法國 初夏(5) – 法國南部 醉 • 色 • 蠔情生活

法國南部 普羅旺斯薰衣草田

Provence(普羅旺斯)位於法國南部，地域範圍很大，包括了盛產薰衣草的 上普羅旺斯山區(著名小鎮有Valensole、Gordes、Orange、Sault等等)和蔚南海岸(康城、蒙頓、尼斯等等) ，出產的薰衣草產量佔全世界的80%。

Mook話，英國名作家Peter Mayle曾在其作品「山居歲月(A year in Provence)」中描繪了普羅旺斯純樸可愛的村民，因而令這小山區更加迷人。

       在上普羅旺斯山區遊走時，我在很多地方都見到大型的薰衣草田，例如Valensole附近的D15公路和D8公路、Lagarde d’Apt的Chateau de Bois、Sault附近的D943公路。網上資料顯示，薰衣草每年的6月中開始開花，6月尾開始盛放至8月中。開花期間，到處都可聞到薰衣草獨有的香味，田上佈滿採花蜜的蜜蜂，亦有少量商販在薰衣草田旁邊售賣薫衣草蜜糖。

遊薰衣草田除了自駕外，亦可以參加在亞維農出發的薰衣草團。

昨天在民宿Vitaverde Le Clau感受完普羅旺斯「山居歲月」後，今天正式進入普羅旺斯，體驗這裡的醉(餐餐無酒不歡)‧色(紫色薰衣草和金黄色稻草)‧蠔情(在尼斯大吃生蠔)生活。

法國 初夏 – Day 4

<<Cruis, Provence(普羅旺斯)>>

今朝06：30便起身了，爭取時間在小鎮Cruis行一陣。

剛步出民宿，便見一隻驢仔和一隻白馬走過來想攞嘢食。

佢地好可愛好乖架，摸都唔走，隻驢仔仲不時會錫隻白馬架。

再向前行，見到很多稻草卷。

行15min便到Cruis小鎮的中心了，有一小教堂和寧靜的小廣場，好靚。

行到08：00，回程返民宿食早餐。

早餐有新鮮麵包和果汁，麵包外皮香脆內軟熟有質感，配薰衣草蜜糖加牛油，好好食。

09:00準時出發，今日會先自駕去普羅旺斯最大的薰衣草區Valensole(45km –預計60min會到)，再落Cannes(康城)、Antibes(安堤布)和Nice(尼斯)。

但. . . . . . .唉！GPS又有大路唔行，㨂了條入村的超窄小路，有對頭車就大很鑊了，攪到又慢了30min。

有網上資料話，Valensole毗鄰的Route D15和D4交界附近有最大的薰衣草田，車子在10:30左右去到這交界位置，但卻完全見唔到薰衣草，死火，唔通太早未開花？見唔到㸃算好呢？小太熊和我都好驚。

車子繼續沿D15向Valensole方向行，過了冇耐，見到很多金黃的稻草，好靚呀！

<<Valensole, Provence(普羅旺斯)>>

普羅旺斯金黃稻草田

繼續前進，特然眼前一亮，有薰衣草田呀！好大好紫好香好靚呀！

Valensole附近D15公路上的薰衣草田

沿D15繼續走，沿途不斷見到薰衣草田。

經過其中一塊田時，見到有嘢賣，幫襯買了扎乾薰衣草(€2.5)和一樽薰衣草蜜糖(1kg – €16)。

這是沿D15到小鎮Valensole前最後一塊薰衣草田。

11：30左右到Valensole了，只足個平平無奇的小鎮，冇乜好睇，於是再set好GPS去Cannes(康城)。

GPS又帶我哋行山路，慘慘，可能太慢要Skip了康城的行程了。最後，短短140km路程用了3hr行車，加埋60min的中途午餐及小息時間，真係要Skip了康城。

(事後醒起，可以分段set GPS，咁樣行邊條路的自主性大好多，預時間都準好多，但已是明日的事了。) 

