九州 鐵道行(完) – 由布院 • 山のホテル夢想園

九州 由布院溫泉旅館“山のホテル夢想園” – 可以一邊泡湯一邊欣賞由布岳

由布院 又稱 湯布院，位於九州大分縣。區內溫泉水主要來自由布岳，水量之充足在日本國內數一數二。由布院大街上滿佈林林總總的甜品店、小食店和商舖，充滿小鎮風情，值得在這住上一晚，尤其是聞名的B-speak蛋糕卷更是不可不試。

九州 鐵道行 – Day 8

<<黑川溫泉>>

 今朝07:00又起床浸溫泉了。我今次浸這個湯，都唔差吖。

08:00食早餐，豐富又好味。

退房後旅館車我們出巴士站，只有5min車程，行路就要20min。

巴士站已經人山人海等巴士。

10:44往 由布院駅的巴士，每位¥1750，車程95min。

<<由布院>>

到達 由布院後，在火車站Lock住大背包(即日¥500，過夜每日加¥500)，然後開始行街食好嘢了。

由布院大街，直路一條面向由布岳。

火車站前有馬車坐，匹白馬好靚呀。

人氣餅店 B-speak

B-speak出品的蛋糕是九州最受歡迎的蛋糕之一。經常排長龍，而且經常賣晒，我13:00去到時見佢剩返好少咋。

原味蛋糕卷(¥1420) – 未吃已蛋香樸鼻，入口鬆軟但質感密度甚高，像是高密度的海綿，每一啖均充滿雞蛋香味，最難得是中間的忌廉充滿日本牛奶的甘香濃郁奶味，和海綿蛋糕異常配合，整體上不太甜，是一件完美的蛋糕，亦是我吃過世上最好食的蛋糕。

行完 由布院約15:30時想買多件嘆，但已經賣晒了，好彩一早快手買了一件，冇得食便儍仔了。

由布院大街中午時極多遊人。

小太熊見到有 布典食，又話要入去買喎。

雞蛋焗布典(¥120) – 新鮮熱辣，蛋香樸鼻入口即容，表層鬆化，正嘢。

甜品店對面有一長龍麵店，小太熊又話要食，佢話食乜就食乜啦。

地雞喬麥麵(¥300) – 湯底用鰹魚制成，幾鮮甜，地雞有雞味，麵條很清爽，好食。

這間是賣蜂蜜的店，小太熊見佢人多便入去幫襯。

蜂蜜雪糕新地(¥360) – 蜜糖和軟雪糕的味道很夾，清甜味美，食2杯都唔難。

繼續沿大街逛，沿途都很多嘢睇。

大街盡頭是 金麟湖

金麟湖的水有部份係由布岳流出的溫泉水，所以長期都見湖面散出霧氣。

金麟湖伴的 天祖神社

回程時侯，小太熊見到這店大排長龍，又要排埋一份。

排了20min終於買到這件 烤海鮮球(¥650) – 像是加大版的章魚小丸子，直徑足有100mm，內有章魚、蟹柳、芝士、籮白等等好多配料，但個皮一pat嘢唔好食的。

今天由布院最後一撃，幫襯這甜品店，佢話自己啲Roll Cake每日限賣100卷喎。

綠茶蛋糕卷(¥400) – 好好味的Roll Cake，但和剛才那件真係有段距離。唔怪得100件賣到中午15:00都未賣完啦。

食完蛋糕，慢慢行20min去今晚住的溫泉旅館“山のホテル夢想園”。

由布院溫泉旅館 山のホテル夢想園

旅館內園林處處，夢想園呢個名冇改錯，係每個人的夢想家園。

雙人房(含雙人早晚餐) 每晚¥34860

房外景觀係山林，樹後面就是 男士專用的露天風呂“御夢想の湯”。

夢想園有2個家族露天風呂(紅葉の湯 – 分開2間獨立屋，景觀差不多)，2個女士專用露天風呂(弘法の湯和空海の湯)和1個男士專用露天溫泉(御夢想の湯)。弘法の湯冇景，可以唔去。

在房間休息一會，立即試試旅館的 家族露天風呂“紅葉の湯”。

家族露天風呂“紅葉の湯”唔駛預訂，先到先得，面向由布岳，但浸在池內見唔到個山的。

浸了15min私人溫泉後，和小太熊分頭試試其餘的好嘢。

女士專用溫泉 空海の湯

空海の湯 浴池非常大，浸浴時可以望見由布岳，比男士溫泉“御夢想の湯”更壯觀。

男士專用溫泉 御夢想の湯

御夢想の湯 浴池較女賓部的細，但是同樣望見由布岳。

浸完溫泉，19:00到旅館內的餐館晚飯。

晚飯沒有私人房間，但私隱度亦甚高。

10道菜豐富晚餐，是今次旅程的最後晚餐了。

日本梅酒 – 酸酸may may幾開胃

前菜和小食有中上水準，滿意。

油金魚加鯛魚刺身 –鮮味但有根，扣晒分。

燒鯖魚 – 魚肉鮮嫩魚油充足夠香口，估佢唔到咁好味。

地雞鍋 – 雞肉又鞋又淡，吃了2啖冇再食了。

燒 豐後牛 – 不是A5貨，肉質可接受，但係冇渣加上牛味超級濃郁，好好食，呢個價錢食到呢種牛確係喜出望外。

飯和湯真係食唔落了。

甜品布典都好好味。

飯後再浸一會温泉，今晚早些瞓了。

九州 鐵道行 – Day 9(完)

今日要返香港了，好唔捨得。

晨早去浸另一個 家族露天風呂“紅葉の湯”，景觀和昨天的那個地差不多。

08:00食早餐，依然係豐富又好味道。

返房執完行李仲有時間，去“山のホテル夢想園”的 咖啡甜品屋 坐底嘆吓先。

山のホテル夢想園 招牌雞蛋布典(￥432) – 蛋味香濃，質感完美，甜度適中的布典，是我食過最好食的布典，食完唔覺得滯。每日限賣40杯，要食就要趁早。

蛋白奶凍(￥432) – 奶味香濃，質感軟滑，但落多了蜂蜜有啲過甜，整體上仍然係Top One嘅甜品，只係明顯比不上 布典。每日限賣15杯，要食就要趁早。

食完甜品冇咩做了，於早Check out，回到 由布院大街再逛逛。由於昨天基本上已行過晒了，今日有些悶，攪到比小太熊話我安排得唔好，佢跟少一日便即刻出事。今日試些昨日冇試過的小食啦。 

酥昨午肉餅(￥160) – 味道OK啦。

炸雞串(￥280) – 雞肉很嫩，味道亦唔錯，炸得外脆內嫩有肉汁。

12:09乘特快列車「由布院之森」，從 由布院 回到 博多駅，單程車費￥4550，車程127min。

由布院之森 的車箱又新又靚，坐到車頭的大玻璃位就更好啦。

14:16回到 博多駛，行一陣街，15:45要乘地鐵去機場了。

HK Express的機非常準時於18:00起機，20:50回到香港。唉！又要繼續捱捱捱，返工真辛苦。

補充資料 :

1.)     黑川温泉 乘巴士往 由布院駅車程95min，單程車費¥1750，最好Book定位，否則有機會上唔到車。

2.)     由布院駅 乘JR“由布院之森”往 博多駅，指定席單程¥4550，車程127min，可以用JR Pass。

3.)     博多駅 乘地鐵往機場車程約15min，單程車費¥260，可以用地鐵一日票(￥520)，但不可以用JR Pass。

-----九州 鐵道行(完)-----