這是最好的 南澳洲(完) – 單車漫遊 阿得萊德(Adelaide)

單車漫遊 阿得萊德River Torrens河畔

南澳洲的 阿得來德(Adelaide)擁有完善的單車徑，從市中心可以直達東部海岸的沙灘Grange Beach和Glenelg，而且當地推廣單車旅遊，政府免費提供單車借用服務，市內的火車在非繁忙時間可以推埋單車上火車，不像香港的MTR又要拆轆又要摺車才可上車，賤過大陸西。

在 阿得來德 預留一天時間踩單車市內漫遊是個很好的節目。

這是最好的 南澳洲 – Day 8

<<阿得萊德>>

昨晚冇衫換唔係好舒服，所以今朝05:45便起床，一支公天未光便行去Central Bus Station攞返行李，去到啱啱好開門。

由於Lock行李時入了AUD$20，只可以儲36hr，現在過了7hr，要我補多AUD$13至開到鎖，當時禾還未瞓醒On Dog Dog入了張AUD$20紙，醒唔起Locker是唔找錢的......唉，白蝕多7蚊，頭尾蝕成百一蚊港紙仲要冇衫換，禾太on dog了。

一邊行返酒店一邊好唔開心，加埋明天就要返香港就更加9倍唔開心。

返到酒店又瞓多個鐘，07:30起身，近近哋行過唐人街想飲茶食蝦餃燒賣。

晨早08:00的唐人街，像死城一樣，全部舖都未開門。

原來當地華人好很懶架，唔興飲早茶，最早那間茶樓都開10:30，大部分開11:00。

冇辦法啦，再行過隔離的Adelaide Central Market搵食。

估唔到這裡的老外好勤力啊，Market內已經開了檔，很多嘢食，不過都係西餐。

禾㨂了這間餐廳，貪佢環境好些。

Standard Coffee(AUD$3.8) – 普普通通；Ice Mocha(AUD$5.5) – 太多cream太甜太肥唔好味。

牛油果占多士(AUD$5.7) – 好很貴，而且麵包太乾有些硬，非常麻嘛哋。

煙三文魚炒蛋多士(AUD$15.9) – 煙三文魚和炒蛋都幾好味，只係賣成舊水港紙貴了些。

食飽後慢慢行15min去單車店攞車。

經過Victoria Square，見到第一日住的酒店Hilton Adelaide。

阿得萊德市教堂 St Francis Xavier Cathedral

到單車店Bicycle SA (Address: 53 Carrington Street)了，開09:00-17:00。

內有大量單車可以免費借用，但要Check清楚至好借，禾㨂了架坐位有問題，尾段時坐位鬆了像搖搖板，很大鑊。

今日會從 阿得萊德市公園Park 20開始，逆時針沿公園單車徑踩到Rundle Park，再沿Frome Road單車徑行便出到River Torrens，沿河一直行便可以去到東部的海岸，全程只有極少路段冇單車徑要落車推。

從單車店開始一段約700m要踩出馬路，但冇車的，非常安全。

走過開首700m便到Park 20，從這單車徑開始。

沿著單車徑在市公園Hea踩，都幾舒服。

很快去到Rymill Park，這裡有個湖，可以在湖畔坐底飲杯野，好舒服架。

休息了一陣，痾督we we再起行。

行了一陣有個急彎，小太熊一不小心跌倒了，整傷了手掌流血呀，仲撞親手踭添.....

慘了，禾話不如慢慢推車返去還車算啦，今日就休息行街啦，但勇敢的小太熊一向擇善固執，話咗錦就錦，佢話要繼續踩喎.....唯有用些清水幫佢洗洗傷口，再包些Temple，幸好禾還帶了對勞工手套在身，用得着了。

在小太熊堅持下，禾忟繼續慢慢踩，穿過埋Rundle Park到達North Terrane，開始冇單車徑了，要落車推行300m至Frome Road再接上單車徑，很快便去到River Torrens了。

