韓國慶州 櫻花馬拉松(2) – 慶州櫻花馬拉松

韓國慶州 櫻花馬拉松

韓國慶州 櫻花馬拉松 – Day 2

<<慶州>>

禽晚瞓足8粒鍾都唔係好夠，06:30起身時仲鬼咁眼瞓，真係想唔跑，但又揾唔到一個唔跑嘅理由。起身求其食兩件豆沙餅，飲包鮮奶，做幾嘢Warm up，便行去會場攞號碼布。

嘩！07:10去到會場，勁多外地參賽者排隊攞號碼布，但大會人員做嘢極幔，我排足35min才攞到號碼布，但後面仲有幾十人，肯定趕唔切08:00開跑了。

大會請了班正妹又唱又跳帶人做早操

成班韓國伯苦又跟住跳，都幾攪鬼。

就快08:00，預備開跑了。

Pang一聲响. . . . . . 起步

冇耐就進入櫻花樹區

開始一段沿普門湖跑，路兩旁都係櫻花，邊跑邊落櫻，相當好feel。

跑了5km左右到了市區，開始變Dry了，冇view。

沿途都有唔少當地人和香港人打氣

好快跑了10km，只用了59min，好似唔太慢。但跟住脚軟了，要行吓跑吓，跟住11km用足80min。

好快過了15km，又返普門湖伴的櫻花樹區了，好靚。

衝線了，半馬總成績2hr21min，退步了15min。。。。。

跑完又唔係太殘，因為我冇盡全力跑嘛！返房沖個涼又出動，原本plan了中午食 石磨水豆腐，但大肉嘅小太熊特然話要返禽日間韓牛店食，好啦. . . 小太熊話晒事啦。

普門湖區 炭燒韓牛店(ex巨龜庒)

今日試另外兩種W12,000 – 100g的韓牛

韓牛比禽日更香濃味美，抵食。

韓式泠麵(W4000) – 酸酸咪咪好醒胃。

飯後行吓附近公園

租了2架單車，每架W10,000一日。

其實沿湖都唔多好踩，路又窄又凹凸不平，車又多，都好危險，幾次差啲片了出馬路。

本來想踩到去 瑤石宮食飯，但我啲技術唔係好得，都係沿湖踩個圈還車算了。還完車，想搭巴士出 瑤石宮食飯，但等了20min都冇車，迫住搭架黑色嘅優質的士，又撞正大塞車，出到瑤石宮要成W18,000，好貴。

啱啱17:00前到 瑤石宮

店員知我哋時間有限，第一個招乎我哋入去坐先。

入面係有400年歴史的古宅

沿路有啲宮女行來行去，似去了韓式宮延。

我兩係第一枱客

瑤石宮係食宮延宴的哋方，最平套餐每人只需W33,000，都好抵食。我和小太熊叫了兩份最平套餐，味道唔錯。

先來9小碟前菜

跟住係上15道韓國宮延菜

韓式海鮮蔥餅 – 味道比不上昨日婆婆那碟，但都好味。

沙葛蝦沙律 – 普通

魚肉卷 – 幾特別的小食

五花豬腩肉 – 夠豬肉味，香口。

韓式清湯 – 多菜，夠健康。

紅棗炆排骨 – 靚排骨來的

韓式煎黃花魚 – 好味

雜菌炒粉絲 – 有水準

燒牛肉 – OK架

豆腐石頭鍋 – 好食

醬汁八爪魚 – 太咸了

成枱都係，真係食唔晒。

仲有白飯任食，你話點食呢。

最後一碗 菜湯 – 好清潤

甜菠蘿 – 正

甜品 甜茶一碗 – 只有甜味

食完飯日落了，路過瞻星台。

坐No.11巴士返酒店，要兜個大圈經佛國寺才回到普門湖，比坐No.10坐多25min。今晚又去大浴場沖凉。

補充資料 :

 

1.         慶州櫻花馬拉松 報名費W30,000，但只收滙款，銀行收了四舊幾港紙手續費，只可e-mail報名，確認報名後，在比賽當日才可開跑前一粒鍾到現場攞號碼布，但效率甚差。

 

2.         在普門湖租單車要收証件，最好求其帶張有相的XX會員証去租。好似W10,000一日，但其實都唔係太溝通到。

 

3.         瑤石宮晚飯是個幾好體驗，價餞亦唔貴，但記住訂位。

 

 

 

 

---待續---