東京築地壽司の神「壽司大」最美味的壽司 – 大拖羅壽司
日本東京築地市場是世界第一的海產批發市場，除了批發中心之外，場內亦附有大型街市和大量食店，其中以壽司店「壽司大」最出位，雖然05:00才開始營業，但聽說每朝03:00便開始出現人龍，由於店內只有13個坐位，要一嘗「壽司大」的神級壽司，排隊2hr應該是最低消費了；今次有幸在東京築地場內市場2016年11月7日搬去豊洲之前，能到築地最長人龍店「壽司大」品嘗世界上最美味的壽司，即使排了4.5hr隊也是值得的，希望「壽司大」在搬走之後仍然能夠保持今日的高質素。
極上‧北海道 – 序
2014年小太熊曾經問我：「想去北海道定去不丹呀？」
我當時答：「北海道幾時去都得，但去不丹行山可能出年已經冇力行了，趁仲有氣不如去咗不丹先啦。。。」
當日就決定了先去不丹，證明我冇錯呀，因為今日去不丹可能真係行唔到山了。這次，小太熊便再拿出佢2014年寫下的北海道行程，再從新整理及加長時間，完成這次近年少有的18天長旅程規劃。
原本以為去18日北海道，可以輕輕鬆鬆慢慢玩晒整個北海道，但小太熊一Plan之下才發現，北海道好大架，去咁耐都玩唔晒，要放棄小樽、登別那邊的地方了。小太熊好叻，設計了精彩的18日行程比我玩，不過今次佢迫我自駕10日，佢話去北海道唔自駕的話，好多地方會去唔到的。
極上‧北海道 18日 行程
Day 1
乘HK Express深夜機去日本東京羽田空港。
Day 2
清晨04:40到達羽田空港後，乘JR往築地市場，立即到壽司大排隊。食完壽司後到附近的築地市場及銀座行街。中午乘JR往 大洗，黃昏在 大洗港登船，住雙人海景房往 北海道苫小牧，晚上在船上食自助餐。
Day 3
早上在船上食自助餐，中午13:30到達 北海道苫小牧，立即乘JR往 扎幌。在 扎幌停留7hr，晚上23:00乘通宵巴士北往 稚內。
Day 4
05:30到達 稚內，在火車站Lock好大行李，帶備3日輕便行李，乘最早船往 利尻島。全日租單車遊 利尻島，活吃馬糞海膽和紫海膽，晚上住 利尻島温泉旅館「ホテル雲丹御殿」，食旅館的 全海膽料理。
Day 5
早上乘船往 禮文島，自己行山上 桃岩展望台。中午食完馬糞海膽後，參加半天團遊 禮文島，晚上住日本最北的旅館「アザラシの見える宿 礼文島スコトン岬」。
Day 6
早上乘船返回 稚內，到 稚内副港市場飲牛奶。往TOYOTA租車，開始10天北海道自駕遊。自駕210km往道東的 紋別，途經 宗谷岬停留60min，食 間宮堂的北海道元貝拉麵。
晚上住「紋別プリンスホテル」，晚餐在酒店吃 松葉蟹料理。
Day 7
早上要自駕130km往知床市，途經網走的果園 「よこやま果樹園」，摘櫻桃和士多啤梨做早餐，然後往 原生花園，中午到達 知床市，在市內名店「一休屋」午餐。下午自駕14km到 知床五湖行3hr，黄昏回 知床市食晚飯。晚上住知床市「お宿来羅玖」。
Day 8
04:00起床，自駕13km往 木下小屋。
05:30 - 14:30從木下小屋來回 羅臼岳(1661m)，中途需要穿上雪爪在冰川上行走。
下午回到 知床市，入住「知床グランドホテル北こぶし(Shiretoko Grand Hotel Kita Kobushi)」，晚上在酒店食自助餐。
