這是最好的 南澳洲(6) – Barossa漫步葡萄園 • 淺嘗葡萄酒

南澳洲Barossa酒區內的酒莊<Yelland & Papps>

Barossa是澳洲葡萄酒之鄉，擁有60多個酒窖和廣濶壯觀的葡萄園。遊Barossa最適合跟 試酒團，因為可以盡情地飲又不會醉駕，此外，踩單車漫遊葡萄園區亦是個很好的選擇。

這是最好的 南澳洲 – Day 7

<<Barossa Valley>>

今天小太熊Book了個 6hr的品酒團(每位AUD$115)，09:45在酒店Pick up，會參觀4間較小型酒莊和1間芝士店。原本小太熊想踩2日單車，可以自己鐘意去邊間酒莊都得，但禾覺得要踩車始於飲得唔夠盡情，最後選擇了跟團。

今日天晴，屋外的玫瑰花特別艶麗。

昨晚吃了大半份早餐，但今早仍然豐富，有橙汁、鮮奶、牛油蜜糖多士和粟米片，非常飽，食唔晒。

今早先吃一頓陽光早餐，禾預備的。

食完早餐，自己行過隔離一間小酒莊Kies Family Wines試酒。

Kies Family Wines開09:00，試完酒返酒店出團啱啱好。

這酒莊較細，只出產5款紅酒，全部都可以試。

全部味道都麻嘛，比較酸，完全唔考慮買。

09:45旅遊小巴準時到，全團只有8個人。

小巴首先車禾忟到Angaston附近一處高地，欣賞整個Barossa酒區的風景。

跟著去附近的酒莊Yalumba，是區內的名牌酒莊。

Yalumba 酒園內的建築物都百多歲了。

從這門口進入便是試酒廳。

已經有幾個人正在試酒了。

這裡總共有21款酒可以試，包括紅酒、白酒、Rosa和甜酒，價錢由AUD$20至 55不等。

一名職員過來招呼禾忟8個客，建議由淡味開始試至濃味，最後才試紅酒。

這次試了約10款酒，款款唔同味道杯杯清都幾過癮，但是整體上禾覺得這裡出產的酒味道中等，唔算是好飲，昨天Jacob’s Creek好好多。

人多試酒的好處是一定會有人買幾支酒，唔買都唔會有壓力。

試完酒還有時間在酒莊四處逛，參觀了一個製造酒桶的工場。

下一站到Barossa Valley Cheese Company，可以盡情試芝士。

共有四款芝士可以試味，禾忟8個差㸃清晒枱面4盤芝士，剛才飲得多嘛。

午餐之前去埋這個酒莊Yelland & Papps。

這裡可以坐在葡萄園旁邊，在陽光下品酒，相當寫意。

花園還有隻炭火烤中豬，好香啊.....㸃解冇得比禾送酒架。

有部分客怕曬，會選擇在室內試酒。

禾忟一團8個人便坐在這裡慢慢試酒。

今次又試了十款有多，紅酒白酒甜酒杯杯乾，味道亦是一般般，但是氣氛和環境都非常Relax，如果自己踩單車來應該冇咁好招呼了。

在這酒莊坐了超過1hr，去到食午餐的酒莊已經13:30了。

今天食午餐的酒莊Kies Family Wines，咪就係今朝禾忟自己行來試酒的那間酒莊囉。

Barossa有六十幾間酒莊都比禾撞咗，好彩中午冇預時間在這裡試酒，只是純粹午餐。

餐廳都幾靚架，今早未開門，所以算係第一次來啦。

餐前麵包非常新鮮，好好食。

凍肉拚盤 味道唔錯，只是欠了白酒，很失望呀。

烤雞胸肉亦算是好味，但冇白酒飲㸃算是品酒團啊！

甜品好好味，但.....甜酒呢？去了邊？

午餐的味道唔錯，但最失色是冇餐酒送，以前在澳洲獵人谷和法國波爾多參加的品酒團，午餐時都會有很多款餐酒送的，今次好失望呀。

食完飯去最後一間酒莊Hemera Estate

首先參觀酒莊的釀酒廠

然後就試酒

總共有8款酒可以試，但今次只能試味，唔可以再杯杯乾了，因為今天已經飲了唔少。

16:00散團，原來想叫旅遊巴士車禾忟去火車站Gawler Railway Station(從Hemera酒莊去只係15min車)，但要每人加AUD$20，都好貴啫，於是禾決定返去Barossa Visitor Centre坐巴士去。小太熊話在Visitor Centre坐的士去火車站都要AUD$35架。

