夢迴長生の島 沖繩八重山(3) – 夢闖 石垣島

沖繩八重山 • 石垣島川平彎

石垣島 位於日本沖繩八重山群島的南方，為八重山群島的政治和經濟中心，面積是沖繩縣內的第三大島。雖然石垣島屬於沖繩縣，但距離沖繩主島超過400km距離，反而離台灣只有270km。在日治台灣時期有千多位台灣人來到石垣島開墾，期後留在石垣島居住。石垣島最著名的景點是北部的 川平灣，那裡少量出產稀有的黑珍珠，並以淨白的沙灘和清澈碧綠的海水吸引大量旅客。

夢迴長生の島 沖繩八重山 – Day 2

<<石垣島>>

早上潛完兩個Dive，潛水店包埋午餐，在潛水店和店員一起食住家菜。

食物放在大廳任攞，有菜有肉有湯有飯，幾好味架。

店員們坐在戶外涼亭食。

我們在大花園中間食，好好Feel呀!

食完Lunch，潛水店車我們到 川平彎的旅館，今晚住川平彎的民宿 – 前高屋。

前高屋 – 是一座兩層高的普通民居，部分房間招待旅客。

老闆介紹屋內可用的設施，地下是公用的廚房和休息室。

雙人川平彎景淨房 (每晚￥8000) – 房面向川平彎，景色靚到不得了，但面積很細並且有點殘舊。

前高屋的位置向正 川平彎，個景靚到不得了。

放下行李休息一下之後，到隔離間古法製酒廠 – 高領酒造所參觀。

川平彎 高領酒造所

高領酒造所 – 商鋪內有多款古酒出售，部分可以試飲的，除了即時買走之外，酒廠可為客人買了米酒之後再在店內保存10年，使米酒可以在酒呈內繼續發酵更加香醇，讓他們10年內除時回來品嘗，似另類時間囊。

店內有博物館，放置了很多釀酒用的瓦缸。

高領酒造所的 古法製酒場，今日好像休息。

我和小太熊買了一呈陳年米酒，定名「10000年の戀」，約定 2021年7月再回來這裡開呈暢飲。

陳年米酒「10000年の戀」(￥4800)

跟住閒逛石垣島的 川平彎和川平公園，碰正麗星郵船泊岸，超勁多人好可怕，好彩30min後佢哋要返上船，即刻清靜返。。

石垣島 川平彎 – 海水呈現碧綠色，沙灘感覺原始美。

川平彎雪糕店 – 買杯Blue Seal雪糕嘆吓。

竽頭加沖繩菠籮雪糕(￥450) – 口感幼滑兼密度高，竽頭和菠籮味都很重，奶味亦香濃，Blue Seal雪糕真係超好食。

逛完川平公園，從這間食店 味屋じんべい起步，沿大路向北行3km，到達石垣島Club Med旁邊的 平離島睇日落。

沿途主要行平路，景觀主要是田園，偶然見到石垣島的吉祥物。

Club Med和 平離島的分岔口

最尾一段路要上斜，行到標汗。

平離島 – 遠望見最出的小島便是平離島，石垣島最北的小島。

附近的風景都好靚。

平離島睇日落

味屋じんべい – 睇完日落，行1hr回頭路返川平彎，在這間居酒屋食飯。

店內很有家庭Feel，人客唔多。

冷清酒(￥450)；汁煮金目鯛加石垣刺身盛(￥1600) – 金目鯛冇預期的鮮甜，只係普通魚，刺身有青衣、吞拿、八爪魚、章紅和另外兩款地魚，味道中上，整體上是中等質素的料理。

鰻魚壽司(￥680) – 好食，飯和鰻魚都靚。

沖繩苦瓜炒蛋(￥530) – 好味，比昨天吃的好食得多。

盬燒海蝦(￥500) – 蝦味濃郁……好正。

川平彎的民宿 – 前高屋，今日玩到好攰，要瞓覺了。

---待續---