Day 9
早上在酒店食自助早餐後，乘觀光船遊覽 知床半島。離開知床市後，自駕25km到天然瀑布温泉「カムイワッカ湯の滝」。
自駕50km到羅臼市 知床食堂午餐。
飯後自駕20km到 瀬石温泉，然後再自駕25km到 熊の湯。
晚上住 羅臼市郊「陶灯りの宿 らうす第一ホテル」。
Day 10
早上先到酒店附近的 熊越の滝，之後到 羅臼漁港，乘船出海睇鯨魚。
中午到「濱田商店」食新鮮北海道毛蟹，再往「らうす峠茶屋」食 羅臼特產鱧魚(Hamo)飯。
自駕140km到 阿寒湖温泉旅館「あかん湖鶴雅ウイングス」嘆世界，晚上在酒店食自助餐。
Day 11
早上在酒店食自助早餐後，駕車17km住野中温泉，用4hr來回 雌阿寒岳。
中午駕車90km往 釧路市，在 和商市場食下午茶。
晚上到「岸壁炉ばた」食爐端燒，住「幣舞の湯 ラビスタ釧路川」。
Day 12
早上自駕150km往果園「ルーツガーデンかみやま」，摘 櫻桃做早餐。
再自駕30km往 十勝名店「ウエモンズ ハート」，食雪糕飲十勝牛奶。
接着往旅館「十勝川温泉第一ホテル」內 的鐵板燒店「樹水」食十勝牛鐵板燒。
飯後到附近的果園「まくべついちご屋さん」摘士多啤梨、「十勝トテッポ工房」食芝士蛋糕和「た丼のとん田」食燒豬腩肉飯。
晚上住「十勝川温泉第一ホテル」，在酒店食自助晚餐。
Day 13
早上自駕100km往富良野「 かなやま湖畔」看薰衣草，接着往「吉田農園」食富良野蜜瓜。
中午駕車70km往十勝山區的户外活動店「TOMセンターハウス」，參加3hr渓流釣魚團 渓流釣り体験。
晚上住 十勝山區「三部牧場」，在牧場內晚餐。
Day 14
晨早起床搾牛奶，然後食早餐。
自駕130km往 夕張的「土門農園」食夕張蜜瓜放題
自駕85km返回十勝郊區的温泉酒店「星野リゾート トマム ザ・タワー」。
在酒店內浸温泉和晚飯。
Day 15
早上03:30起床，乘酒店的吊車上山頂看雲海，落山後浸温泉，07:30食早餐。
Check out後自駕100km往富良野的 美馬牛駅，租單車4hr，遊覽附近的名勝 四季彩の丘、拓真館、X'mas Tree等等。
下午自駕35km往十勝山區旅館 「十勝岳温泉 湯元凌雲閣」，在旅館內看日落、浸温泉和晚飯。
Day 16
晨早駕車70km往 富良野駅還車，沿途遊覽「しらひげの滝」和「青い池」。
還車後乘JR到 美瑛，租單車一日，遊覽附近的名勝 Ken & Mary樹、七星樹セブンスターの木、親子之木等等。
晚上乘JR到 旭川市，住「プレミアホテル – CABIN – 旭川」。
Day 17
早上乘JR到 中富良野，租單車4hr，遊覽附近的名勝 彩香の里、富田農場等等。
乘的士往 富良野名烤肉店「ジンギスカン白樺」午餐。接着遊覽附近的紅酒工場「ふらのワイン工場」、「ふらのぶどう」果汁工場、「くまげら(生牛肉飯)」等等。
晚上乘JR到 旭川市，住「プレミアホテル – CABIN – 旭川」。
晚飯到旭川市第一名食店「成吉思汗大黑屋」食烤羊肉。
Day 18(完)
早上乘巴士回札幌駅，再轉JR往 新千歲機場。
在新千歲機場的 一幻拉麵(えびそば一幻)食早餐，然後Shopping。
16:35乘國泰商務客位回香港。
