細味西班牙(9) – 出走南歐 直布羅陀(Gibraltar)

英國殖民地 直布羅陀(Gibraltar) – 巨岩山

直布羅陀(Gibraltar)是英國最細的一個海外領土，也是英國在歐洲的最後一片殖民地，西班牙自1713年將 直布羅陀割讓給英國後，至今仍為英國領土。直布羅陀有自己的護照及貨幣，直布羅陀鎊與英鎊等值，英鎊和歐羅在 直布羅陀境內也可以廣泛使用。

浪遊摩洛哥‧細味西班牙 – Day 10

<<Chefchaouen>>

早上05:45早餐都未食便要離開酒店，乘07:00的巴士到摩洛哥邊境Tangier，車程3hr，車票Dh 27加大行李每件Dh 10。

山城Chefchaouen巴士站

在巴士站旁邊的士多食少少野，蛋治（Dh9)加 咖啡(Dh 8)。

<< Tangier >>

約10:30到達Tangier的碼頭。

剛有班12:00正開的快船去西班牙，以為fit晒啦……點知，買船飛時船公司查我的Passport，話我的Passport沒有出境印，唔肯賣飛比我，要我去出境counter攞到出境印至回去買飛，並說 “quick…..quick, the fast boat will depart soon”。於是我quick quick地跑到2樓出境counter，點知條高官大哥望住我本 特衰護照研究了好耐，話我有problem，老點我先落樓下police office攞permit先。我於是走到police office，條大sir當我本護照假嘢一樣，版版研究裏面唔同國家的出入境印，又話我張相個樣唔似我(我心諗，你條阿啦蟲講晒呢，當然，我還是保持笑容，唔敢發圍，因為猛虎不及阿啦蟲)，最後居然話我的problem是 ---- 我坐飛機來摩絡哥，所以唔可以坐船走，佢仲叫我返Casablanca坐飛機走。我當堂O晒咀，嘩…..你條PK由你老母塊臭田疴出來，你要爬返入去你老母塊臭田那裹死麼?我於是和他理論。。。。。。。無無聊聊地嘈了個幾鐘，他才肯比我們出境，但當時有一個男人站在黑警旁邊，他說幫了我們說好話--要收Tips。我就給了他Dh 50。現在還不明白，他們是否一伙的。

攞完出境印，極速跑去買船飛，再光速飛去碼頭，13:00終於上了隻慢船Ibn Batouta，可以離開了。

Ibn Batouta – 由摩絡哥Tangier去西班牙Algeciras的慢船，船程2hr。

上了船之後仲係好驚，到船頂吹吹風鬆一口氣先。

終於開船了，再見摩絡哥，這鬼地方相信一世也不會再來。

船上的商店已經要用歐元。

2小時後望見 直布羅陀(Gibraltar)的巨岩山。

一艘大郵輪駛過，很豪華舒適啊，第日有錢一定要坐郵輪再來一次 直布羅陀。

<< Algeciras >>

西班牙Algeciras比摩絡哥Tangier快1小時，所以到埗時已差不多16:30。

入境後，由碼頭行去巴士站，先買巴士飛往 直布羅陀。

在巴士站餐廳食少少嘢頂肚先，冇乜人食嘢。

迷你西班牙炒飯(€1.5) – 送硬麵包，味道只係一般。

巴士(€2.05)往西班牙邊境小鎮La Linea。

落巴士後向巨岩山方向步行約15分鐘到 直布羅陀(Gibraltar)邊境。

<<直布羅陀>>

進入直布羅陀後，乘巴士到市中心Water Gates，已經天黑了。

今晚住Lonely Planet內介紹最平的酒店Cannon Hotel。

酒店都幾殘舊，天井位置很陰暗。

雙人房(連早餐)每晚￡40 – 房間又細又殘舊，浴室公用，房內只有床、衣櫃和洗手盆。因為我到埗時已天黑，換不到英磅，店主收了我€52，比完錢先覺得自已真儍仔，應該用Visa Card嘛。

夜晚的 直布羅陀大街水靜河飛。

今晚在大街旁的酒吧The Clipper晚飯，又係Lonely Planet介紹的。

打開大門有Open Air，加上溫度適中，都幾舒服。

BBQ豬肉(€7.5)；黑啤(€3) – 味道比摩絡哥的食物好啊，而且環境乾淨得多。

炸魚薯條(€7) – 薯條夠粗又夠薯味，炸魚都好脆嫩，不過淡口少少，要自己加鹽。

當晚行了陣夜街，但死城一般，有點兒可怕。

浪遊摩洛哥‧細味西班牙 – Day 11

因為留在直布羅陀的時間唔多，所以晨早未天光便起身，爭取時間行多一陣街。

清晨的直布羅陀街道，依然係鬼影都冇隻。

行到Water Gates已經天光，不過依然未見有人影。

無無聊聊在街上行吓，再行上較高位置想睇日出，不過方向唔啱食白果。

回到Cannon Hotel食早餐，很豐富。

除了香腸的口感像粉團一樣難食之外，其餘食物都正常好味的。

早餐之後乘最早的一架吊車上 巨岩山頂。

巨岩山頂 – 今日陰晴不定又多雲，仲間中落雨，但反而令巨岩山有另一種景像。

巨岩山上有很多野猴子，生態都好似香港。

上到山頂至發現原來巨岩山上的景點之間沒有接駁交通，而且距離很遠，因為想在緊迫的時間內去多些景點，唯有跑步了，好彩小太熊都肯跑。在巨岩山頂跑了2km到另一景點 大圍攻隧道。

大圍攻隧道(Great Siege Tunnels) – 巨岩上的二次大戰遺跡，是18 世紀末 直布羅陀大圍攻期間，英軍從堅硬的岩石中挖掘出來的隧道。

隧道內可以望到 直布羅陀(Gibraltar)機場，機場再遠處便是 西班牙。

大圍攻隧道外的炮台

再要跑2.5km去St. Michaels’Cave，沿途風景都好好，跑跑吓落了一陣雨。

St. Michaels’Cave – 位於巨岩山上的新石器時代的民居，一處幾特別的古蹟。

行完山洞之後唔駛再跑了，可以慢慢行1km落山，在Middle Hill Station半山站乘吊車離開。

晨早天氣麻麻，灑了幾陣雨，但落山後就陽光普照，昨晚的死城現在人來人往，可惜要走了，可能永遠也不會再來。

離開直布羅陀(Gibraltar)前逛逛街市，發現有靚女啊。

水果都又大又新鮮。

魚都好靚喎，有條好似係馬友。

回到西班牙Algeciras火車站，乘15:45巴士到西班牙山城 龍達(Ronda)，黃昏到埗。

--待續--