檳城食神 • 玩轉Pangkor (完) – 檳城喬治城 最强美食

馬來西亞檳城George Town的榴槤王「榴槤德」

檳城(Penang)有很多賣榴槤的攤販，其中最出名和最多貨的要算是George Town的「榴槤德」了。禾分別在2011年和這次2016年幫襯佢食了7個不同品種的榴槤，全部都係頂級靚貨，比較隔離的「榴槤興」更好，只有「寶盛園」的榴槤才能把他比下去。可惜，由於佢生意太好，榴槤的價錢已經比2011年時高了1倍有多，比「寶盛園」更貴。

檳城食神‧玩轉Pangkor – Day 4

<<Pangkor Laut Island>>

今朝又係07:20開始行去食早餐，又見到 砂勞越怪鳥同禾講早晨呀。

今次坐入花園食，小太熊鐘意冇咁矖。

鮮榨西瓜汁和菠蘿汁巧清甜呀，食物就普通了一點。

08:30又去上瑜伽班，今日共有7個學生，動作比昨天更加難，邊做到吖。

上完堂去游陣水，話咁快又到11:00 check out時間。

呢間Resort都幾小氣，禾明明已經掛了「Don’t Disturb」牌在門口，但剛到11:00便有職員打門，提醒禾check out時間已經到，問禾有牡醒李要佢幫手拎，真係差勁到爆。

快船12:00準時開出，相信呢世都唔會再返來了。

<<檳城>>

昨天約了司機12:20在碼頭等，佢非常準時，14:45便返到George Town，在「興發茶室」落車。 

近年在檳城甚有人氣的茶室「興發茶室」

這裡最出名係 炒粿條，多年來均由2位載小紅帽和潛水鏡的亞姐落場炒，鑊氣超爆。

話梅桔仔冰(RM3) – 馬來西亞特色凍飲，酸酸咪咪超好飲，禾每次都叫。

炒粿條(RM12) – 即係炒貴刁，今次係自從2011年起第3次幫襯了，細細碟，鑊氣十足，有4隻中蝦，蝦肉鮮甜中帶少許爽口，味道依然極佳，完全牡跌Watt，係檳城最強炒粿條，價錢亦是最貴，下次再食。