極上‧北海道 – Day 1
今日會乘深夜機往日本東京，日間還要返工，放工後立即返屋企沖涼先。
沖完涼小睡1.5hr後，call的士往機場，收工時買了2個麥記10蚊包做晚餐。今次會乘HK Express，貪佢夠平又可以散買單程票，不過單程香港飛東京羽田空港都要每位HK$1910。
上到機放好行李後乜鬼都唔理了，立即瞓覺。飛機最後都係遲了15min，要23:45才正式起飛。
極上‧北海道 – Day 2
<<東京>>
飛機比schedule早了少少到埗，04:30便Landing，瞓到最懵吓懵吓的時間要落機了。由於有2014年小太熊在國泰頭等艙遺下電話的記錄，落機前禾照慣例很行貨地提提小太熊：「証件、銀包、電話、帶齊嘢」便落機。
羽田空港今早牡咩蝗蟲，唔駛等便入境了，剛過了入境處想行去等行李之際，後面的小太熊特然說：「唔記得攞行李櫃上的背囊呀。」
大鑊，今次有排攪了。不知點算，禾用番文問了個機場職員，佢叫禾响行李帶處等便可以，小太熊又用Google翻譯日文問了另一職員，答案又係一樣，禾忟便只好按得肛同志的教育「不忘初心(就係快啲攞齊行李過海關)、保持耐心(自己on9在先，點可以牡耐心呀)、緊定信心(在日本始終比較有信心，在支那就難說了，隨時又被人屈三五千)」地在行李帶處等，不需要打比禾的老母揾佢幫手，亦不需要表明自己是用特衰護照這尊貴身份入境的，只等了十幾分鐘，HK Express的機組人員已經把背囊送到，完全係禮遇式送遞。估唔到在日本唔需要姓6，只係姓小已經可以享受航空公司的禮遇式送遞。
趕得及乘05:36的JR直往 東銀座，出站後行15min便到築地市場。
沿途會經過劇場 歌舞伎座。
到達築地場外市場了，穿過場外市場便進入場內市場。
06:25終於來到目的地了，築地場內市場的壽司名店 壽司大。
只係早上06:25己經要排75、76了，還未計那些去了行街但有Fan排緊隊的人，保守估計共有90人左右。
除了「壽司大」，旁邊的「大和壽司」亦排了廿幾人。
禾計一計數，壽司大店內有13個位，每人平均用餐40min，即係要等足4hr。可能因為 壽司大 就快搬，所以即使今日只是平日亦那麽多人，上年星期日來都牡咁癲。牡辦法了，排幾耐都要食到為止，好彩今日預足時間排隊，唔似上年冇預足時間攪到食唔到。
和小太熊分頭排隊和行街，佢排先，我可以四處行吓。
一個行街都幾悶，無無聊聊入神社參觀吓，第三次去這2間築地神社了。
場內街市要10:00才開始營業，大叔們都忙碌地運貨中。
築地場外市場的 藍鰭吞拿專門店「黑銀」，即劏即賣吞拿魚，這麼早已經有人站着食緊了。
大拖羅壽司每件要¥1000，比 壽司大更貴，下次來一定試試，今次要留肚唔食住。
場外巿場另一名壽司店 喜代村亦有街檔，師傅一大清早已不斷劏吞拿魚。
場外巿場都有很多只有幾個位的小形 壽司店，亦很旺場，唔知味道如何呢，第日唔駛返工時要在東京住幾天，試晒佢哋。
場外市場的雜貨店陸續開舖了，人流漸多。
早上08:00，壽司大已經截龍叫人唔好再排隊了，上年9月星期日10:00都未截龍，可能因為就快要搬所以特別多人。數數人頭，前面還有56人啊。
同一時間的築地場內市場，其餘壽司店還有大把位。
輪到小太熊行街了，佢十分為食又忍唔住口，剛行到 場外巿場便發現這食店賣好嘢，買了外賣同我一齊食。
