越南 越Hea(2) – 峴港洲際酒店InterContinental Danang Sun Peninsula Resort

峴港洲際酒店InterContinental Danang Sun Peninsula Resort – 餐廳Citron

峴港洲際酒店InterContinental Danang Sun Peninsula Resort距離峴港機場20km，建於市郊的半島山林之中，客房依山勢而建，從山頂至沙灘共分四層分區，客房和4間餐廳分佈在各層分區，由2部䌫車串連起來。酒店的設計很有中國和越南的混合色彩，當峴港Banyan Tree也由開業時賣六千幾港幣一晚房跌價至現在三千幾的時候，她是少數可以近年在峴港不斷漲價的酒店。

酒店提供每日2班來回會安的免費接駁專車，可以中途在峴港市的37 Hùng Vương上落車。酒店每天也為住客安排多項免費及收費活動，在這裡住上3天亦唔會悶，唯一唔好係收費太貴。

越南 越Hea – Day 2

<<峴港>>

繼續上一篇行程。

乘的士出峴港市中心後，有45min時間行街，只能在Chợ Hàn市場逛逛。

典型的越南街市Chợ Hàn

街市內很多檔口賣乾散雜貨。

小太熊見啲蝦米又大又靚，便問禾攞了成廿萬，要買最大隻的，話要整蘿白糕比禾食喎，但大拿拿廿萬只買得240g咋……

有一檔賣生果，有越南榴槤，很貴啊，每1kg要成VND100,000，不過小太熊話要立即食一個。

這個有1.6kg，收了禾VND160,000。

只有咁少肉咋，味道只係普通好，口感唔夠Cream，明顯比唔上前幾次在河內買的好嘢，失望。

街市內有很多食店，是但試一檔啦。

禾選了這檔，因為見佢有米糕食。

魚蛋米粉(VND20,000) – 湯底加了蝦醬很冶味，勁辣十分刺激，米粉太腍，魚蛋普通，整體上是不值得試的。

砵仔扎肉米糕(VND5,000) – 米糕唔夠煙韌唔夠米香，配料冇特色，早知唔叫。

椰青(VND20,000) – 夠凍唔夠甜，當凍水飲囉。

從街市行3min便是InterContinental Danang Sun Peninsula Resort免費接駁專車的上車地點37 Hùng Vương。

12:45酒店的免費接駁專車來了，車禾忟入酒店嘆。

一落車便是中國味濃厚的休憩處。

酒店的大堂設計明顯比Fusion Maia Resort高貴幽雅。

職員招乎禾忟在這休息室飲杯Welcome Drink先。

在這裡可以看到整間酒店，是景觀最佳的位置。

Welcome Drink係雜果汁，好飲。

酒店的房間平均分佈在四層分區，靠這部䌫車載客上落沙灘和各餐廳。

小大熊原本Book了間位於Level 4山頂的細房“Son Tra Terrace Suite”，貪佢夠開揚，但Check in時職員話已經Upgrade了間房做Club Room，話間房大巧多架喎，諗住有得Upgrade實牡壞啦。

㸃知職員帶禾忟落到Level 2，即是比原先低了2層，攪錯呀。

Upgrade了的Club Room，露台非常大，但唔夠開揚喎。

房間和浴室都很大，但咁大要來打後空翻咩，禾鐘意鳩啲呀。

小太熊十分不滿，立即退貨，要求要返自己Book了的房，這些房分明又貴又唔靚冇人買才會無啦啦Upgrade比禾。但職員Check完後話要1hr後才能安排新房，叫禾忟袋住先喎。

越南人做嘢始終慢手慢腳，算啦，把行李放在房內，在酒店四圍行吓先。

法國餐廳La Maison 1888 – 位於Level 2，價錢巧貴架，食碟煎鵝肝頭盆都要VND1,400,000，㸃捨得食呀。

今日有人在這裡攪婚禮，真有米。

La Maison 1888都好開揚架。

位於Level 4的餐廳Citron(左)和Club Room專用餐廳(右)。

在Level 1的沙灘上可以望晒全間Resort，除了Level 3，另外三層分區都有餐廳的，全部價錢都很得人驚。

沙灘是酒店專用的，因為附近根本冇其他酒店或民居。

沙灘上的小酒吧，嘢飲貴到禾完全唔捨得飮。

Level 1最近海，全部係千幾蚊美金1晚仲有泳池的超級大屋，可以直接行落海；對上一層是Level 2的大房Club Room，即是Upgrade比禾都要退佢的那些房。

