法國 初夏(3) – 細味 法國小鎮@Burgundy(布根地)

法國Burgundy(布根地) 小鎮Semur-en-Auxois

從巴黎出發向Burgundy方向自駕250km，會路過小鎮Semur-en-Auxois，這小鎮寧靜、美麗、出塵，環繞小鎮有一條護城河，不論從那角度，都可拍得像postcard一樣的美境。

法國 初夏 – Day 2

今早大家準時07:15在酒店大堂集合，行到停車場大約07:30出車。原本計劃立即飛去Burgundy，但團友甲昨晚check到租車單上的司機寫漏了佢個名。因為怕保險有問題，所以決定回租車公司攪清楚。

由於團友甲的泊車、倒車和停車場窄位轉彎等投術都甚屎，又冇人叻得過佢，攪了好耐才出到停車場。出大路後又再被GPS老點，兜了30min才到租車公司。再和職員攪一大輪，終於可在09:30正式出車了。

剛轉出公路又遇塞車，又塞了30min。看來今天Book了13:00到箸名食店“Le P’tit Paradis”食Burgundy(布根地)牛扒的中午飯要cancel了。

公路順暢返，直駛向Burgundy。

由於團友甲的一般駕駛投術只係Co.Ltd.，在限速130km/hr的公路上亦只會開90km/hr，在限速70km/hr的小路更只能開40km/hr，而且佢身體機能所限，每揸個幾鐘便要入油站飲杯個B义吓電，一义就至少义25min，因此比我預計的車程慢了好多。但冇計，因為團友乙技術更屎，我想試揸但又冇人帶到路，唯有keep住我帶路團友甲揸車這組合。

<<Semur-en-Auxois, Burgundy(布根地)>>

攪到差不多13:00，終於來到今日第一站Semur-en-Auxois了，好靚呀！

Burgundy小鎮Semur-en-Auxois – 從巴黎沿Route A6轉入D980，便可從這裡入城。

過了橋要立即右轉，有好多泊車位。

小鎮內的小巷和破屋，真係好靚。

在小鎮內是但揀了這餐廳食飯。

375ml紅洒一支(€12) – 較易入口，果香明顯。

點了三道菜午餐(€20)，包頭盆、主菜和甜品，味道一般，但唔算差。

頭盆(1) 豬肉凍 – 像超市買的肉凍，OK啦。

頭盆(2) 法式田螺 – 落了大量醋，太酸，而且腥腥哋，唔係好得。

主菜(1) 法式炆牛腩 – 夠淋又幾好味喎。

主菜(2) BBQ牛扒 – 緊緊合格。

甜品 雪糕新地 – 普通好食。

食完飯後在鎮內四圍行，發覺乜人都冇，舖又唔開，死城一樣。

Semur-en-Auxois最高處的教堂

從高處展望小鎮Semur-en-Auxois

小鎮Semur-en-Auxois的護城河

行到15:30，真係未行夠都要走了，因為今晚Book了貴嘢，遲check-in好豬架。

今晚Book了Burgundy區Number One的酒店 中世紀法國修道院Abbaye de la Bussière，前身是修道院，創辦於1131年，於2005年改建成酒店，內有私人大花園、教堂和酒窖。室內舒適雅緻，寧靜，令人驚喜無限。

從Semur-en-Auxois自駕60km便到修道院Abbaye de la Bussière，因為係山路，所以揸了成個鐘，16:30才到。

<<Abbaye de la Bussière, Burgundy(布根地)>>

進入修道院了，花園好大好靚呀，仲有隻小馬仔添，好得意架。

車子沿花園駛到入修道院主樓。。嘩！入口已經夠靚啦。。。

職員出來帶我們泊好車，並招呼我們進內，冇問名已知道係小太熊來了，因為修道院只有18間房，今日只有一枱亞洲客。

行入主樓，像做了中世紀的貴族，感覺. . . . . .. 飄飄然

職員首先帶我們參觀吓，介紹吓這所 修道院。

這是餐廳“Gastronomic”，小太熊Book已了位，好Full架，唔Book冇位架。

主樓1/F Lobby，這對公仔係修道院的icon。

修道院的酒吧，好靚啊！

1/F的圖書閣，再上一層便到我間房了。

上到2/F穿過長長的走廊，盡頭就係我開房了。

一打開門口，嘩！好大好靚呀！單位房門走廊已夠豪了。

雙人房Junior Suite Abbaye每晚€525(不包早餐)

