慢活 • 清邁(1) - Akyra Manor Chiang Mai

泰國清邁市酒店Akyra Manor Chiang Mai

Akyra Manor Chiang Mai位於清邁機場北面2km的橫街內，酒店設計時尚，天台的酒吧和透明泳池是酒店的icon。此外，小太熊話酒店內的意大利餐廳在淸邁排名很高；儘管如此，他的位置實在不好，附近佈滿大量又黑又核凸的電線，而且附近的糞渠經常傳來陣陣臭味，令這五星級酒店大大失分。

慢活‧清邁 – Day 1

「人無力再上 笑不出 開始缺氧.....若是我 仍然有心跳 來陪著你經風與浪」

即使生命有一天走到盡頭，今天仍然有心跳，生活還是會繼續；今天仍然有機票，旅行還是會繼續.....

18磅了，實在意想不到會回到1995年，但沒有半點喜悅...

多得可愛的小太熊半年前買了 清邁的機票，讓禾12月可以到 清邁過4日 慢活～養生。

今日坐港龍15:35-17:35班機往清邁。

小太熊替禾訂了水果餐，夠清淡。

佢自己就食點心餐，好似好食過水果餐喎。

今日的雲海特別藍。

<<清邁>>

17:35準時到達清邁機場，先換些錢。

美元個價比港元好少少，禾用500美元換了泰銖。

換完錢，在counter攞張的士單排隊坐的士。

在清邁機場坐的士要先在Counter出張單，再去排隊，落車時把單和錢交給司機便可。

從機場往舊城區收THB 160。

在機場外這兩個等的士站等車，兩個站不同公司的，要看看你在那個counter出單。

2年前來清邁四季酒店便是在這處等車。

今次就要在機場門口等。

只10min便到今晚的酒店了，位於一條橫街內的Akyra Manor Chiang Mai。

Akyra Manor Chiang Mai的鳥巢外觀設計很獨特，但....被街外的電缐影衰晒。

酒店地下的意大利餐廳排名好高架，還有戶外座位，但偶爾也會傳來陣陣渠管臭味。

今晚是平安夜，有大火雞食呀！

Welcome Drink荔枝特飲，返房慢慢嘆。

今晚的房價是平日的Double，非常之唔底，所以只租了間最平的雙人房，低層又冇View的。

低層雙人房(連早餐每晚HK$1693) – 小太熊話平日只係HK$1000左右，呢間房設計好靚，但外圍環境實在差。

大浴缸是半戶外的

浴室都好大好靚

酒店地庫有個細細的健身室

天台酒吧夜晚好靚

今晚平安夜特別節目，有人在泳池畔唱聖詩，好有氣氛。

酒店的夜景真係靚的，只要避開那些電線。

出外行吓夜街先，這一區離開古城區西面城牆1km，是第一次行。

新開幕的大型商場MAYA Shopping Centre

商場外擺滿不同的小販檔，這些泰式椰汁甜點整得很好味口感又好，價錢仲好平，THB 10有4件。

幫襯這位妹妹買了4件甜點，但比THB 20佢辦晒嘢唔找錢，要禾開聲至肯找。

不過算啦，禾記得响北京，甚至巴黎都試過，咩人種都有呢啲人，但連巴黎都係咁就衰啲囉。

七色饅頭好靚，唔知巧唔巧味呢

這些炭燒椰漿蛋餅個樣好好食

本地牛奶Buddy Milk(THB 30) – 勁甘香濃滑，味道比得上在日本買的頂級牛奶8成，估佢唔到咁好飲。

MAYA商場頂樓是Food Court，很多泰國地道食物。

這隻豬手個樣唔錯呢。

這檔 Noddle Indy最有人氣，決定幫襯呢檔。

魚蛋米粉(THB 40) – 米粉好正，魚蛋和湯㡳都唔錯，呢個價錢扺到爛。

豬骨湯(THB 30) – 有豬肉香，抵食。

食完嘢落地庫超市級市場Look Look，有發現.....

原條牛仔鞭呀...原來泰國興呢味嘢。

超市旁又有Food Court，特然想食甜品 芒果糯米飯。

椰汁芒果糯米飯(THB 60) – 芒果夠甜，但泰國芒果始終不及呂宋芒的香味；糯米飯很香軟，加埋椰汁超好食。

夜晚行返酒店附近食飯，在這間<WHY NOT Italian Restaurant>食，因為見佢最多人。

這裡的Pizza即叫即製，而且用古法炭火烤焗。

小太熊飮 意大利Sparkling Water(THB 150)；禾飲 紅酒(THB 120)

法國生蠔(每隻THB 70) – 入口就食到係堅法國蠔，味道和在法國食到的依貓依央，夠咸夠蠔味。

Vegetariana Pizza (THB 210) – 普通好味的Pizza，不過不失。

位於酒店附近的人氣芒果甜品店 Mango Tango，在這裡食埋宵夜。

芒果糯米飯加芒果布典和芒果雪糕(THB 160) – 芒果完全是呂宋芒的味道，又香又甜，椰汁糯米飯又係超正，雪糕和布典都有水準。

晚上返房浸大浴缸，慢慢嘆到01:00至瞓。

慢活‧清邁 – Day 2

今朝早可以安樂醒，因為今次行程主題係 慢活～養生。

早上外出看看自己住的五星級酒店Akyra Manor Chiang Mai，啲電線真係礙眼。

早餐在地下的意大利餐廳食

禾忟選了户外坐位，諗住空氣會好啲，點知耐唔中會傳來陣陣渠臭味的。

早餐很豐富，可以每人order一份主食，有自助頭盤和飲品供應，另外再送Tea Set拚盤。

2人Tea Set拚盤，賣相精美，相當High Class。

酒店供應很多自製的健康飲品；青菜果汁 很清新醒胃，鮮奶亦係Local貨，品質和昨晚的Buddy Milk一樣咁好。

禾叫的主食 煙肉煎雙蛋都好味架。

小太熊想試新嘢，叫了 煙三文魚Egg Benedict，一樣咁好食。

食完早餐後上天台游水

天台個View算係開揚啦。

游完水返房執嘢Check out，今日小太熊Book了個 4手SPA，約了SPA店10:15在酒店Pick up。

SPA店非常準時，5min便送禾忟到 Cheeva SPA。

剛行入門口便有職員開門迎接，很好服務啊。

但未換衫就同禾忟洗腳，有點不夠細心。

4手SPA 1hr每位THB 2500(包來回接送)，另外有12% Off，即是每人只需THB 2200。SPA師傅手勢一流，2人亦非常合拍，勁relax舒服。

做完SPA送上彊茶和芒果糯米飯，雖然芒果有些酸，但送埋甜的糯米飯依然好好味。

食完甜點比埋錢，SPA店用這架靚車送禾忟到古城區的 帕邢寺(Wat Pha Singh)，開始半天清邁古城慢活之旅。

補充資料：

1.     港龍航空 香港來回清邁直航機票每位HK$3864。

2.     USD$1兌THB 35.68(清邁機場價)，即係大約HK$1兌THB 4.6。

3.     用美元換泰銖比用港元換高1.5%。

4.     在機場換錢的滙價和在古城內一樣。

5.     從清邁機場乘的士到古城區THB 160，車程約15min，要先在機場內的櫃位出單，再到機場外相關的位置排隊，到埗後直接比錢司機。

6.     Cheeva SPA的環境和師傅的手勢都甚佳，有免費來回接送，用email問Discount仲可以攞到12% off。

-----待續-----