由於巴士開17:29，還有時間可以在小鎮內行吓。

這間鬼屋昨天經過，今天再來時關門了。

小鎮內最多仍然是 教堂。

這間雪糕店賣自家製Homemade雪糕，行到攰坐底嘆吓先。

朱古力曲奇雪糕和乳酪雪糕(每杯AUD$4.5)，兩杯都非常好味。

巴士遲到了20min，由於幾個鐘頭至有一班巴士，嚇到禾忟以為今日冇車，但街上又冇的士，忍唔住心裏啍着.....不知點算好，心中只感躁暴......

好彩最後都有車，但上車買票要......每位AUD$9.9!!!!!唔係吓話，4個人坐咪貴過的士？儍仔了，早知加AUD$40叫旅行團車去火車站算了，可以慳返2個鐘早啲返 阿得萊德沖涼。 

Gawler Railway Station，在這裡坐火車返 阿得萊德，車費AUD$5.2，車程56min，車上有售票機可以買票。

<<阿得萊德>>

返到 阿得萊德已經19:30，夜了，決定先去食飯再check-in酒店，然後禾一個再行去Central Bus Station攞返大行李。

首先去Adelaide Central Market行街，裡面咩都有得賣。

市場內有2間舖有生蠔賣，這間Shop啲蠔靚啲。

除了生蠔，還有其他冰海鮮賣的。

買了一打Smoky Bay大生蠔，只係AUD$13.99。再買多2隻珍寶蠔，每隻AUD$4.5。

Smoky Bay大生蠔爽脆蠔味濃，十分鮮味，連小太熊都贊，小太熊在香港唔食生蠔的，佢話香港啲蠔唔靚。

珍寶蠔一樣咁爽甜，三啖一隻，但禾喜歡細蠔多啲，可以一啖一隻。

食完蠔再到附近一間餐廳食澳洲和牛晚飯。

Gaucho’s Argentinian Restaurant的澳洲和牛在當地好出名的。

晚飯時間全場滿座，因為禾忟21:00至到，剛好有張2人枱埋單先至唔駛等。

坐底先叫支 紅酒(AUD$40) 味道比今日試的酒更加好飲。

Pescado Del Dia(煎三文魚)(AUD$32.9) – 幾肥美的三文魚扒，煎得很香口。

CHURASSCO(澳洲和牛300g)(AUD$43.9) – 好香牛味，五成熟帶有炭火香廚功甚佳，配上磨菇汁更加冶味，送紅酒很襯。

伴牛扒的薯條，外脆內軟味道一流。

食完飯行10min到今晚的酒店Peppers Waymouth Hotel，會連住2晚。

雙人淨房每晚AUD$153

攞完房又行10min去Central Bus Station攞返行李，㸃知巴士站關門了，攞唔返行李，慘，原來巴士站開06:00-21:30，早知攞返行李Check-in完至去食牛扒啦.....

今晚要做李黑勤了，冇行李用......

補充資料：

1.     從 Barossa去 阿得萊德 可以在Gawler Railway Station乘火車，班次很密，車費AUD$5.2，車程56min，可以在車上買票。

2.     從Barossa Visitor Centre去Gawler Railway Station只有巴士和的士，的士只須AUD$35，但要call至有，巴士最密每班車1.5hr，而且每位AUD$9.9，超貴又唔方便。

3.     阿得萊德的Central Bus Station有Locker可以keep行李幾日，大Locker每24hr收AUD$13，緊記只可以在06:00-21:30提取行李。

-----待續-----