越南 越Hea(1) – 峴港Fusion Maia Resort

峴港Fusion Maia Resort – Pool Villa泳池套房

Fusion Maia Resort位處越南中部 峴港(Đà Nẵng)的海灘，距離古城會安只有20km。開業初期，Resort聲稱為住客提供24hr任做SPA服務，一聽已經知道牡可能啦，果然，很快便被住客煲爆了，現在只能保證入住客人每天90min的SPA，做完90min後，如果酒店的SPA還有空缺便可以免費多做1至2次，所以淡季來好啲啊。

酒店亦提供1日5班由09:00至22:00免費接駁專車來往 會安，非常體貼。而且，酒店聲稱早餐可以選擇在任何時間在任何地方食，但禾最多只見過有人客10:00在沙灘食，如果有下次，禾一定會夜晚做完SPA後，22:00在沙灘食。

越南 越Hea – 序

小太熊好錫禾呀，知道禾唔想玩得太趕，今次越南4日行程冇咩節目咋，等禾可以休養休養，慢慢康復，小太熊仲叻過e生呀。

Day 1

下午乘HK Express到峴港，立即往酒店Fusion Maia Resort，在酒店晚飯。

Day 2

早上在Fusion Maia Resort玩，下午入住峴港另一酒店Intercontinental Hotel，在酒店晚飯。

Day 3

在Intercontinental Hotel早餐，10:00乘車往 會安。下午在會安古城閒逛，住Hotel Royal Hoi An Mgallery Collection。

Day 4(完)

早上在會安古城踩單車，在酒店早餐後乘的士往峴港。下午在峴港行街食嘢，黃昏乘機回香港。

越南 越Hea – Day 1

原本今天晨早機飛往峴港，但出發前2星期HK Express通知，航班改了下午16:40至飛，無端端玩少一日。

嘩！HK Express機場條龍好長呀，排隊20min才攞到登機証。

攞了新的信用卡，終於可以再去Plaza Premium Lounge，今日唔駛再排隊了，大陸呢亦少了好多，咁咪好囉。

食物都OK，但都係近Gate 32那間Lounge好得多。

飛機準時16:40起機，17:25到峴港機場。

<<峴港>>

在機場用美元換完越南錢後，坐的士去酒店。

峴港的士是按錶收費的，但每部的士的價錢都唔同，即使係同公司同車種都可能有唔同，但起錶價和每km收費都會貼在車身，4日行程在峴港坐了6次的士也未遇過壞司機，全部都表示按錶收費。每km收費由VND12,000至VND15,300禾都坐過，起錶由VND6,000至VND11,000都有，不過，河內和胡志明市都係咁架，整體上，在越南坐的士好過泰國、馬來西亞甚至新加坡。

