夢迴長生の島 沖繩八重山(4) – 夢遊 竹富島

沖繩八重山 竹富島 – 觀光水牛車

竹富島是沖繩八重山其中一個小島，位於石垣島西南方約6km，面積5420平方米，人口只有323人，從石垣島乘快船只需10分鐘。竹富島上滿佈傳統的紅磚頂民居，東部又有星砂海灘，是沖繩八重山首屈一指的景點。

夢迴長生の島 沖繩八重山 – Day 3

<<石垣島>>

今日晨早06:30起身，乘 07:30的巴士返石垣市。

原本只需要買單程票(￥700)，不過落車時我和司機溝通出了問題，佢賣了張5天巴士票(￥1000)給我，落了車才發現，每人白饋了￥300，因為唔會再坐巴士了。

石垣島5天巴士票(¥1000) – 如果玩耐啲真係好抵。

08:15到達石垣市今晚和明晚住的酒店 Hotel Abiyan Pana，放下行李，立刻行去碼頭，剛趕到 08:50的船去 竹富島。

石垣島往竹富島的快船，船程只需10min。

<<竹富島>>

09:00到 竹富島，小島面積不大，可以步行觀光。

從碼頭行幾分鐘便見到很多 石垣牛，你哋好好味啊。

沿碼頭行去島中心途上見到傳統紅瓦頂屋，小徑兩旁是用珊瑚石砌成，好有特色。

郵便局 – 入去寄了張Postcard回港，郵費￥70。

竹富島中央的村庄，小屋都被珊瑚石砌成的圍牆分隔。

竹富島 觀光水牛車，早上太多人，等行完街黃昏至坐你哋。

竹富島 赤山公園暸望台

竹富島 紅磚頂村屋，行上暸望台便看見。

竹富島特產 苦瓜雪條(￥150) –  有少少苦味，不過甜味更重; 沖繩海盬雪條(￥100) – 唔係太咸，奶味比咸味更重。

竹富島  招福石獅子

竹富島  百年榕樹

竹富島  生命の草

竹富島 指路牌

星砂海灘(Kaiji) – 好多人在執星沙。

在地上隨意找一手沙真係有十分一係 星沙。

沙灘上好多寄居蟹仔。

沿 星砂海灘行去 KonDoi Beach

竹富島KonDoi Beach – 可以澗水行出海中的沙丘玩。

お食事処 かにふ – 中午在郵局附近的這間料理店食午餐。

漢堡石垣牛定食(￥1700) – 味道唔錯喎，牛肉很香口，抵食。

八重山豬肉湯麵(￥800) – 味道一般，麵的口感像油麵。

竹富島最後一擊 坐水牛車 – 中午的遊客走晒，可以和小太熊 2個人坐一架水牛車。今早最多見過一架牛車載 20人啊!!

牛伕沿途會用三弦線樂器自彈自唱民搖，好好Feel架。

後面隻牛行得好快，架車又係得兩個人咋。

坐完牛車乘中午15:00船返石垣島，從碼頭行返酒店只需10分鐘。

<<石垣島>>

Hotel Abiyan Pana – 位置尚算便利，價錢實惠。

雙人房(連自助早餐)每晚￥7000 – 房間有點殘舊，但可以接受。

由酒店行去 請福泡盛，行足半粒鐘，行到小太熊有些黑面。

請福泡盛 樓上係造酒博物館，樓下係門市，可以試飲，我就覺得有啲悶。

睇完又行返酒店，小太熊因為對住腳太攰越行越面黑，大鑊了……..

返酒店洗個面休息一陣後，坐的士(￥680)去全島最貴的和牛名店「石垣屋」食飯。石垣屋 是一座古建築，店內只供應最頂級的石垣牛 – 即來自石垣島美崎農場的<美崎牛>。

石垣島的和牛名店 石垣屋

早到有靚位坐

請福泡盛(￥840)

凍烏龍茶(￥280)

美崎牛舌(￥1800) – 用天然炭火燒至半熟的美崎牛舌再加些石垣海鹽。

從未試過這麼香濃好食有口感的牛舌，感覺黯然銷魂啊!!!!!

沖繩苦爪炒石垣牛肉(￥980) – 雖然好好味，但給其他幾味食物完全比下去，唔應該叫。

半熟美崎牛壽司(￥1500) – 牛肉入口即溶壽司飯香軟，帶有炭火的牛香味由舌頭經全身細胞直達腦神經，感覺完美出塵。

美崎牛腩(左)(￥1680) ; 美崎牛脊(右)(￥1680)

美崎牛脊肉和牛腩一樣好得，只比牛舌差一點點….

美崎牛西冷(150g)(￥4800) – 賣相一般但味道非一般的神級和牛。

天然炭火燒至五成熟的美崎牛西冷，能吃一口實在不枉此生呀！伴些石垣海鹽同吃簡直是神一般美味，是吃牛的最高境界。

完美的一餐，帶著愉快的心情乘的士返石垣市。

落車之後入超級市場濕平。

鄉土料理ゆうな – 今晚在石垣市這間鄉土居食屋聽民搖，入場費每位￥1000。

氣氛很好的一間民搖餐廳，食客都聽得好投入，唔食飯都應該入去聽歌坐吓。

請福泡盛 梅酒(￥500)；小食(￥200)

歌手有點似林雪

聽到最後又係全場起舞，個個起身郁身郁勢，原來沖繩的民搖居酒屋都係呢種玩法。

今晚又唔夠精神了……….

補充資料 :

1.   由川平彎到石垣市的巴士每日只有幾班，每位￥700。

2.   由 石垣島去 竹富島的快船來回每位￥1280，只需 10分鐘航程，約30分鐘一班。

3.   水牛車每位￥1200，玩25-30分鐘，有免費碼頭接送和午餐贈飲。

---待續---