身處這大房，越來越覺自已係歐洲中世紀的貴族。

浴室有特大按摩缸

Welcome Drink係檸檬什飲，幾好味架。

放好行李後，用修道院的免費單車在花園四圍參觀吓。

修道院主樓外圍，好靚但客都唔多見，像2人包場一樣。

修道院主樓外的小教堂

花園小銅像

在這大花園曬吓太陽休息吓，睇吓小馬仔食草，很寫意過了45min。

嘆的時間係短了些，但冇辦法啦，今次法國旅程重點係參觀油站嘛。今日响各大油站參觀了個幾籦，咪嘆少個幾籦囉。

繼續行，意外發現一座殘建築內有釀制中的紅酒。

修道院的釀酒窟

內放了很多酒桶，打開蓋看看，真係裝滿釀制中的紅酒架，酒香未算濃。

行到19:30左右，去餐廳食飯lur。

這餐廳今晚只供應2種Surprise Tasting Menu，分別係€95(有9道菜，加多€75就每上一道菜伴多一杯餐酒)和€130(有12道菜，加多€95就每上一道菜伴多一杯餐酒) 兩種法國大餐，食足3.5hr。。。食咩？Waitress話由大廚決定，天天不同，總之有鷔喜喎。

我和小太熊都選了€95的Menu，我豪啲啲，加多€75要埋餐酒perfect啲。

第1道菜 餐前小食3款 – 有帶子、肉凍和鮮菌，伴一杯清淡白酒，加强了幾款小食的鮮甜味，不錯不錯。

第2道菜 粟米湯 – 新鮮粟米磨碎加少許南瓜溶煮成再泠凍，清新醒胃粟米味濃，伴一杯清香白酒，味道很襯。

第3道菜 藍龍蝦尾肉龍蝦沙律 – 龍蝦尾鮮甜彈牙，襯底的龍蝦沙律同樣鮮甜醒胃，伴一杯清純白酒，滿分。

第4道菜 露筍伴果仁碎 – 賣相特別，露筍新鮮爽甜，伴上一杯濃果香味的白酒配果仁碎一齊食，口感特別，味道唔錯的。

第5道菜 炸田雞腿 – 田雞肉很脆嫩亦有肉香，脆皮外灑了少量鹽加强了田雞肉的味道，伴上一杯重口味的白酒，好吃。

第6道菜 煎鱸魚柳伴牛油果汁 – 魚柳肉嫩魚油香滲滿魚肉，伴上一杯濃來適中的白酒和牛油果汁同吃，絕配，很少西餐的魚肉這麽好吃。

食完第6道菜停了大半個鐘，悶到要外出行吓吸啖新鮮空氣提提神。

夜晚的修道院都好靚啊，比日間更見寧靜。

第7道菜 半熟煎布根地牛柳 – 當然冇和牛的香口或安格斯牛的濃肉味啦，但不論肉質味道和廚功都算唔錯架，伴上一杯味道多層次的紅酒，唔失禮架。

第8道菜 布根地芝士 – 非常特別，芝士煮溶再加入少量煙肉碎，伴上一杯味道濃烈的紅酒，非常香口好味。

第9道菜 甜品朱古力餅 – 味道普通，伴上一杯甜白酒，為這一餐劃上句號。

由天光吃到天黑，餐廳和大堂都一樣咁靚。

修道院的其它地方仲靚過日頭。

今晚好多星星好靚啊！

補充資料 :

1.         今日駕車300km，用了€14入油，公路費€17，昨晚€10泊車費。

2.         由巴黎自駕到Semur-en-Auxois長250km，多行公路，限速130km/hr。

3.         Semur-en-Auxois有大量免費泊車位。

4.         法國的鄉郊小路又窄又多彎，一般法國人駕車都極快，駕細車較適合。

---待續---