從機場到酒店有約10km，的士錶跳了VND150,000，另加VND10,000機場附加費。 

Fusion Maia Resort大門口，設計比較普通。

但一行入裡面，酒吧和燈籠又幾靚喎。

餐廳環境都幾好，明天可以在這吃自助早餐。

Welcome Drink酸酸咪咪幾好味道。

Check in完之後，職員主動幫禾忟聯絡SPA Centre，知道今晚還有Quota，便替禾忟Book了25min的頸肩按摩，免費架。

職員帶禾忟去房時，天色已經開始黑了。

Fusion Maia Resort Pool Villa泳池套房(連雙人早餐及每人90min SPA，另額外再加雙人25min頸肩按摩)每晚HK$2811。

房間面積很大，設計較為簡約。

浴室面向泳池

客廳和泳池，大到打後空翻都得。

Welcome曲奇餅，幾香脆的，被禾食晒。

室外泳池很大，真係游到水架。

19:50過去SPA Centre等揼骨。

想不到只係25min都很認真，不單只按頸肩，還落晒油推背，最衰係麻甩仔同禾按，唔好。小太熊個女師傅就手勢好得。

酒店有2個健身室

酒店外的沙灘，是公家的，但酒店都放了很多大sofa供住客用。

今晚有人吃沙灘私人晚餐，有專人招乎，不過氣氛同馬爾代夫始於差太遠。

今晚在泳池旁邊的餐廳食飯，室內冇人坐的。

個個都㨂坐室外，環境好些嘛。

椰青(VND92,000) – 唔夠甜，麻麻哋；法國Rose一杯(VND230,000) – 品質一般但非常貴。

越式春卷(VND149,500) – 一般越式春卷水準，即係好食啦，內有蝦有豬肉，但得2條都巧貴。

烤中蝦沙律(Pomeoa and Prawn Salad)(VND218,500) – 蝦是新鮮貨，肉質很實很有蝦味，還帶有炭火香，非常好食，可惜只有3隻。沙律很清，洋葱和西柚都很醒胃。

烤魚濱海(Cha Ca)(VND299,000) – 魚肉幾滑味道OK，米粉亦唔錯，不過不失。

會安乾麵(Cao Lau)(VND224,250) – 會安名菜，但這碟改良了少少，配料用了豬肉和春卷，粗麵亦改用河粉，味道唔錯的。

食完飯在大泳池游一陣水，輕輕鬆鬆又一日了。

越南 越Hea – Day 2

昨晚早瞓，今早06:30已經安樂醒了，可以去沙灘睇日出。

一出房門便是一片竹林。

酒店的花園，右邊是健身室，左邊是昨晚食飯的餐廳。

日出了，酒店的泳池和昨晚食飯的餐廳。

泳池是Infinity Pool，都合格架。

峴港的沙灘，有超長的海岸線。

晨早已經有人在沙灘跑步了。

回到酒店的餐廳食早餐，穿過一片竹林。

坐在露台位食，可以睇埋下半場日出。

自助餐的食物普普通通，飲品就完全唔掂。

咖啡甚差，茶還過得去。

蝦餃和三文魚OK，其餘的都一般。

煎蛋和煙肉香腸味道只係中下，和大家樂差不多。

越式湯河好味，湯底很鮮，河粉夠滑，肉味亦濃。

泳池旁邊一早便有免費瑜珈班，今次只住一晚，冇時間玩了，禾選擇了在泳池游水。

再和小太熊出沙灘嘆一陣。

有客人在沙灘上食早餐，但咁樣就冇自助餐了，只有套餐。

禾忟又霸了一張沙灘椅嘆。

嘆完沙灘又返房間游陣水。

最後浸埋泳池景個熱水浴，便出去做SPA了。

SPA Centre也有自己的泳池，很多間SPA房。

出發前已經Book了10:00-11:30的SPA和2位女師傅，禾個師傅手勢很好，但最後30min很Hea衰收尾，小太熊的師傅是亞毛，小太熊話完全冇力，重未做過咁差的SPA。

咁差，看來下次一定唔會再住呢間酒店了。

11:30在酒店乘的士到市中心的街市Chợ Hàn (車費VND130,000，這架Vinasun Taxi是越南好信譽嘅的士，每1km要VND15,300。)

補充資料 :

1.     越南單次入境簽證HK$560，近年傳媒經常報導話越南簽證已經減價全部係流料。

2.     HK Express香港來回峴港機票每位HK$1798(不包行李和飛機餐)。

3.     峴港機場找換店USD$1=VND21,886 (當日Yahoo資料USD$1=VND22,294)

4.     從峴港機場乘的士到Fusion Maia Resort約10km，的士錶跳了VND150,000，另加VND10,000機場附加費。

5.     峴港的士是按錶收費的，但每部的士的價錢都唔同，即使係同公司同車種都可能有唔同，但起錶價和每km收費都會貼在車身，4日行程在峴港坐了6次的士也未遇過壞司機，全部都表示按錶收費。每km收費由VND12,000至VND15,300禾都坐過，起錶由VND6,000至VND11,000都有，不過，河內和胡志明市都係咁架，整體上，在越南坐的士好過泰國、馬來西亞甚至新加坡。

6.     Fusion Maia Resort每日有5班免費接駁專車來回會安市，但出峴港市要自己乘的士，酒店會代客截Meter Taxi，到市中心約VND130,000。

---待續---