非人生活 • 南非(1) – 神之餐桌 南非桌山(Table Mountain)

南非 開普敦(Cape Town) – 神之餐桌 桌山(Table Mountain)

桌山(Table Mountains)位於南非的開普敦(Cape Town)，海拔1086m，是開普敦四大名山之一(另外三個是Signal Hill、Devil’s Peak和Lion’s Head)，山頂是一片平地，遠看像桌子一般的平，可以乘吊車漂上山頂，亦可以自己手腳並用爬上同一個山頂。有吹水友話 桌山是天主和耶穌一家神開餐時用的餐桌，因為只有神才用得着那麼大的枱，可能在世界沒日之時，大家會見到天主和耶穌坐在桌山旁一邊開餐一邊審判那些豬狗不如的罪人。

非人生活‧南非 – 序

心情壞透了，做乜都冇晒心機，幸好有善良和勤勞的小太熊在身邊，佢堅持不論日子怎樣難過，不論身體狀況怎樣，都要禾帶佢四圍去玩。於是，小太熊一隻熊唔聲唔聲包辦晒買機票、訂酒店、行程規劃、print地圖等等繁重工作，禾只需要行上飛機，便可以一嘗 非人生活，因為小太熊今次要禾帶佢去 南非啊。

小太熊話喎，南非巧危險架，自從唔再種族隔離之後治安仲變得巧差，所以毯次佢決定只去南非最安全的城市 開普敦(Cape Town)，唔去其他城市了，小太熊仲話呀，除了Victoria & Alfred Waterfront的範圍外，唔可以行夜街架，就算係日光日白在市中心都只係可以行Long Street、Wale Steet、Bree Street和Rose Street，試過有台灣人好奇行過隔離街便立即比人老笠了，未出發已經嚇到禾巧京。

因為禾忟牡乜錢，所以毯次小太熊決定只去10日，減頭減尾其實只有7日玩。

Day 1

夜晩上機，乘 卡塔爾航空飛往 多哈。

Day 2

在 多哈機場呆等3粒鐘，再轉機往 南非首都 開普敦。

到酒店Victoria & Alfred Hotel放下行李後，乘的士往 桌山吊車站，用4hr行上桌山山頂。

乘吊車落山後，到V&A Waterfront的餐廳City Grill Steakhouse吃萬獸宴。

晚上住Victoria & Alfred Hotel。

Day 3

今天早上在酒店食早餐，然後往Franschhoek參加一天Wine Tram Tour，參觀4間酒莊試南非紅酒。

晚上住Victoria & Alfred Hotel。

Day 4

早上參加Lagugu Township Tour，見識 開普敦最古舊的黑人貧民區，中午回到市中心行街，下午遊Robben Island，晩上在V&A Waterfront吃飯。

晚上住Queen Victoria Hotel。

Day 5

08:30-18:00包車一日遊，遊 好望角、Boulder’s Beach睇企鵝、Kalk食炸魚薯條和Muizenberg睇彩色屋。

黃昏回到V&A Waterfront參加Sunset Bus Tour，晚上在V&A Waterfront的餐廳BAIA Seafood Restaurant晚飯。

晚上住宿The Table Bay Hotel。

Day 6

早上到Hout Bay和海獅一起浮潛，中午到Kirstenbosch Botanical Garden，黃昏回酒店游水，晚上到 陶苑酒家吃1.4kg重的南非鮮鮑魚。

晚上住宿The Table Bay Hotel。

Day 7

早上包車往Kagga Kamma，車程3.5hr，入住Kagga Kamma Nature Reserve的Open Air Room，晚上在睡房嘆香檳和BBQ在星空下入睡。

Day 8

早上玩Morning Game Drive，在酒店食完早餐包車回 開普敦，中午玩巴士團遊附近酒莊，晚上到市中心Mama Africa Restaurant食飯。

Day 9

在酒店食完早餐後call車去機場，乘12:20班機往多哈，晚上22:15到埗。

Day 10(完)

在多哈機場呆坐3hr，轉01:55班機，中午返到香港。

非人生活‧南非 – Day 1

今日要返工，放工後返屋企沖涼後才出發去機場。

2人醒李共15kg大背囊，幸運到現在還有力氣幫小太熊揹埋醒李，是應該的。

禾忟的Priority Pass都過期了，入唔到候機室，只有在禁區內吃大家樂做晚飯。

大家樂套餐 油雞髀、薯仔沙律加紅豆冰(HK$39.5) – 好耐未吃過了，雞脾肉嫩又有肉汁，紅豆又夠淋，連小太熊都覺滿意，佢話仲好味過候機室添，但....候機室免費架。

