夢迴長生の島 沖繩八重山(6) – 夢魂 日本南國居食屋「海八」

石垣島 海八居食屋 – 大眼雞刺身

海八居食屋位於石垣島市區三崎町中央大街，店內的食材使用石垣島產的三崎牛和每日新鮮捕獲的鮮魚，充滿八重山風味。最特色之處是這小店可以安排黃昏出海釣魚活動，客人釣到魚之後晚上回到海八，廚師立即把鮮魚製成不同美餚，把稀有的鮮魚製成生魚片，或以傳統汁煮泡製，均是十分之美味。

夢迴長生の島 沖繩八重山 – Day 4

<<石垣島>>

從黑島回到石垣島，剛落船小太熊便第一時間衝過去碼頭對面間餅店。

小太熊睇中紅竽泡芙(￥178) – 紅竽泥又香又甜，酥皮很鬆脆，又幾鬼好味道呢。

小太熊再下一城，買多件忌廉泡芙(￥136)嘆。

好多忌廉，又係鬼甘好味道。

由於已到14:30，大部分食店也休息中，只有這間位於“市政府大通”的餐廳營業。

入去食午飯，只有我們兩個客。

石垣是日魚生飯(￥780) – 味道普通，魚生有些根，飯底的香軟度也只是一般。

三枚肉八重山湯麵(￥650) – 豬肉味不夠濃，油麵太淋，味道普通。

跟行過幾間鋪食雪糕

綠茶雪糕黑糖刨冰(￥530) – 雪糕香滑好味，芋圓都很有咬口。

石垣市公設市場 – 很地道的日本街市，多新鮮貨，如果酒店可以煮食，一定來這裡買餸。

鮮雜果盒(￥300) – 質素只係一般，都算抵食的。

沖繩話梅 – 酸甜度啱啱好，我覺得係全世界最好味的話梅，買了好多返屋企慢慢嘆。

石垣市公設市場肉食店

石垣牛又平又靚，活在石垣島的人真幸福。

昨天在海八居酒屋訂了今日黃昏出海釣魚，準時到海八集合，跟住出船。

16:30乘這小艇出發，同團還有另一家三口日本人，一共5個客。

小艇駛至海中心便停下來，開始釣魚。

黃帶鯛(Small-toothed Whiptail) – 勁多魚，平均每五分鐘有一條魚上釣，可惜很多魚太細要放回大海。

大眼雞 – 呢條斤幾重，好似好好味啊。

好快又有魚上釣，今次有點甩鈎，職員立即拿魚網幫手。

今次兩條魚同時上釣，不過和剛才同種的。

雞泡魚 – 呢條太細要放生，如果大條便好了，有河豚食。

船員即場把魚放血，聽講這樣會令魚肉更嫩，適合做刺身，如果唔放血魚肉會有根的。

兩個人釣了個半鐘的魚獲，只有兩條大魚，大部分我釣的，小太熊差點食白果。

隔離日本人釣到10條，而且有2條石斑，紅色那條好靚，應該好好味。

回程返去 海八居酒屋，廚師即時泡製剛才的魚獲，夠晒新鮮。

汁煮赤尾冬 – 剛才的細魚獲，用醬油汁煮，好鮮甜嫩滑。

大眼雞刺身 – 剛才釣的其中一條大魚，好鮮甜肉質一流。

上湯浸大眼雞 – 味道鮮美但偏淡口，魚肉較實，冇刺身甘好味。

不如為何冇煮其餘5條細魚給我們，唔係太明佢哋講乜。

金城燒肉 – 食完魚再到石垣島人氣燒肉店，食炭烤石垣牛。

石垣牛刺身(￥980) – 肉質鮮嫩肉味香濃，牛油味入口回甘，美味美味。

石垣牛炭燒盛(￥5880) – 全盆牛只有塊西冷好味但切到很簿，最左邊六件是多根劣等貨，價錢這麼貴都用劣等貨，不知所謂。這間是我在日本吃過最差又貴的一餐炭火和牛。

全盆牛只有這塊西冷好味，其餘都係垃圾。

補充資料 :

1.   釣魚團可於17:00後在 海八居酒屋報名，每位￥6800，已包廚費。

2.   金城燒肉 又貴又劣，影衰石垣島。

 

---待續---