日本中部の秘湯 • 旅舍(完) – 大阪 • 名古屋の名物

日本中部奥飛驒  新穗高吊車，直上到山頂2156m展望台。

日本中部的岐阜縣 奧飛驒，除了泡秘湯食飛驒牛是必然節目外，一般旅客都會順便到新穗高吊車站，乘吊車上雪山頂觀賞一吓「槍之岳」的風景，唔錯架。新穗高吊車是 奧飛驒的人氣景點，山頂總站「穗高口駅」高2156m，山頂只有 -1℃。

<<奧飛驒>>

日本 高山‧白川鄉‧奧飛驒 – Day 4

今朝又係06：30起床浸溫泉，再07：30食早餐。

早餐都豐富的，但味道和質量當然冇晚飯咁好啦。

溫泉蛋、自家制豆腐、味噌醬燒和冰梅茶，普通OK。

燒魚唔好味～ 

小食怪怪的～ 

拉麵還可以～ 

食完早餐返房執嘢，09：00要離開了，乘巴士到新穗高總站，睇唔到旅館09：00制年糕了。

到達吊車站立即上吊車，第一程由山腳到山腰，迫滿人像沙甸魚。

第二程吊車由山腰上到山頂，吊車分兩層，上層50人下層70人，又係迫爆。

沿途雪山風景好靚的～

到山頂了，第一個和我們打招呼的是這雪人。

山頂只有-1℃，好凍，只停留了20min影些相便走了。

排隊排了20min才上到吊車落山

落到山腳剛好趕到10：55回高山市的巴士，12：30便返到高山市了。回 名古屋的巴士14：00才開出，有時間食埋個Lunch。

<<高山>>

我選了大街一間炭火燒飛驒牛店，卻full晒，原本我想即刻去第二間食，但小太熊見到人地啲炭火燒牛肉好香，好想食，又見我地排第一，於是堅持要等位，但等到13：10都未有位，趕唔切燒了，唯有轉食第二間啦，但小太熊始終冇乜心機。

行前半分鐘，去到這間鐡板飛驒牛店「丸明」，就食呢間啦。

我例牌叫瓶熱清酒￥580

要了兩份午餐定食，定食包一碗幾好味道的麵豉大蜆湯。

沙律亦幾好吃～ 

鐡板飛驒牛西冷200g(￥3500)，五成熟廚功到家，牛香肉嫩頂級貨，食了幾日牛肉最好味呢塊扒，超抵食。

飛驒牛100g味噌朴葉燒(￥2280)，又係靚嘢，呢間舗啲牛好得。

甜品係 飛驒牛奶雪糕，Good!

上得菜來只有20min時間食，食得好趕，13:45半行半跑返去巴士站上車。

由高山市去名古屋巴士車程2.5hr，每位￥2900，要在巴士站預先買票，可email做Booking。

<<名古屋>>

14：00 – 16：30到達名古屋駅，第一站係乘地鐵去「伝馬町」站，出站行3min便到 名古屋人氣炭燒鰻魚店 蓬萊軒。

「篷萊軒」外觀像間普通民居，當晚只有4枱客。

燒酒加冰￥420，很哽。

炭燒鰻魚飯(￥2900) – 即叫即燒的鰻魚佈滿炭火香味，加上魚肉甘美加外脆內軟，是鰻魚中的極品，好想再食。

招牌 鰻魚飯四吃(￥3600) – 店長話這即叫即燒的一碗鰻魚飯有四種不同食法，分別有 :

第一種係 剩食原味鰻魚飯 – 好好食但沒有上面那碟鰻魚咁香口。

第二種食法係 加上伴菜一齊食 – 呢款最好味。

第三種食法係 再加上湯一齊食 – 我覺得最無聊係呢種食法，嘛嘛。

第四種食法呢? 店長話喎，第四種食法係你自選以上三種食法中你最鐘意的一種，再食一次。

唓!! 明揾笨實。

埋單都覺得呢餐好貴唔多抵食。

下一站乘地鐵回 名古屋駅，去百貨店Bic Camera讓小太熊Shopping。

小太熊買了2個電子美容器，話可以去斑、潔膚、保濕、去眼紋架喎，係香港的半價添喎，佢話買就哽買啦！

跟著行名古屋駅內的超市

買了4盒士多啤梨(共￥2500)自己食，冇上年在大阪黑門市場買的咁甜了，但都好好食。

下一站 名鐵百貨 食第二Round

名鐡百貨內有另一間 名古屋名物「矢場とん豬扒」

專程來試這塊出名的豬扒～

冰烏籠茶每杯￥315

招牌炸豬扒(￥2100) – 店內最貴最厚切的豬扒，咬一啖！嘩嘩！！好很鬆化呀.........但....曉～～又鞋又冇味，真係攪X錯，㸃解咁多人讚佢架。

跟著返名古屋駅食「世界の山ちゃん雞翼」，又係好出名架。

試完豬扒後，其實對這雞翼冇乜期望了，那知都係食到差點起火。

例牌 雞翼5隻(￥420) – 頂佢吖，又乾又鞋，咸到乸脷，落了幾擔胡椒粉，真係食你唔死都血壓爆錶。

<<大阪>>

乘21:12 - 22:54的JR往JR難波(￥5980)，去到新大阪後要轉三次車，頭都暈。

從JR難波站行15min，來到今晚的酒店，就係位於 南海電鐵難波站的「Hotel IL Cuore」。

單人房2人住不包早餐(￥9000)

已23：30了，明天要05：00起床趕飛機然後返工，正路都即刻沖涼瞓啦.....但小太熊想食埋「一蘭拉麵」呀～

從酒店行了15min，零晨24：00便到 道頓堀的「一蘭」拉麵。

日本 高山‧白川鄉‧奧飛驒 – Day 5

在門口等5min便有位了～

义燒拉麵(￥790)，可以選擇湯底濃度、油膩程度、麵條硬度，亦可免費加蒜、加葱和加辣，但加蛋要￥100，加紫菜￥50。

我這碗要￥940 – 好食，是有品質的拉麵。但仍然遠比不上和歌山市的井出商店。

返酒店中途買多盒牛奶(￥174)嘆，實在太濃滑了。

最後02：00至有得瞓，瞓3粒鐘啦。

最後瞓到05：15至起身，乘06：02的南海電鐡(￥890)往機場。

這架往機場的南海電鐡快車要￥1390，但只比我坐的普通車快10min，卻貴成￥500。

08：30起機，11：45返回香港了。

立即飛的返工啦，慳返半日假。

補充資料 :

1.         由高山市去新譓高乘吊車，可在 濃飛巴士站旁的一間Agent「JTB」買一種叫「奥飛騨まるごとバリューきっぷ」的套票，￥5000包2日無限㳄坐高山市至新譓高的巴士和一次來回山頂的新譓高吊車。套票在濃飛巴士站票務處冇得賣，必須在「JTB」比錢後，拿着收據到濃飛巴士站票務出車票。

2.         由高山市去 名古屋駅巴士車程2.5hr，每位￥2900，要在高山市濃飛巴士站預先買票，可email做Booking。

3.         名古屋駅有很多大小的Locker。

---日本中部の秘湯‧旅舍@白川鄉‧高山‧奧飛驒(完)---