極上 • 北海道(2) – 扎幌 尋味旅程

日本北海道產的 紫海膽 – 新鮮破開洗淨後伴上三文魚子同吃，更見鮮美甘甜。

日本北海道每年6至8月都盛產海膽，其中以北方的 利尻島和禮文島產量最多，出產 紫海膽及海膽中的XO 馬糞海膽。在今次十多天的北海道旅程中，在不同地區嘗過很多海膽，最美味的是在 禮文島吃到的新鮮 馬糞海膽，那種入口先甘苦後甘甜的味覺留在舌頭和喉嚨歴久不散，令人回味無窮。這種令人宵魂的味覺感受，從來不會離開 利尻島和禮文島。

極上‧北海道 – Day 3

  

前晚通宵機瞓得很差，今早終於可以安樂醒。

一早起床首先浸個浴，這船上的全海景浴場一邊浸會一邊搖吓搖吓，實在令人relax。

浸完浴可以瞓低休息一會。

早上第一個行入餐廳食早餐，好多位㨂。

今次霸了張海景枱，剩食環境都值回票價。

早餐味道一般啦，唔算差。

食完嘢去甲板行吓，今日天氣比昨日更差，很大霧呀。

<<苫小牧>>

13:00船開始泊岸了

13:25已經步出碼頭，立即上了架的士直往苫小牧駅(￥1430，大行李不收費)。

苫小牧駅 趕得及14:03開往 扎幌的火車。

乘這JR往札幌，車程65min，車費￥1450。

<<札幌>>

到達 札幌駅後，行一個地鐵站到 大通駅旁邊的巴士站買今晚的通宵巴士票。

剛起步不久便下雨了，開始時雨勢未算很大，但行到大半時越來越大，有傘都濕身，被迫在一幢大廈內避雨。

過了20min，雨勢不但沒有減弱，而且越來越大，橫風橫雨，牡辦法了，決定和小太熊一起衝出去，跑到 大通駅內再避。

衝出去後當然濕晒啦，最頂心係衝完後雨勢立即減弱，而且之後整晚都冇再落大雨了....

事後小太熊話禾安排得唔好，應該花幾百円坐的士去巴士站，咁咪唔駛濕身囉......知道，下次一定坐的士。

幾經辛苦終於找到巴士站，成功買了今晚23:00開往 稚內的通宵巴士。

在巴士站Lock好大行李(￥500)後開始行街，第一站先去附近的 二条市場。

行到 二条市場都15:45了，還是下著雨。

市場內的水果店，賣的北海道蜜瓜都非常貴。

很多即食冰鮮蟹，價錢一點也不覺得抵食。

行到街尾這檔 堺本商店，終於發現好嘢了。

活北寄貝每隻只是￥450，可以做刺身即場食，買了一隻。

正宗北海道大元貝每隻只係￥250，價錢是香港的12%，點捨得唔食。

㸃好海鮮後比完錢，亞姐便拿入店內即劏。

苫小牧北寄貝刺身(￥450) – 鮮甜爽口，正。

北海道厚岸生蠔(左)(每隻￥200)；北海道昆布森生蠔(右)(每隻￥250) – 肉質爽脆，鮮甜度一般，日本蠔的蠔味始於係唔夠濃。

北海道元貝刺身(￥250) – 最好食呢味，鮮甜味美，抵食到暈。

食完嘢見到市場內的店舖開始收檔了，估唔到未夠17:00便收檔，好彩早少少到才有得食。

跟著由 大通站乘地鐵到 美園(￥250)，出站後行15min，便到北海道冧爸溫的拉麵店 麵屋彩未。

麵屋彩未 – 17:30去到已經排了20人，如果唔落雨可能仲多人。

等了20min才有位，因為師傅煮麵都做得幾慢，落完單要等15min才有得食。

黑烏龍茶(￥200) – 勁消滯，啱晒我飲。

味噌拉麵(￥750) – 叉燒夠腍又有豬肉味，湯底唔錯，麵質硬了一點㸃，但是整體上都值85分。(和歌山井出商店的拉麵是100分)

塩湯拉麵(￥750) – 較味噌湯清少少，但一樣咁好食。

白飯(￥50) – 見到很多日本人都叫一碗白飯，加入麵湯同吃，我入鄉隨俗試一試，都幾得意幾好味架。

食完麵坐地鐵返扎幌駅附近行街，雨終於停了。小太熊話下一站要去 雪印食雪糕，佢話係我揀的，但我真係記唔起係我㨂。

雪糕專門店「雪印パーラー」樓下是商店，樓上是餐廳。

北海道牛奶雪糕伴紅豆綠茶(￥980) – 牛奶味很香濃，雪糕亦很滑，配料就一般，在北海道只要用￥400，四圍也可以吃到這質素的雪糕。

北海道牛奶雪糕伴夕張蜜瓜果凍(￥980) – 雪糕好食，但果凍就得個名，完全冇夕張蜜瓜味道。

赤れんがテラス (Akarenga TERRACE) – 在雪印對面，是札幌的大型商場，小太熊plan了在這商場Shoppig消磨2.5hr。

行了唔夠30min，小太熊又話禾個樣太牡心機令佢巧唔舒暢，決定唔行了，改為上樓上食嘢。樓上有很多餐廳，千揀萬㨂，揀了食 十勝和牛燒。

Yakiniku Bar TAMURA – 十勝和牛燒專門店

入門口便見到「十勝和牛」的大字，好似好好味啊。

坐在中間2人枱，店內抽煙抽得很乾淨。

豪華焼肉プレート(十勝和牛拚盤)(￥12000) – 共470g，有齊A5十勝和牛不同的部位，單看賣相完全滿分。

可惜不是炭燒，扣晒分了。

牛舌和牛脊肉都很肥美，冇根冇渣入口即溶，充滿牛油香但肉味唔夠濃，都幾滯。

十勝和牛肉眼 – 肉質很嫩肉味亦唔錯，少食多滋味。

食到好飽，今晚通宵巴士實唔會餓親了。早少少慢慢行去巴士站，沿路影吓相四圍睇吓。

扎幌時計台

大通公園 札幌電視塔

夜晚乜都關了門冇乜好行，22:00便回到 巴士站，等多一個鐘才上車。

扎幌去 稚內的大巴士，車程6.5hr，車費每位￥6200。

巴士準時23:00開車了，司機經常把冷氣關掉，令車內又焗又熱，我整晚不斷標汗成頭加背脊濕晒，但啲變態日本佬居然要穿大衣，太變態了。

補充資料 :

1.     乘的士從 苫小牧港到 苫小牧駅車費￥1430，大行李免費。

2.     乘JR從 苫小牧駅到 札幌駅車程65min，車費￥1450。

3.     從 扎幌乘巴士到 稚內車程6.5hr，車費￥6200。

4.     ￥100 = HK$7.57 (永恆找換公司)

---待續---