係新鮮北海道紫海膽和廣島生蠔呀，難怪小太熊忍不住要買。
燒北海道元貝(每串￥400) – 元貝肉很甜，但條黑腸要自己清走，都很核凸。
廣島生蠔(每隻￥300) – 口感新鮮爽脆，味道鮮甜但蠔味較淡；北海道紫海膽伴三文魚子(￥800) – 味道出奇的夾，海膽味道濃厚回甘，三文魚子魚油甘香咬落脆卜卜，超好食。
食完嘢後，我們分別再每人行一轉，10:00回來一起排隊。等到10:55終於有位了，等足4.5hr，是我這世人等得最耐的一餐飯。
這裡有￥2600和￥4000兩款店長推介套餐，亦可以散叫，我和小太熊都要￥4000套餐，包括10件壽司、湯、蛋卷和壽司小卷。排了咁耐隊，期望好高呀。
日式蛋卷 – 蛋味唔錯，但今早買的那件好味啲。
跟著師傅開始給我們新鮮即製10件壽司了，每件壽司都已經加入醬油，製成後立即送到面前，魚生和飯的比例是黃金3:2，剛好一口一件，令到魚和飯都能夠在口內完全融合，應該是吃壽司的最高境界了。
10件壽司有9件是師傅決定，最後一件是自選的，師傅首先弄製他推介的是日最強9款壽司。
整件壽司一口吃下的第一個感覺係，啲飯好好食呀，飯粒微暖軟綿綿兼且極有飯香，跟著才覺得大拖羅魚油甘香入口即融，完全融合了飯的質感和味道，是一件100分的壽司，如果把飯和魚分開吃必定沒有這效果。雖然以前也有吃過同樣質素的大拖羅，但肯定未食過這麼好食的壽司，可能因為魚和飯之間的味覺配合得太完美而出現的化學反應吧，這肯定是我這生人吃過最美味的一件壽司。
金目鯛壽司 – 魚肉鮮嫩魚味清香淳厚，能吃到金目鯛的獨有魚鮮味，從未食過這麽好食的金目鯛，配上被魚生覆蓋着的飯糰，是大拖羅之後另一件完美壽司。
海膽軍艦 – 海膽只屬冇腥味的中上貨式，鮮味和甘味明顯不足，剛送到面前已經睇住紫菜立即變軟，今早吃的鮮海膽好味啲。當然，這件軍艦整體上還是好食的，只是比較上冇咁頂級吧。
池魚壽司 – 好好食，魚生夠厚魚油豐足口感一流，深海池魚味道鮮美濃郁獨特，和金目鯛一樣咁好食。
活赤貝壽司 – 即劏即製，上枱時赤貝還會郁的，赤貝肉質非常爽脆，鮮甜度是我對赤貝的認知以外，原來赤貝可以這樣鮮甜味美，極品。香港吃的赤貝即使生劏亦必帶㸃腥味。
吞拿魚壽司 – 魚味香濃，不會令人失望的一件赤身壽司，好食。
太刀魚壽司 – 呢件就普通了，較淡口肉質比較腍，但點都唔係差。
海鰻壽司 – 普普通通的中上貨式，好食但絕對唔值得排隊食。
四式壽司小卷 – 完全係普通嘢，只用來飽肚的。
最後一件是自選壽司，我哋當然選大拖羅啦，食4件都返本了，看看附近，個個人不論亞洲人定老外都是選大拖羅，其實不同人種有不同口味是假的，最頂級好味的食物個個正常人都鐘意食，只有支那蟲才會叫人煮熟佢。
食完還有些唔夠，便追加幾款新嘢試試。
中拖羅壽司(每件￥500) – 沒有大拖羅般油甘香口，但魚味較濃，我覺得同大拖羅一樣咁好食。
鮑魚壽司(每件￥700) – 和一般活鮑魚一樣，淡淡的冇咩味，肉質很硬實，唔好食，小太熊好醒目冇叫呢件。
這餐食足50分鐘，埋單2人合共￥10700便可吃到最頂級的壽司，非常抵食，排咁耐隊都唔算on9。
食完已經11:45了，午飯要放棄，小太熊決定改去銀座行街。