沙灘旁邊有健身室

還有設計獨特的酒吧，內有吊椅和大班Sofa，巧正架。

Check in時Book了15:00參加一個免費活動“Casting Net Fishing”，即是坐在越南中部傳統的漁兜上網魚。

酒店職員把漁兜推到岸邊比禾忟容易啲上兜。

巧快就浮了出海中間了，其他住客正在玩獨木舟，不過附近冇乜景點，只可以齋划船有些悶。

原來魚網晨早已經放在海中，這次出海只是睇職員收漁網咋。

收呀收呀收到氣咳都牡魚，只有Jelly Fish咋，原來牡魚入網呃人的。

網完魚，要坐䌫車上返Level 4的Reception攞房了。

15:40上到Reception問當值職員禾間房Check in得未，個個都烏Sir Sir唔知咩事問來問去，又攪了幾個字，終於搵返負責個Officer了，但個Officer又7吓7吓，明明幫禾出緊房咭做緊文件，但一時行開吓唔昅到佢實佢又走去招乎第二個客，又阻禾幾個字，正當禾已經頂佢唔順想走去小爆佢之際，小太熊制止了禾，算佢好彩。

雖然禾冇小佢，但都語氣極重的問佢攪乜春攪咁耐，嚇到佢立即做嘢，真係唔小佢就天黑都未入到房，離晒普。 

今次比返Book好了的房給小太熊了，是全Resort最鳩最開揚的房間“Son Tra Terrace Suite”，禾住最鳩。

進門便是酒吧仔和茶水間，基本用品都有，但居然冇開酒器，要禾開聲至拿來，這酒店真差。

浴室唔細又夠靚，浴缸仲向正大海，正過剛才Upgrade了的Club Room多多聲啦。

雙人房“Son Tra Terrace Suite”(不包早餐)每晚HK$3775，係小太熊至捨得住。

這房的樓底比Club Room更高

露台雖然冇咁大，但是非常開揚，舒適十倍。

坐在露台 可以望晒全酒店架。

在房間休息完，趁著日落之前到泳池游水。

泳池很大，泳客又唔多，很舒服。

還有按摩池，可以獨霸來嘆。

另外一個細泳池都幾靚，隻碗是䁔水按摩池。

天黑前回房煮麵，因為酒店的餐廳太貴了，唔捨得食，返自己露台慢慢嘆。

是日晚餐有 自備福麵(2人3個)和今日在街市買的 大叻紅酒(VND120,000)(後來在超級市場見到只賣VND80,000，被人呃錢了。)

小太熊話呢餐係在越南最好味的一餐。

浸埋個浴缸，瞓覺了。

越南 越Hea – Day 3

今朝小太熊話要05:45起身，06:00前要去到餐廳Citron霸位，因為Citron有5張露台餐枱，是InterContinental Danang的Icon，早餐時段先到先坐不設訂坐，所以雖然早餐06:30才開始，但穩陣些早半個鐘頭到，費事坐唔到失望啦。

禾忟06:00便到餐廳門口，但Staff話未人得，禾便站在外面排第一啦，隔了5min職員才放禾入內坐底先。

霸到露台位給小太熊了，仲要係最靚的單邊位。

第二枱客在06:25出現，06:30五張枱已經滿座了。

室內位就冇咩意思了，很普通。

自助早餐每位VND800,000，非常之貴呀，但連Sparkling Wine都牡，嘢飲又唔巧味，差啲囉。

芒果奶昔還可以，其餘食物只能説合格，禾覺得這餐頂盡值HK$150。

清湯牛河最好味，但和越南頂級的牛河有大段距離；煎蛋煙肉麻麻哋。

食完早餐又游陣水啦。

游完水又返房浸浴缸，10:00要Check out了，乘酒店的免費接駁專車往 古城會安。

補充資料 :

1.     峴港洲際酒店InterContinental Danang Sun Peninsula Resort距離峴港機場20km，從機場乘的士去大約VND300,000，車程30min。

2.     酒店提供每日2班來回會安的免費接駁專車，可以中途在峴港市的37 Hùng Vương上落車，酒店每天也為住客安排多項免費及收費活動。

---待續---