飛機準時起航，直往中東 卡塔爾首都 多哈。

非人生活‧南非 – Day 2

零晨到達 多哈機場，要呆等3hr才可以轉機，如果還有Priority Pass便好了，現在只有在機場逛逛。

機場內發現隻怪物，小太熊話呢隻係 大太熊呀。

<<開普敦>>

飛機準時降落 開普敦機場，毡廳陽光普照，可以看見 卓山山頂，所以小太熊決定在毡廳先攻山，怕跟住幾日多雲便上山都冇嘢睇了。

小太熊出發前話，開普敦的士有好多牌子架，有些係壞人，唔肯跟咪錶收費，唔好亂上車呀，要選可靠的，例如Rikki’s、Marine、Excite或Unicab。

禾行出機場找的士，但見唔到那些牌子的士啊，又有個司機話按咪錶收費，車身上又寫了R11 per km，於是便上車。

的士開車後，行了差不多1km都未見司機起錶，心感唔妥，正想開聲叫佢起錶時，佢才自己按制，咁咪免費送了1㸃幾km比禾？又OK喎。

無風無險坐的士到達V&A Waterfront的Victoria & Alfred Hotel，剛好R300，和小太熊預算一樣，這的士冇呃人啊。

Victoria & Alfred Hotel

先在酒店放下行李，便立即在酒店外找的士去Table Mountain，見到門口泊了架Unicab Taxi，小太熊話可靠的，便問都冇問便上車，叫佢去Table Mountain。

上車後又唔見司機起錶，於是提佢啦，點知佢話唔按錶的，去Table Mountain定額收費R130…..頂......比跳錶多收R30，搵笨，Unicab Taxi都唔係完全可靠的，必須問得清清楚楚才可以上車。

好快便去到Table Mountain山下的吊車站了，上山小徑便在旁邊。

上山的小徑叫India Venster，入口位於吊車站旁邊的停車場，一般約3.5hr便可以上到桌山頂，但沿途多段路須要手腳並用爬上去，山徑的整體難度在 西貢雙鹿石澗、蚺蛇尖和沙巴神山之上。

山徑一開始便不停上上上，冇平路的。

沿途都可以望見開普敦四大名山之一 Lion’s Head。

不斷會有吊車在頭頂上上落落。

行約30min便到路口，向上行是India Venster，向左是另一較平的上山山徑Contour Path，要行多1hr，右邊是掘頭路。

禾眼大睇過籠，行錯了右邊的掘頭路，好彩風景非常靚，唔算浪費時間。

沿著掘頭路行，景觀都好開揚架。

行到盡頭才發現行錯路，但就睇到這壯麗景觀，值得吖。

快快行返回頭，來回剛好用多了30min，小太熊話禾帶錯路又帶唔夠水比佢飲，有點不滿。

行回正確的山徑後，又是不停上上上，而且沒有石級了，只有在大小散亂的岩石上行，幸好地上沿途都有黃色的引路腳印，否則實估唔到㸃行，因為段路非常之唔清楚。

上了約三分一路程，看見這警告牌，警告再上山就要爬上去了，但有鐡錬和少量鐡梯附助的。

再上一段仍然係靚路，禾以為冇乜料到，㸃知大錯特錯。

這2個女生上到一半，在這裡冇再上山了，可能知道往後路段很難行。

影張自拍照先。

別人可以坐吊車上山，唔一定要跟著小太熊架。

過埋這條路便要右轉向上爬了。

如果唔係見到隻黃色腳印，毯係無奶油估都佢會係條路。

雖然巧京跌親，但小太熊話個個部係咁行架，那麽….死就死啦，手腳並用爬上去，前面個老外飛咁快，禾就慢過超人。

爬完這段危險山路，又望見 開普敦全景。

繼續爬上去，都巧很攰架，小太熊更慘，因為禾帶唔夠水比佢飲，攪到佢又開始冇電了，要不斷休息义電。

幸好沿途風景一流，休息時可以慢慢欣賞南非最美的一面。

這段路直畢甩，幸好加有鐡梯，但都危險架。

巧似和山頂巧近了，事實係未完架，仲有排行呀。

從這裡開始，小太熊要不斷停下來义電，每义5min只可以用5min，如此這般行行停停，堅毅不屈的小太熊一直堅持在缺乏糧水的情況下自己行上山，佢巧叻架。

沿途耐不耐便見到這些 南非蜥蜴，佢地行得巧快架。

再爬多幾段山路終於見返平路了，鬆返一口氣。

從這處靚景點開始唔駛再用手上山了。

足足用了4hr才到山頂，減去行錯路的半個鐘，即是和官方預算的3.5hr一樣，小太熊巧叻呀，就算冇電都唔比人慢呀。

桌山山頂 – 真係似桌面一樣咁平。

一陣在這吊車站乘吊車落山，唔駛行得咁辛苦了。

山頂上有很多觀景台，但和市中心太遠了，不像行山時睇到的咁靚囉。

山頂上的小動物全部唔怕人的，這雀仔食遊客跌在地上的脆米食到脷都申埋出來。

山頂上唯一的餐廳，環境天下無敵，但價錢完全唔貴架。

由於今日大缺水，所以立即買2支水補充補充。

礦泉水750ml(R19.5)；Sparkling Water 500ml(R18)

