這是最好的 南澳洲(4) – 袋鼠之鄉 袋鼠島(Kangaroo Island)

樂活於 澳洲袋鼠島的 野生袋鼠

澳洲的袋鼠島，袋鼠的故鄉，島上的天然資源養活了1000000隻袋鼠，是島上人口的250倍，即是每1個人就有250隻袋鼠，因此，這小島肯定是屬於袋鼠而不是屬於人的。

樂活在島上的袋鼠都活潑好動，今日坐在Waves & Wildlife Cottages的露台欣賞袋鼠的動態，深深感受到袋鼠們活在這小島那種無憂的喜悅。

這是最好的 南澳洲 – Day 5

<<袋鼠島>>

小太熊Book了今朝09:00出海浮潛睇海獅，但今日超冷，應該只有20度左右，點落水呢。

出船之前先要食早餐，今次去Kingscote一間麵包店Rabbitt Warren Bakery食。

Rabbitt Warren Bakery的 牛扒批和雞批(每件AUD$5)，勁好味。

我們準時09:00去到碼頭集合，㸃知船主話隻船有些problem要修理，想話13:00至出發，問我們O唔O，原本就O嘅，只係今日咁凍我都唔想出海，於是同佢講不如Cancel算啦，點知船主非常貪錢，勁唔願意Cancel，我們經過一輪討價還價，最後我只比佢tun到10:00，如果還未修理好就要Cancel。

無啦啦多了一個鐘，便到Kingscote附近的景點行個轉。

蜂蜜園Island Beehive – 袋鼠島內另一出名的蜂蜜園。

店內有四款野生蜂蜜可以試味，這店賣的產品比較前天去的蜂蜜園貴好多。

Island Beehive名物 蜂蜜鬆餅(AUD$5) – 鬆餅幾有質感和口感，配上蜂蜜和忌廉真係幾好食的。

10:00又回到碼頭，隻船果然未修理好，好嘢，2個人加埋慳了成AUD$380。

早上多了2hr時間，可以去其他地方。小太熊話早2日啲生蠔好平好好食，於是再揸車過去食。

Oyster Farm Shop 想不到會有時間再來

今次只要了2打生蠔；Natural Oyster(AUD$15) – 仍然又爽口又鮮甜；Oyster Platter(AUD$18.5) – 加了六款不同醬汁，蓋過了蠔味，冇浄食咁正。

生蠔非常肥美，賣相極吸引。

再下一站去Island Pure Sheep Dairy，是袋鼠島上一個農場，養了1500頭羊，出產多款 羊奶芝士，下午還可以睇榨羊奶，但我們冇時間睇。

Island Pure Sheep Dairy商店，內有羊奶芝士賣。

商店外就是牧場，有好多羊仔。

還見到有火雞添。

商店內可以 試食芝士，每位只需AUD$4.5，便可以試9款羊奶芝士，過程中職員會講解每款芝士的特別之處，很有趣抵玩。

9款芝士，每款都唔同味，由最淡口的蜂蜜芝士開始試，試到最濃味的煎Haloumi芝士，像試酒一樣玩法，很新奇的體驗。

食完芝士仲有時間剩，小太熊想再去多一次Bales Beach，博吓有海獅游上岸和我們玩。

Bales Beach 毯廳依然E隻海獅都牡，有的是杳無人煙零污染的沙灘。

海鳥就見到幾隻，都幾特別吖。

返酒店之前，路過Parndana，順道到Kangaroo Island Wildlife Park野生動物園，入去參觀吓，入場費AUD$18。

動物園內的 袋鼠園，像是世外桃園一樣咁靚。

可以餵袋鼠們食嘢，好得意好好玩的。

樹熊仔很可愛，加錢可以抱住佢哋影相添。

今天很幸運，見到孔䲵開姘。

還有很多怪鳥，名都叫唔出。

睇完動物返酒店了，返到去只係15:30，時間還早，便到酒店外的The Rockpool Café食小小嘢。

The Rockpool Café

炸海鮮伴薯條(AUD$28.5) – 有魚肉、魷魚、帶子和蝦，味道唔錯，薯條都好食；白酒一杯(AUD$8)。

黃昏開始在自己的露台一邊品酒一邊欣賞袋鼠。

小袋鼠食緊拉拉呀。

呢隻袋鼠BB就跟著媽媽搵食。

酒店的草原前面是個小山崖，向着沙灘Stokes Bay。

Stokes Bay又係一處隱世伊甸園

回到酒店天色還藍，可以慢慢嘆。

袋鼠島出產的 Sparkling Honey(AUD$7) – 在Clifford’s Honey Farm買的，有汽蜂蜜，飲完好舒服的特飲，少甜中帶蜂蜜味，消暑解渴。

在露台坐一陣又在草地行一陣，邊嘆Sparkling Honey邊看日落。

牠可能是 袋鼠王了，全場牠最高大。

袋鼠打Boxing呀，我見到啦，真係會打架....

袋鼠們的跳躍動作都幾得意

很多袋鼠媽媽的袋裡面都有隻袋鼠BB。

日落黃昏時候，所有袋鼠都出來食晚飯了。

澳洲政府就係在這裡影相宣傳袋鼠島。

日落西山之後，返入屋煮晚飯了。我就嘆紅酒，小太熊就做呀四。

前天在DUDLEY Wines買的 紅酒(AUD$20) – 味道清新帶有葡萄香氣。

今晚小太熊焗 羊架比我食，仲好味過出街食。

仲有 焗蜜糖雞翼 – 用袋鼠島蜜糖焗架，皮香肉嫩。

最後係 煎蛋美極雞容麵，完美的住家晚飯。

明天要離開世外桃園 袋鼠島(Kangaroo Island)了，心內自然地湧出一種低落的情緒。

補充資料：

1.     今天入油用了AUD$11。

2.     3hr Tour出海和海豚浮潛，每位AUD190，在Kingscote附近碼頭出發。

3.     袋鼠島非常少車，十分容易自駕，即使是unsealed road都唔難控制，我這自駕新手都完全冇問題。

4.     黃昏駕車時千萬小心有動物特然衝出馬路。

-----待續-----