田進一？？

Set Lunch唔係包好多嘢，第一道菜係：

宮崎牛肉蒸蛋 幾有新鮮感的一道菜，好味。

咖哩沙律 怪怪的，我唔係好欣賞。

師傅首先煎A4肉眼，如開騒一樣，把肉眼扒在我們面前剷來剷去，功架十足。

嘩！賣相真係吸引，睇見已知佢外脆內嫩，肉汁橫流。

將近完成時，師傅在鐡板加上白蘭地再點火，很High Class啊！

每人分到5大粒 宮崎牛肉眼 – 肉質幼嫩，牛肉味香濃，外脆內嫩，人口即化，稱佢為神級和牛絕對不過份。

最後送上白飯和麵豉湯

師傅見我哋食得七七八八時，開始煎 A5宫崎牛西冷了。

A5西冷的雪花分佈完美平均，太吸引了。

師傅每次在鐵板上撚火，都令周邊的客人興奮不已。

最後把西冷切開12粒，再每條邊煎一煎。

完美的 宮崎牛西冷 – 絕對比得上Beef Steak Kawamura的神戶牛鐵板燒，入口即溶，肉質細嫩中帶點彈牙，肉味香濃，人間極品。

五成熟 宮崎牛西冷 – 一生人必要最少吃一口，才稱得上無憾。

師傅見我們吃完牛後，把那片放在牛肉下的方包拿到鐵板煎，攪乜鬼呢？

原來係做甜品 牛油甜餅伴士多啤梨霧絲 – 完全食唔出係麵包，香脆可口，師傅話這度甜品只有在這吃到的。咖啡就只係普普通通。

食完飯慢慢行返火車站，剛好上到13:31-14:36的JR往延岡。

<<延岡市>>

延岡火車站，旁邊是巴士站。

延岡巴士站  在這買票乘巴士往 高千穂。

15:00往 高千穂的巴士，單程¥1790，車程90min。

<<高千穂>>

落巴士後，又要揹住18kg的2人大背包上斜行15min去旅館了。

到啦到啦，今晚住的旅館“高千穂離れの宿神隠”，好靚呀。

旅館的餐廳，今晚和明早都會响呢度食。

今晚住的雙人獨立屋“大瑠璃”(含雙人早晚餐) 每晚¥49680。

大廳外是個小花園

洗手間很大，Lotion和洗手液都係名牌。

室內浴缸都很開掦架

花園有一個戶外浴池，都好高檔吖。

在房浸個浴休息一陣子，18:00開飯了。

早2日買的 大吟釀(¥514) - 酒味純厚，好嘢泥。

今晚係12道菜御饍，好幸福呀！

頭4道前菜味道唔錯，尤其係芋頭非常好味。

油金魚配鯛魚刺身 – 件件都有大舊根，完全吞唔到，味道亦只係普通，一個字可以形容晒佢，就是.....頂！！

主菜 鐵板高千穗牛 – 外表冇乜油花，所以冇乜期望。

但事實係 好多肉汁架，而且牛味特別香濃，味道頂級，只係肉質較鞋口，但是冇渣的，整體上我很滿意。

鹽焗多春河魚 – 真係很多春，味道就唔難食啦。

最後4道菜都唔差，有鴨胸、芝士焗蛋、烏東紅米飯和日本蜜瓜，幾好食架。

食完飯，黑媽媽行7min到高千穗神社睇神樂(每位¥700)，1hr樂曲由20:00開始。

神樂分為4章節，分別講述高千穂的民間神話，唔覺佢悶。

最後一節的2個天神會落台和觀眾一齊玩，嚇到一位小朋友眼濕濕囉。

晚上返到房又浸，過了充實的一天。

補充資料 :

1.)     旅行人山莊的“赤松の湯”非常旺場，一定要訂房時Book埋泡湯時間，否則Check in時可能Book唔到。

2.)     在丸尾 想在街上截的士可遇不可求，除非叫酒店Call車。乘的士從旅行人山莊到霧島神宮駅車費¥3270，車程25min。

3.)     霧島神宮駅乘JR往宮崎需80min，單程車費¥2910，可以用JR Pass。

4.)     宮崎乘JR往 延岡需要65min，單程車費¥3090，可以用JR Pass。

5.)     延岡往高千穗可以乘巴士，單程車費¥1790，可程90min，可以落車才比錢。

6.)     今天用完張JR 5-Days Pass了，5天合共乘了￥30940 JR火車，￥17490買張Pass真係抵用。

---待續---