要在日落西山前落山了，因為小太熊話開普敦夜晚巧危險架，好多壞人架，唔可以行夜街架，一定要在天黑前返到酒店喎。

上吊車了，從車上望落山都很直，幾刺激。單程每位R125。

落山之後只有4部的士在等客，但不見有小太熊Target了那四間的士公司，咁冇計架喎，唔通唔搭咩，於是問了一架肯按錶收費便上車了，的士冇兜路，返到酒店跳了R100，冇呃人喎，好過中午那部Unicab Taxi呃了禾R30。

今明兩晩住的酒店Victoria & Alfred Hotel

向馬路雙人房(不包早餐)每晚HK$1810

小太熊話原本這價錢只係Book了閣樓房，冇大窗架，只有個天窗仔，現在upgrade了才有大窗口，唔好嫌冇海景啊。仲有呀，呢間房平日只係一千港幣左右包埋早餐，現在農歷新年假期比班蝗蟲攪到貴了成倍呀。

酒店另外一面房便是望這個景了，呢個 桌山View係全開普敦最靚的。

趁黃昏日落前，在V&A Waterfront行陣街先。

每晚在V&A Waterfront都見到 非洲土人舞

日落了，因為出發前不斷聽小太熊話開普敦有幾危險，所以都有啲京呀。

但小太熊再補充，在 開普敦只有V&A Waterfront可以行夜街，這裡的治安係冇問題的，因為V&A Waterfront以前是白人區，只有白啜啜可以進來，黑咪咪係禁止進入的，所以從前的治安很好，而且可以keep到現在都沒有問題。

今晚係在南非吃的第一餐，小太熊選了較特別的“City Grill Steakhouse”非洲萬獸宴，食些古怪的動物囉。

City Grill Steakhouse

戶外坐位已經爆滿，只剩下少量室內位。

坐室內環境牡咁巧，但係牡得揀啊。

南非紅酒(750ml)(R145) – 味道唔錯架，在大餐廳都賣得咁平，南非酒真係巧扺飮呀；Sparkling Water(750ml)(R40)。

甜酸烤雞翼(R86) – 味道一般，牡咩雞味，肉質亦只係中下。

Crab Cake(R98) – 很多蟹肉，有蟹肉味，汁底夠冶味，抵食。

Giant Grilled Mixed Venison Skewer(R406) – 這餐廳的招牌菜，有齊鱷魚、鴕鳥、野豬和羚羊四種野味，伴上雜菜、炒飯和雜肉腸，味道幾新奇但講唔上巧食，但來到南非應該要試試架。

食完飯都22:00了，坐了20hr飛機後立即又行山4hr，其實都巧攰了，今晚要早啲瞓。

補充資料 :

1.     卡塔爾航空 香港飛 南非開普敦每位HK$7960，機程接近20hr，要在多哈轉機。

2.     南非貨幣 南非蘭特ZAR(R)，HK$1兌R2。

3.     兌換 南非蘭特最着數係去到南非後，在當地的ATM提款機提款，兌換價最好，即使加埋每次HK$20手續費後，依然比在找換店高5%以上。

4.     簽Visa的滙價和用ATM提款機提款差不多，可以盡量簽多Visa。

5.     開普敦機場有ATM提款機，市內亦唔難找。

6.     在機場找換店兌換要收Comission，比用提款機大約饋8%。即HK$1(以美元計)只能兌換R1.84。

7.     開普敦的士應該按錶收費的，車費每1km由R10至R20不等，不是視乎車種的大小或新舊，而是每部車都不同，自己鐘意幾多就幾多，但都離不開R10-20這個range。有不少司機不肯起錶，叫價約每1km收R20左右，問清楚肯按錶才上車。

8.     從機場到V & A Waterfront，的士按錶收費R300，車程30min。

9.     從V & A Waterfront乘的士到Table Mountain Cable Car Station，按錶收費R100。

10.        在開普敦用Uber叫車非常方便，而且比的士平一倍，我回港那天叫Uber從開普敦市中心去機場只需R144，平一倍有多。

---待續---