<<Lake of Sainte-Croix, Provence(普羅旺斯)>>

沿GPS揀的路行，中途經過普羅旺斯省的山中湖Lake of Sainte-Croix。嘩嘩！靚喎靚喎。

13：00左右，團友甲頂唔順要落車义電了，剛好路過一山中小鎮，慢慢泊好架車順便吃飯，這時決定要Skip康城了。 

在這山中小鎮餐廳食飯，都好悠閒架。

鵝肝牛肉漢堡包伴薯條洋蔥圈(€13) – 好好味道，有200g牛肉加一大片鵝肝醬，夠2人份量。

一食就用了40min，連埋泊車倒車放水，14：00才離開，直往Antibes(安堤布)進發。

15：15終於到安堤布了，這蔚南城鎮非常繁忙，找車位泊車再泊好架車都用了20min，真的大失預算。

<< Antibes(安堤布)>>

Antibes的icon，一個藝術公仔。

Antibes最著名的沙灘Plage de la Gravette

Plage de la Gravette沙灘細細但卻人山人海，氣氛很好非常熱鬧，泳客整體上的年紀是衆多法國南部沙灘所見到最年輕的。

Mook的評語，話Antibes的沙灘養眼度係★★★★★，而Monaco(摩納哥)的沙灘只有★★，看來不假。

匆匆在Antibes停留了1hr，16：15再驅車往Nice(尼斯)，很塞車呀，短短20km便用了45min，真大鑊。

17：00終於到今日尼斯的酒店Hotel Danemark了，位置OK，行5min便出到尼斯的Promenade des Anglais(英格蘭大道)，但車位要加€10。

<< Nice(尼斯)>>

尼斯的酒店Hotel Danemark

雙人房(不含早餐)每晩€94，整潔，有浴室但冇冷氣風扇，晚上都幾熱。

比預算足足遲了2hr才開始玩尼斯，仲已經Skip咗康城，自駕真係慢得可怕。

17:30的尼斯石灘 天使彎依然陽光普照，人山人海熱鬧非常。

漫步尼斯Promenade des Anglais(英格蘭大道)

老外們都悠閒地坐在英格蘭大道。

Mook的評語話 尼斯的海灘養眼度係★★★★，比Antibes差少少！

一場來到，我都落海游了幾轉，海水和20年前一樣咁咸呀。

游到19:00，剛好目送這觀光小火車開出最後一班，要下次至可以玩了，唔知幾多年後呢！

和小太熊四圉散步，看看今日的尼斯變成點。

變得多了個濕地公園，小朋友們玩得很開心呢。

行入舊城的尼斯最佳雪糕屋Gelateria Azzurro，排名第一，我試了開心果加夏威夷果仁味(€3.6)，好正，拍得住意大利吃到的Gelato，要試要試。

繼續漫步舊城區，遊走尼斯舊街。

步行上到尼斯 城堡山，欣賞尼斯和天使灣全景。

20:00左右落返山，走過 尼斯主教堂。

尼斯主教堂旁的雪糕店Fenocchio Glacier，排名第二，人一樣多。

乳酩雪糕(€2) – 酸酸May May像益力多，好好味。

夜了，在舊城區露天檔Cours Saleya吃生蠔，幾好Feel架。

最Cheap白酒一支750ml(€26) – 味道清新，襯晒生蠔。

法國生蠔一打(€19.5) – 味道很咸，海水味甚濃，但食完後有甜味回湧到口腔，肉爽脆，整體上唔錯。

煙三文魚意大利濶麵(€17.5) – 又係好咸，唔通因為班咸蝦日日在海灘睇咸嘢，所以煮餸都咁很咸？

吃完飯天黑了，行到返酒店都23:30。

明早要07:00起身，因為要趕去Eze入住蔚南海岸最靚古堡。

補充資料 :

1.   今日駕車260km，用了€40.4入油，公路費€7.2，泊車費€10。

2.   在法國自駕set GPS時，應先自己用地圖定好路線，再分段set GPS，這樣可避過被GPS老點去難行山路成兜大圈的問題，預時間準好多。

3.   今日見的薰衣草全在D15公路旁，由D15/D4交界至Volensole那一段。

---待續---