檳城食神 • 玩轉Pangkor (2) – 綠中海度假村Pangkor Laut Resort

馬來西亞Pangkor Laut Island島上的  Pangkor Laut Resort(綠中海度假村)

Pangkor Laut Island(幸福島)是位於 馬來西亞邦咯島(Pangkor) 附近的一個世外小島，小島多年前被大馬一位富豪買下，作為送給佢老婆 – 香港藝人 陳儀馨的結緍禮物，緍後把小島取名 幸福島，並在島上建了Pangkor Laut Resort(綠中海度假村)，Resort內的水上屋是地球上第一代的水上屋酒店，當年確是靚絕亞洲區，和馬爾代夫有得揮。Who is 陳儀馨?佢曾經替無線演過哪吒，做過歡樂今宵。咩係歡樂今宵？啲老Hea細個時晚晚煲嘅節目囉。

檳城食神‧玩轉Pangkor – Day 2

<<檳城>>

  

今朝06:30要起床了，在房內望見檳城日出。

太早未有Uber車，要從酒店步行15min，來到檳城人氣的「和喜荼室」，內有檳城美食 福建麵。

檳城 和喜荼室

和喜荼室話就話開07:30，但禾07:10來到已經很多人等緊 福建麵了。

話梅桔仔冰(RM2.4) – 酸酸甜甜勁好飲的馬來西亞華人特飲，禾每餐必叫。

和喜荼室內最人氣的攤檔「雲來福建麵」，個個來和喜荼室都係為了吃佢的麵。

福建麵(RM5.5) – 湯底帶有鮮甜的蝦頭鮮味，又濃又鮮，極度美味，蝦肉鮮美，只是油麵太淋，質感上欠了一點，有欠完美。

和喜荼室內另一檔「賣菜街豬腸粉」，人氣不盛，禾為食叫了一碟。

檳城 豬腸粉(RM2.8) – 腸粉非常軟滑，伴上蝦米碎、辣醬和蝦醬一齊食，好好食架。

食飽早餐，從第二條路行返酒店，途經很多唔出名的茶室，但都唔少食客。

08:00回到酒店，到新翼的新“1885”餐廳食早餐，人多到爆。

有即榨鮮果汁，小太熊要了“紅籮白加薑加檸檬”。

今朝已經食飽，所以吃些水果算了。

小太熊最後還是忍唔住口，拿了咖哩羊和咖哩雞，又幾鬼好食。

小太熊Book了程長途車從檳城去Lumut附近的Marina Island，180km路程收RM300，價錢很合理，那裡有去Pangkor Laut Island的專用碼頭。

司機準時10:00到酒店接禾忟，12:40到Marina Island。

Pangkor Laut Resort的接待處。

先送來2杯冰涼的山渣特飲，幾好味道。

由於太多客，13:00的船Full了，要乘13:25的加班船。

乘這快船，只係10min船程便要收每位RM80.....貴到.....馬拉佬真係有病。

<<Pangkor Laut Island>>

到Pangkor Laut Island了，間Resort都巧令啊，今次住水上屋。

13:40去到Reception，但有房都唔比Check-in住，所有住客一齊到15:00至可以Check-in，全馬拉的酒店都係咁衰的。

出發前2星期，小太熊send了e-mail比酒店想Book明天的釣魚和Snorkelling兩項活動，但冇人回覆，早幾日再send一次都係唔覆，便趁現在有時間去活動部Book位啦，點知佢話今天明天都Full了，要後日才有位......有你條命咩，後日走了，e-mail又唔睇，這Resort實在很差勁，得個貴字，服務九流。唯有完全休息啦，幸好還有免費太極和瑜伽，立即報名留位。

行行企企至15:00，終於有房了。

  

沿着木棧道行出水上屋，海水很碧綠，像寶石咁靚。

水上屋沿海邊而建，密度太高，有欠私隱度。

只有個別幾間屋的私隱度夠高，禾果間只係中等，但明明小太熊Request了高私隱度的，但見間屋冇人住都唔比禾，肯定又係唔理e-mail，太差太差。

Sea Villa水上屋(連早餐)每晚HK$2557

浴室空間感大，浴缸面向大海好舒服，可惜唔可以開晒三面窗，否則會被隔離屋望到。

露台超大，在這裡食榴槤好舒服。

放下行李，出外尋幽探秘了。日光日白見到很多蝙蝠倒吊在樹上。

隻隻都很肥大，唔知可唔可以煲蝙蝠湯啦。

島上唯一中菜餐廳Uncle Lim’s Kitchen，只供應晚飯，今晚在這裡食。

島上都有唔少生態，蜥蜴和蟹都不難遇見。

餐廳Fisferman’s Cove，只供應晚飯，但要穿恤衫長褲，價錢仲超貴，只叫Main Course和飲嘢每人都成RM250，完全唔考慮。

SPA Centre Reception，SPA又係天價，平均RM400一粒鐘，儍嘅。

SPA Centre外的泳地，很容易便可以消磨幾個鐘。

Jamu Bar位於泳池畔，飲杯嘢只需RM18起，都幾抵。

Resort另一Infinity Pool，在這裡游水嘆世界了。

泳池畔是Royal Bay Beach Club，只供應午餐輕食，全島最平。

時間過得好快，16:30可以正式開始嘆了，游水加按摩池。

游完水返房休息一會，很快又到19:00晚飯時間，出去食飯了。

黃昏時分的水上屋，今日很多雲。

中菜餐廳Uncle Lim’s Kitchen，坐在海邊雙人位，環境滿分，但入黑後很多蚊，一定要蚊怕水。

炒白菜(RM47) – 極貴，但菜很新鮮，炒得不太油，份量夠大又好食。

Uncle Lim’s Fantasy Prawns (RM100) – 只有4隻大虎蝦，但每隻可以分五啖食，用了XO醬爆香，雖然貴但好食。

Uncle Lim’s Aromatic Style Fish(RM106) – 香茅蕉葉檸檬草蒸魚，半條魚肉約300g，算係鮮嫩，味道亦好。

白飯免費任食，另加茶錢每位RM6。

這餐飯雖然貴，但整體上味道很好環境亦好。

晚上的Uncle Lim’s Kitchen

島上另一餐廳Feast Village，明天在這裏早餐。

Resort的圖書館

24hr健身室

今晚有少量星星，入黑後的Sea Villa一樣咁靚。

補充資料 :

1.    從檳城包長途車往Marina Island, Lumut收費RM300，180km的車程大約2.5hr，可以聯絡 吳先生，電話：+60 17-426 8922。老實。

2.    Pangkor Laut Resort的房有平有貴，平至幾百港元都有，但入島後的消費甚高，3小時活動收RM240，吃碟意粉飲杯嘢最少RM100，來回船費每位共RM160。

3.    島上有無限免費樽裝水供應，就算是在泳池或沙灘曬太陽，員工也會送上一樽冰凍的清水。

4.    Check-in時酒店免費借用Wi-fi蛋，可以在島上任何位置上網。

5.    Resort有免費獨木舟和浮潛用具借用，但沿岸冇咩好玩，亦冇珊瑚和魚。

6.    Resort每天08:30有一堂免費瑜伽，09:30一堂免費太極班及16:30一堂免費靜態瑜伽，加埋2個泳池1個沙灘，即使不參加任何收費活動，住2天也不會覺得悶。

7.    島上多蚊，必須有蚊怕水。

---待續---