阿得萊德市River Torrens，從這裡開始沿河向東踩多10km左右便到沙灘。

沿著河的風景都算係多變

快出到海邊時，見到些馬仔在河邊食草。

見到海了，好開心呀。

到達海岸後轉左行，先到Glenelg行吓。

沿途的海岸線好靚架。

路過Adelaide Sailing Club

去到Glenelg了，這裡很多遊艇，大把有錢佬。

由於怕小太熊傷口發炎，去到Glenelg之後禾便自己入Town買些消毒藥水和沙布。

路過St Peters Church

買完藥，幫小太熊洗了傷口，再用沙布包住，冇咁易發炎了，可以繼續行程。

Glenelg Jetty  今日天色很好

Glenelg Jetty附近全是度假酒店。

又熱又口渴，在沙灘旁邊Oaks Plaza Pier飲杯凍飲。

可樂加冰(AUD$5)，冰涼消息解喝，正到無輪。

再上車起步時，禾單車的坐位鬆了，像搖搖板一樣，踩得異常吃力，死火，還要向北踩多10km才到終點Grange火車站，今次大X鑊了。

唯有頂硬上，好在沿途風景都靚。

用力地踩呀踩呀，特然感覺心口頂住，感覺似4年前在檳城的時候，麻煩了。

踩得好辛苦，終於去到Grange Beach。

在Grange Beach轉入市內不遠處便是Grange火車站。

這裡每小時有一班車去Adelaide市中心，在非繁忙時間可以帶埋單車上火車，車費AUD$5.2，上車買票。

等了40min終於有車了。

回到單車店還車都16:30了，今日踩了35km，都幾攰。

回酒店休息一下再游陣水。

今晚係last一晚，所以決定食2餐晚飯，黃昏18:15先食第一餐 生蠔。

Metro Oyster Bar 澳洲生蠔專門店

禾飲 白酒(AUD$6)；小太熊飲 可樂(AUD$3.5)

今晚食豪D，叫了2打細蠔加半打大蠔，成枱都係。

焗蠔拚盤Diablo(AUD$23) – 共有6款味道，包括洋蔥、番茄、辣椒、紅酒等等，蠔味夠濃，高水準。

珍寶蠔(AUD$13) – 2啖1隻新鮮爽脆夠蠔味，頂級生蠔。

細生蠔(AUD$17) – 1啖1隻，味道和珍寶蠔一樣好，好味過昨晚在Central Market買的。

食完生蠔做頭盤後，行到街尾的 稻香海鮮酒家再食，試吓當地中菜的水準。

稻香海鮮酒家 唔知堅定流架呢。

蝦球姑姥肉(AUD$19.8) – 酸甜味道較得啱啱好，火喉亦夠，可惜粉皮太厚，敗筆。

蒜容粉絲蒸扇貝6隻(AUD$16.8) – 扇貝肉算甜，禾覺得合格，但小太熊話佢太多油，唔係幾肯食。

皮蛋瘦肉粥(AUD$11.8) – 粥底和味道都過得去的，因為耐冇食粥，禾覺得食完個胃幾舒服。

燒賣(AUD$6) – 大大粒但豬肉和蝦都很硬實，味道就可以，整體上是唔掂的。

蝦餃(AUD$6.5) – 只有3隻，但是很大隻，麻油味較重，蝦肉幾爽口，估佢唔到又幾好味喎。

食完都天黑了。

慢慢行返酒店，心情出奇地差。

這是最好的 南澳洲 – Day 9(完)

今朝05:00起床，乘05:38開出的巴士No.J1A   (AUD$3.3)去機場。

07:45起機了，又發完一場夢。

見鬼，只是短短24日便廋了10磅，還是持續的低落......

心還在跳，小太熊還在跳，夢還會繼續....

補充資料：

1.     阿得萊德市有單車免費借用，Bicycle SA (Address: 53 Carrington Street) 開09:00-17:00，放底Passport便可以借車。

2.     Adelaide市的火車可以在非繁忙時間帶埋單車上火車。但單車不可以上電車。

-----這是最好的 南澳洲(完)-----