聖誕快樂Merry • Christmas Island(4) – 聖誕島叢林旅程

聖誕島特產 藍蟹(Blue Crab)，一般生活於島上的樹林內。

聖誕島(Christmas Island)這名字起源於三百多年前，最初發現聖誕島的英國航海家William Mynors在聖誕節當天發現這小島，於是他便稱這小島為「聖誕島」，名字沿用至今。聖誕島面積只有135平方公里，比香港的大嶼山細一點點，島上大部份是叢林地帶，當中存活了多種獨特的蟹，包括最好食的椰子蟹和數量較少的 藍蟹(Blue Crab) 。

聖誕快樂Merry•Christmas Island – Day 3

<<聖誕島>>

繼續上一篇的Day 3行程。早上潛完 2次水，回酒店The Sunset食完飯盒後，13:30導遊Lisa接我們去Dolly Beach行森林。Lisa準時架着四驅車到酒店接我們，因為沿路都有很多紅蟹在路上需要閃避，由酒店到Dolly Beach的Carpark都用了成粒鐘。

Dolly Beach位於聖誕島的東南面，是最多椰子蟹和藍蟹的海灘。

坐這架聖誕島上唯一的一輛招待散客的四驅車

四驅車要在這裡停車，自己再行45min木棧道便到Dolly Beach。

Lisa放低我哋便自己先走，我和小太熊自己行。

落車不久便見到紅蟹以外的新品種蟹 – 藍蟹，Size和紅蟹差不多，但防護性相當高，很難埋佢地身。

沿着非常原始的木棧道行，見到很多蟹仔在棧道上和兩旁。

還有較少見的 黃色草蜢

當然少不了 椰子蟹

棧道越行越原始，睇個樣真係成個星期都冇一個人行。

叢林內見到很多 黃瘋蟻(Yellow Crazy Ant)，早前看到的資料是真的。

還有不少巨型蜘蛛，好可怕，真係步步驚心。

呢區啲椰子蟹又大又多顏色，而且好生猛。

行足45min才到Dolly Beach，沙灘其實冇乜睇頭，天色灰暗勁大浪游唔到水，而且紅蟹未行落沙灘，不過响沙灘上見到十幾廿隻巨型椰子蟹，如果响沖繩佢哋實冇命了。

時間有限，在沙灘只能停半個鐘便要原路回頭。

回程時開始冇咁熱，越來越多蟹爬出來揾食。

椰子蟹正在分屍享用一隻死了的紅蟹

除了蟹，還有雀仔，呢隻雀仔叫Island Thrush。

接近17:00紅蟹們行了出路上，有車就危險了。

回到起點，再行多十多分鐘又到另一海灘Greta Beach，仍然係原始和唔多靚，因為唔知點解好多垃圾。

Greta Beach只見少量紅蟹

呢隻紅蟹唔知因乜死得咁慘。

在沙灘旁的懸崖看見一對海鳥Brown Booby，樣子幾趣怪。

一隻紅蟹正在享用同類條屍，同類都食這樣邪惡，唔怪得島民唔敢食佢哋啦。

佢哋只食死了的蟹，但係唔會攻擊活蟹嘅。

約了Lisa 17:30在起點等，但佢遲了15min，因為沿路好多蟹，要避蟹所以遲到。

原來佢講真架，條大馬路比中午多好多蟹，我同小太熊都要落車幫手趕蟹呀。

返到酒店19:00有多了，沖埋涼都唔想出外，今晚响房自己煮嘢食。

晚餐有出前一丁、罐頭咖哩牛肉薯仔、罐頭茄汁黄豆、白酒和可樂，好豐富吖。

今日節目好充實，由朝玩到晚，明天仲忙呀，小太熊話要晨早03:00開始起身行上學校睇蟹，玩足16個鐘. . . . . . . .

補充資料 :

1.        如果自己冇車，可聯絡導遊Ms Lisa Preston (lisa@indianoceanexperiences.com.au)安排接送，由酒店The Sunset來回Dolly Beach每位AUD$ 50，兩位起。

2.        Dolly Beach是島上最多椰子蟹的地方。

3.        紅蟹怕熱，所以中午都唔會現身，早上天光後太陽出來前和黃昏日落後天黑前是紅蟹最活躍的時間。

4.        Dolly Beach和Greta Beach都很大浪，唔適合游水。

---待續---