慢活 • 清邁(3) – 單車漫遊 清邁(Chiang Mai)古城

單車漫遊 清邁古城佛廟Wat Chediliem

泰國清邁以古城為中心，古城內外都滿佈大大小小的佛寺、Local食店和市場，景點的距離話遠唔遠話近唔近，所以，騎單車穿梭不同景點漫遊這充滿歷史文化的清邁市是很令人驚喜的體驗。

清邁市內有Agent安排不同路線的單車團，有人帶路安全好多，是遊清邁一個很好的選擇。

慢活‧清邁 – Day 3

<<清邁>>

 今天又係安樂醒，起床後Hea吓Hea吓行去食早餐。

早餐地點又係古宅137大樓，早上和晚上同樣咁靚，像做了貴族。

禾選擇了露天位，在陽光鳥語下早餐。

早餐唔係太多嘢食，但最基本的都有，品質亦唔錯。

橙汁和西瓜汁是鮮搾的，又甜又新鮮。

小太熊另外order了1杯 泰式奶茶(免費的)，淡奶香滑茶味濃，帶㸃香草味，很特別的凍飲；禾就要杯鮮雜果沙律，夠醒胃。

牛角酥和Pancake都普通；估唔到係 蝦餃和乾蒸牛肉就幾有水準。

煙肉煎雙蛋，肯定好食過太興同翠華。

泰式牛丸米粉，和昨天Blue Noddle Shop那碗一樣咁好食。

鮮果蜜糖乳酪   美味的餐後甜品。

食完早餐四圍行行企企又返房休息吓，時間飛快又到12:00要走了。

小太熊Book了今日13:00的5hr單車團Colours of Chiang Mai(每位THB 1100)，但是唔包接送，所以要自己坐Tuk Tuk去位於Baan Nai Fun的單車店Recreational Thailand Biking。

禾忟自己行出酒店截Tuk Tuk，司機開價THB 300，禾價都費事還掉頭就走，返正今日見到很多Tuk Tuk，最後司機Lur我，叫多幾口價，最後成交價THB 150，只有6km路程，差不多啦。

坐這架Tuk Tuk去單車店

12:30便去到單車店Recreational Thailand Biking，原來全團6個人都到齊了，可以立即出發。

一團6人由1個領隊帶著，沿馬路出發，幸好清邁的車冇香港的車開得咁快，路上的車亦唔係多，大致上都安全。

從單車店踩了約4km，來到一間佛廟วัดเกาะกลาง，落車參觀吓。

วัดเกาะกลาง 傳統泰國佛寺一間啦。

第二站係Suebnathitham Church，是一座天主教堂。

第三站 Wat PA Ngio，這裡很多不同類的佛像，連印度象神都有。

Wat PA Ngio 內有一個池塘，導遊拿了些魚糧給禾忟餵魚，塘魚超勁大條啊。

沿小路踩到Ban Pa Ngio附近一處農田，一起下車Look一Look，導遊逐樣農作物介紹，有辣椒啦，大樹菠蘿啦，龍眼啦，乜都有啦。

第五站 Wat Buak Khrok Tai – 對面有一店舖賣炸糯米餅，導遊每人買了一塊給我們吃。這些糯米餅是用糯米飯曬乾再用油炸而成。

炸糯米餅 – 非常鬆脆，有少少甜味，好香口好好食。

食完糯米餅，入Wat Buak Khrok Tai行吓。

第六站 去到一處火化和尚屍體的地方

導遊話 和尚連同棺木會放在石壆中間，然後火化。

第七站 去到一間地道餐廳食下午茶。

清邁Local咖喱麵 – 湯好濃味，但是隻雞髀完全冇雞味，麵質脆脆地幾有趣。

第八站 參觀地道街市

五顏六色嘅飲品.....睇到雙眼發青光。

泰國街邊壽司 你敢唔敢食啊呀！

士多啤梨 細細粒，不過好新鮮好甜嘅，仲平都笑添，$5港紙咁大袋。

賣魚的地方，腥味好重。

炸河魚同散裝米，香港好少見lur。

街市內有好多熟食，如果有興趣導遊會買俾你食，團費已經包埋。

呢啲一包包嘅原來係湯包，估唔到清邁人都喜歡煲湯飲。

三文治五顏六色好靚啊，唔知味道好唔好呢。

响街市行左半個鐘，又要踩單車起行啦。

第九站係 佛寺遺跡โบราณสถานวัดกู่ป้าด้อม

最後一站係佛寺Wat Chediliem

17:30平安返到Baan Nai Fun的單車店Recreational Thailand Biking。

這個泰國北部的單車旅程都幾特別，價錢亦唔係貴，幾抵玩。

單車店老闆幫我地叫咗部 兩排車，送我哋返清邁古城，迫到沙甸魚一樣。

兩排車送我去到古城South Gate，落車時以為唔駛錢(因為單車店老闆重來冇話要錢)，㸃知司機話每人要收THB 50…..嘩！吸血鬼，THB 20都比多你啦，不過算啦。。老外們都覺得佢太貴。

今日日落西山的天色很好啊！

今日South Gate有很多小食檔，但唔試了，要留肚食海鮮。

補充資料：

1.     從《137 Pillars House》坐Tuk Tuk去位於Baan Nai Fun的單車店Recreational Thailand Biking約6km，成交價THB 150。

2.     單車店Recreational Thailand Biking有5hr的單車團Colours of Chiang Mai(唔包接送)，每位THB 1100，漫遊清邁名勝古蹟。

-----待續-----