下一站係檳城另一人氣茶室「南興茶室」，馳名「姊妹炒粿條」。

差不多收舖了，但人客明顯牡剛才咁多。

「姊妹炒粿條」只剩個名，現在係由個亞伯炒，係咪應該改名呢。

姊妹炒粿條(RM5) – 粿條的份量和剛才差不多，有2隻中細蝦，味道都很好，只是比不上剛才那碟，但價錢平足60%。

食完粿條之後沿大馬路行足15min來到「榴槤德」，佢剛好開檔。

榴槤車剛到，榴槤德同伙記立即快手把榴槤分類，然後放上木架上，正式開檔。

非常多客，堂食外賣都排長龍，阿德快手快腳不停地開榴槤，好似開親都靚喎。

榴槤冇標價亦冇人問價，個個都只係講要幾多個和要邊款，任佢開任佢收錢。禾忟坐下堂食，開了4個，吃了差不多一半，餘下的用真空包裝上機。

貓山王 – 比寶盛園出產的貓山王更佳，是今早樹上熟的一級新鮮貨，完全成熟，外皮夠乾爽脆卜卜，榴槤肉黏喉中帶點甘苦和奶酥味，甜度中等，比在 星加坡吃的更好。

黃薑 – 第一次吃這品種，奶酥味道相當特出，大甜中帶點微苦，極度黏喉，正到暈。

蘇丹王 – 甘苦味十分濃郁，微甜中帶輕微奶味，果肉黏度不及黃薑但適中，勁好食。

「XO」 – 黏度較小，微甜微甘苦再帶點酒味，感覺很香濃醇，真係像榴槤中的XO。

4個榴槤總共約7kg，收了RM295，平均每kg要RM42，和寶盛園差不多價錢了，比2011年加價一倍有多。

沿途行去下一站，見到城內的舊屋已經翻新很多了。

椰青專門店 Joez Coconut Jelly

椰青啫喱(RM4.7) – 用甜椰清水製成，清甜涼透心，好好味的甜品。

椰青(RM3) – 味道太淡，完全唔甜帶點微酸。

跟著Walk去檳城另一人氣福建麵店「888福建麵」。

福建麵(RM4.3) – 湯底蝦頭味極鮮濃，麵質亦很好，品質極高的一碗福建麵，下次再食。

食完麵行10min去酒店，位於汕頭街旁邊的舊樓對面。

Le Dream Boutique Hotel 是新酒店來的，價錢很平又多嘢送。

大堂裝飾都唔弱架。

雙人房連早餐(HK$421) – 另外再送14:00-24:00天台酒吧雪糕小食及茶啡，還送2kg洗衫服務，再加17:30-19:30下午茶。

不過禾唔食酒店嘢了，繼續食檳城地道美食。從酒店行15min，便到達馳名區內的食店。

「德盛飯店」最出名是小菜，未夠19:00已經人山人海在等位。

巧彩小太熊用email訂了位，唔駛15min便有位坐底了。

夏枯草(RM2) – 太甜，涼茶味一般；荔枝利賓納(RM4) – 普通利賓納加幾粒罐頭荔枝。

招牌豆腐(RM10) – 豆腐很滑和有豆味，都很多蝦肉碎，小太熊話呢味最姣痴。

咖喱魚頭(RM27) – 餐牌冇呢味，要問至有，魚頭幾靚味道亦唔錯，但得幾小件而且肉和Jelly都少。

火肉小辣椒(RM17) – 招牌菜，火肉炒到很乾身，落了大量醬油和辣椒再炒乾，味道濃郁，非常刺激香口，送啤酒一流，可惜牡咩豬肉鮮味。

馬來雞(RM17) – 味道和口感都和上面那碟差不多。

靚仔(RM1) – 抵食

食完飯行另一條路回汕頭街，禾記得這段路以前行過了。

有白糖糕賣，特然間好想食。

白糖糕(RM0.9) – 差不多賣晒了，口感比香港吃到的好好多，少少甜米糕味亦較重，少了禾不太喜歡的醋酸味，姣痴。

行到汕頭街，小太熊入去權記攞位先，禾就四圍買嘢比佢食。

George Town汕頭街有幾檔小食很出名，其中之一是「權記鴨粥粿汁」，佢專賣鴨湯鴨絲粥和粿條。

權記鴨汁粿條(RM7.5) – 湯底很濃鴨味，鴨肉較淡口，粿條的口感一般，可以一試但下次唔會再食。

「天皇雞脚」是汕頭街另一人氣小食，位於權記對面，可以order完入權記的店內吃。

天皇雞脚(RM3.5) – 普通好味，唔算差又唔係好好，只勝在夠平。香港很多茶樓或點心店的鮑汁鳳爪好食過佢多多聲。

附近一檔人氣糖水店「汕頭街四果湯」

Order完便入店內坐底等食。

養生四果湯(RM4.6) – 有齊龍眼、白果、蓮子和紅豆，加上冰糖水，普通一碗冰凍糖水，味道一般完全牡驚喜。

龍眼王湯(RM4) – 比上邊那碗更普通，但行到周身汗用來降降温還是可以的。

正豆精(RM1.2) – 即係凍豆槳，豆味清淡少甜，味道像細個時放學後在街邊飲的豆槳一樣。

夜晚返酒店，在天台的酒吧坐底飲杯茶食杯雪糕，免費的。

籃梅雪糕味道唔錯架，好過剛剛那碗瑭水。

天台還有2個大按摩池，但太攰唔玩了。

今日真係好飽，食到頂住個胃。

檳城食神‧玩轉Pangkor – Day 5(完)

今朝06:15起身，06:40出門口，原本預算行20min到「鶯羅茶室」食 咖央多士做早餐，但行至中途特然落起瀑雨，被迫回頭。

07:20在酒店食早餐，房價收咁平，早餐味道當然普通啦。

早餐後用Uber去機場，可能時間太早很少車，等了差不多10min才見一架收費 x2.1的車，見都比的士平很多，即要。

雖然車費已 x2.1收RM36.8，但仍然比的士RM45平一大截，又唔駛比的士司機開天剎價，Uber真是本世紀最偉大發明。

原本乘08:00航機返香港，但例遲的港龍今次又delay 1.5hr，原因? 佢話因為昨晚香港飛檳城的航機遲了1.5hr到檳城喎，死味。

補充資料 :

1.    港龍香港來回檳城機票每位HK$2008。

2.    百年找換店RM1=HK$1.94，比在檳城換錢更抵。

3.    簽Visa Card RM1=HK$1.96。

4.    從檳城包長途車來回Marina Island, Lumut每程收費RM300，180km的車程大約2.5hr，可以聯絡 吳先生，電話：+60 17-426 8922。老實。

5.    檳城的士全部不肯按錶收費，在George Town極短途的叫價都要RM10至RM20，成交價多次來禾都未試過低於RM10。

6.    檳城George Town到機場乘Taxi收RM40-RM45，Uber正價約RM18。

7.    在George Town叫Uber十分方便，從早上07:30至深夜都很多車，價錢只係的士30-80%。

8.    「榴槤德」的榴槤有真空包裝，可以上飛機。

-----檳城食神‧玩轉Pangkor (完)-----