慢活 • 清邁(2) – 古宅Resort《137 Pillars House》

泰國清邁古宅Resort<137 Pillars House>

137 Pillars House是近年在 清邁熱爆的Resort，由一座建於1889年的古宅改建而成。該古宅的第一個主人便是《安娜與國王》安娜的兒子，古宅由137支木樁支撑而成，因此Resort名為137 Pillars House。

Resort最特別是那25m長的泳池，旁邊是十多米高的植物牆，設計令人驚喜。

慢活‧清邁 – Day 2

<<清邁>>

繼續上一篇行程。

落車後立即展開今日行程，第一站先到 帕邢寺(Wat Pha Singh)。

   

帕邢寺(Wat Pha Singh) 是清邁保存得最好的泰國寺廟，取名於從 斯里蘭卡請來的Pha Singh佛像。

下一站小太熊話要食SP Chicken，位置正正在 帕邢寺後面，行完寺去食最方便。

清邁人氣烤雞店 SP Chicken – 烤雞掛在大門口一邊烤一邊轉。

禾飲 LEO大啤(THB 65)；小太熊怕肥，飲Coke Zero(THB 20)

SP Roast Chicken (Half)(THB 80) – 普通好味的烤雞，有少少雞味，超細隻但肉嫩，相信用炭火加蜜糖烤會更好味。

BBQ Pork Ribs (THB 80) – 算是好味的烤豬肋骨，有少少豬肉味，肉質幾好。

Homemade椰子雪糕(THB 30) – 椰子味濃而且啖啖有椰子肉，勁好食。

跟著嫻逛清邁古城，城內有唔少大師行街。

12:45行到去 清發海南雞飯，已經賣晒收工了，冇得食添。

行過隔離舖試試啦，見裡面都好多人。

這裡也有 海南雞飯食，應該差不多味道啫。

苦瓜豬骨湯(THB 45) – 夠火喉好好味，豬骨好淋好香豬肉味，苦瓜夠淋又夠苦，湯都好飲。

海南雞飯(THB 40) – 油飯夠香，雞就一般冇咩特別，新加坡天天海南雞飯好食好多。

繼續遊古城區 三王廟(Three King Monument)

隆聖骨寺(Wat Chedi Luang) – 這座佛塔建於1441年，曼谷的玉佛曾經在這住過。

隆聖骨寺 的佛爺都好食好住，肥到.....

行出 隆聖骨寺門口，見到對面餐廳Dilmah有棵芒果樹，被吸引了過去飲嘢。但原來芒果是假的。

左 Mango Shake(THB 70)；右 Mango Soda(THB 70) – 兩杯都很普通。

盼道寺(Wat Phan Tao) – 設計比較古樸的寺廟。

Blue Noddle Shop(老字號鹵肉麵館) – 小太熊話呢度啲米粉好好味道。

豬肉丸排骨米粉(THB 40) – 排骨有豬肉味，肉丸爽口，米粉好嫩滑，好食。

嫩牛肉加燉牛肉河粉(THB 60) – 河粉超滑，牛肉好冧又有牛肉味，正野

賣咖哩麵嘅專門店 Kanjana，今明兩天聖誕假休息，冇得食了。

路口有很多路牌，可以見到呢段橫街裏面嘅餐廳。

燒魚專門店Lert Ros，呢個鐘數唔係太多人。

炭火燒鯛魚，賣相麻麻地。

小太熊飲 椰青(THB 50)；禾飲 泰國象啤(THB 65)

木瓜絲沙律(THB 30) – 辣到跳舞標眼水，口水鼻涕一齊流，不過幾美味。

泰式烤魚(THB 140) – 魚肉很脆嫩，非常之鮮甜，估佢唔到咁好味，有驚喜。城牆門口攤擋賣THB 280。

食完魚之後行出城牆，諗住行路30min去酒店，但好好彩，響馬路上面見到一架冇客的Tuk Tuk，截停佢問吓價，佢開價THB 100去酒店《137 Pillars House》，見佢開價唔算高，所以價都冇還就成交了。

坐呢架Tuk Tuk直去《137 Pillars House》

137 Pillars House的大門口冇咩特別。

一進大門口，接待處建築物全部純白色，優雅古樸。

雙人房(包早餐和雪櫃內大量飲品) 每晚HK$ 3164 – 房間位於2樓，面向泳池和137大樓，景觀係全酒店最好嘅。

睡房設備齊全，枕頭亦相當舒服。

維多利亞式浴缸配襯花磚地，好似去咗巴黎。

房間另有露天花灑淋浴嘅地方

Welcome Drink係紫色嘅香草特飲，酸酸咪咪好好味道；雪櫃內大部份飲品都係免費嘅。

露台超級大，面向一棵大榕樹和酒店的泳池。

《安娜與國王》安娜的兒子建成的古宅，已經有百多年歷史，由137支木樁支撐着，現在是酒店的餐廳和圖書館。

黃昏響酒店嘅泳池游水，過一過富豪式嘅生活。

日落前再響花園靜靜享受這裡的寧靜。

137古宅地下是健身室

夜晚的Reception比日間更加靚

花園上那房子就係禾間房了，禾住2樓，環境比地下好好多架，但是價錢一樣。

137 Pillars House  上層是餐廳和圖書館，下層是健身室。

圖書館很古雅，連昴山素姬嘅書都有添。

今晚訂了位在這古宅內的酒店餐廳食晚飯，enjoy吓這酒店。

紅酒(THB 363)；椰青(THB 188)

免費的麵包，新鮮焗製的，幾好食。

頭盤 Smoked Salmon Roll煙三文魚卷(THB 375) – 味道和賣相都很好的一道菜。

頭盤 Foie Gras煎鵝肝(THB 760) – 足有150g，厚身，煎得外脆內軟十分香口，和紅酒的味道絕配，香港超市都冇賣咁平，抵食。

主菜 Pork Tenderloin烤豬柳肉(THB 410) – 味道合格的，但豬肉烤得唔夠熟，個心仲紅紅哋，㸃食呀，牛肉咩，個廚師好很唔掂。

晚飯因為主菜而扣晒分，最慘係小太熊同禾都叫了烤豬肉，早知叫雞啦。

食飽飽返房享受享受，實在唔捨得瞓着覺。

補充資料：

1.     在清邁古城區乘Tuk Tuk去137 Pillars House，叫價收THB 100。區內的Tuk Tuk叫價有時都幾進取，禾比人叫THB 400都試過，可以不理。

-----待續-----