九州 鐵道行(8) – 夢幻溫泉の鄉 黑川溫泉

日本九州溫泉の鄉 黑川溫泉

黑川溫泉 位於九州阿蘇火山溫泉區，歷史悠久。黑川溫泉區面積不大，由頭行到尾只需半小時，溫泉區擁有日本古樸的風情，加上位於山谷溪澗之中，可以一邊泡湯一邊靜聽河水聲，非常寫意。

九州 鐵道行 – Day 7

<<黑川溫泉>>

繼續上一篇行程。

嘆完自己房的溫泉，要快快見識旅館的公用風呂。 

古樸的露天風呂入口。

旅館亦有室內的溫泉浴場，但相信冇乜人會在這浸啦。

旅館的露天風呂“ぎんねずの湯” 共有2個户外地，早晚分2段時間男女互換的，所以現在浸完一個地明早可以浸另一個池。

小太熊浸呢個湯，因為會望到條街外的行人橋，所以封了圍板阻擋了河景，冇咁好。(小太熊攝)

我浸呢個湯就正囉，又係位於河伴但就無遮無擋，望著小溪聽着流水聲浸泡，而且唔知其他住客去咗邊，一個人獨霸這大池，皇帝一樣咁嘆呀。

お宿 野の花 露天風呂“ぎんねずの湯”

和小太熊約好16:30在大堂等，一齊行落黑川溫泉區的大街。從 お宿 野の花行去大街要行20min，不停行落斜便到。

黑川溫泉區 的旅館建於溪流兩旁，住在這就較熱鬧，冇我哋果間咁隱世。

街上見到很多遊人穿著浴衣逐間旅館入去浸，因為佢哋買了張Pass，可以浸晒區內的溫泉，真係唔甩皮至奇。

我亦喜歡飲日本和韓國的牛奶。來到黑川溫泉，當然要試土炮牛奶啦。

黑川溫泉牛奶  奶味甘香濃郁，甚麼飽和脂肪甚麼膽固醇都唔理咁多了。

黑川溫泉 地藏堂 – 旅客泡完湯後，都會行過來這裡寫上願望，不過我試過很多類似的日本神社都流到嘔，可能剩係保佑日本人啦。

都啱嘅，邊有地方會衰到香港咁會大陸呢優先咁PK架！！

入夜了，兩岸開始亮燈，感覺有點像小樽運河咁靚。

街上太冷了，行入呢間舖暖暖個身食少少嘢。

特濃軟雪糕(¥320) – 牛奶味道超濃，但很鞋口完全唔幼滑。

酥炸馬肉餅(¥260) – 幾好味道的黑川溫泉人氣小吃。

吃完馬肉，再在大街逛逛影吓夜景，入夜後氣溫急降，手指耳仔鼻哥都冷到痛，應該最多得0度了。

黑川溫泉 夜景

實在太冷，18:15便急步不斷上斜行返旅館，回程上斜只行了15min，比中午落斜還快了5min，因為太凍了，要趕快返房。

返到房第一件事係跳落房內的溫泉......好暖呀！！

19:00食飯，今晚有私人房間。

今天早上買的 大吟釀，靜靜地帶埋去飲。小太熊話我慳果一千幾百円唔幫襯返旅館，要鬼鬼鼠鼠太Cheap喎。

今晚有13道菜，味道仲好好添。

前菜比前數天的晚飯都要好。

沙律、薯容、清湯和什豆飯就一般。

馬肉刺身 – 甘香肉味濃，不論味道或口感十分像牛肉刺身。

三文魚刺身 – 背脊位油份唔夠仲有少少根，唔得。香港超市買的貨正佢幾倍。

A5熊本牛 – 每人有4大塊，非常甘香可口，算是在溫泉旅館吃過最好的牛肉了。

放落菜湯內灼30秒，入口即化，肉味油味在口內歷久不散，極品呀！簡直係牛肉滾一滾，神仙都企唔穩。

甜品 牛奶雪糕 – 香甜軟滑奶味濃，比較剛才的軟雪糕好很多。

甜品 焦糖牛奶布典 – 比在歐洲吃到的更好味。

飯後又再浸 露天風呂，又係冇人的，太嘆了。

旅館送上的宵夜水果和綠茶，服務很細心啊。

---待續---