在銀座的大公司行了一陣，小太熊又話禾個樣牡咩心機行街，攪到佢行得唔夠舒暢喎，咁禾個樣係咁架嘛，佢心理作用啫。
最後行唔夠半粒鐘小太熊就話：「算啦唔行啦，去Tea啦。」
店內裝飾冇乜特別，亦仲有位。
水蜜桃撻(￥679) – 水準中上啦；冰佰爵茶(￥540) – 普通茶一杯。
店內人氣甜品 宮崎芒果撻(￥1954) – 芒果冇呂宋芒咁香甜，個撻就一般，整體上都係一般，但貴到喊。
食完嘢上吓網坐到13:30，行過隔離的 有楽町駅，乘JR住 水戸(茨城)，再轉私營的鹿島臨海鉄道線往 大洗，全程￥2590。
原來 有楽町駅是細站，沒有人手售票，但自動售票機最多只可以買￥1660的票，職員便叫我先買張￥1660的票，去到 水戸(茨城)在出閘時再補回差價(￥610)，然後再買票去 大洗(￥320)。
<<大洗>>
16:32到達 大洗，18:00才開始登船，可以先逛一逛。
一場來到鄉下地方，試試這裡的鄉下食物，近近地選了這間 麵屋渡來人。
17:00剛開鋪便行入去，做第一個客。
味噌拉麵(￥850) – 味道唔錯的拉麵，但不值得專程來食。
食完麵行返火車站乘的士到大洗港碼頭(￥730)。
乘這艘船「商船三井フェリー」往 北海道苫小牧，船程要19hr，價錢比飛機貴，小太熊知禾鐘意坐船才特燈Plan這行程。
船上的Reception，和大郵輪當然冇得比啦。
海景雙人房(￥43980) – 房間算整潔，窗口幾大，價錢唔包船上的餐。
18:30準時開船了，烏雲密佈。
船上的餐廳，供應早、午、晚餐，早晚餐套票每位￥2400，都幾抵食。
船上的餐廳，供應早、午、晚餐，早晚餐套票每位￥2400，都幾抵食。
大洗吟釀(￥669) – 剛才在大洗駅附近買的，慳返少少，但小太熊話禾巧Cheap。
自助餐都好多嘢食，味道和質素都中等啦，唔算差，這價錢算抵食。
食完飯到船上的 展望浴場浸一浸，洗清近期的衰氣，愉快地迎接 極上‧北海道的長假期。
補充資料 :
1. HK Express香港去日本東京羽田空港，單程機票(包一件20kg行李、不包餐飲)每位HK$1910。
2. ￥100 = HK$7.57 (永恆找換公司)
3. 乘 JR京急空港線從 羽田空港往 東銀座車程30min，車費￥570。
4. 東銀座地鐵站內有大Locker，每天￥500。
5. 從東京銀座往 大洗港碼頭，可以乘JR到水戸(茨城)，再轉私營鹿島臨海鉄道線去大洗駅，連轉車車程約3hr，車費￥2590。
6. 從大洗駅到大洗港碼頭約2km，乘的士￥720。
7. 從本州大洗港乘船住北海道苫小牧，船程19hr，雙人海景房每位￥21990，船上有免費海景浴場，每位另加￥2400可享自助早晚餐。船上有飲水機供應清水。
---待續---
排了4.5hr for this sushi shop is unbelievable. I recall I intend to visit this shop some years ago but finally gave up because of the long queue.
回覆刪除我上次都放棄過，但點都值得試一次的，當飛機delay在機場呆等吧，最緊要係事後都冇覺得白排。
刪除恭喜發財,有魚有肉看得飽了多謝分享
回覆刪除恭喜發財，身體健康😀
刪除